نیویارک ایئرپورٹ پر پی آئی اے کے کریو کو موبائل فون اور سگریٹ اسمگلنگ کے الزام میں حراست میں لے لیا گیا اور پانچ گھنٹے تفتیش کے بعد رہا کیا گیا۔ ایئرپورٹ ذرائع کے مطابق پی آئی اے کی پرواز پی کے721لاہور مانچسٹر سے ہوتی ہوئی جب نیو یارک ایئرپورٹ پہنچی تو پی آئی اے کے کریو کو امریکی کسٹم حکام نے پانچ گھنٹے سے زائد تحویل میں لئے رکھا ، بعد ازاں بڑی تعداد میں موبائل اور سگریٹ ضبط کرکے جانے کی اجازت دی گئی اور قومی ایئرلائن کو کارروائی اور جرمانے کا سامنا کرنا پڑا۔ ذرائع کے مطابق نیویارک واقعے کا پی آئی اے انتظامیہ نے نوٹس لیتے ہوئے کریو کے خلاف تحقیقات کا بھی حکم دیا ہے۔
سپریم کورٹ کاحکم:فارماسیوٹیکل کمپنیوں کے گرفتار 3مالکان رہا
پاکستان نے طالبان حمایت پر نیٹو رپورٹ مسترد کر دی
