وزیر خارجہ حنا ربانی کھر کا کہنا ہے کہ لائن آف کنٹرول پر بڑھتی کشیدگی نے پاکستان اور بھارت کے تعلقات پر نئے سوالات اٹھا دیئے ہیں۔ امریکی ٹی وی کو انٹرویو میں وزیر خارجہ حنا ربانی کھر کا کہنا تھا کہ پاکستان بھارت کے ساتھ بہتر تعلقات کا خواہش مند ہے۔ حنا ربانی کھر کا کہنا تھا کہ پاک امریکا مذاکرات میں خاموش سفارت کاری جاری ہے۔
انہوں نے کہا کہ افغانستان سے فوجی انخلا مثبت اقدام ہے تاہم امریکا کو ایک مستحکم افغانستان چھوڑنا ہو گا۔ 10 سال میں امریکا افغانستان کی صورتحال پر قابو پانے میں نا کام رہا اور پاکستان سیایسی صورتحال تنہا ٹھیک کرنے کا مطالبہ درست نہیں۔ امریکی موجودگی کے باوجود افغانستان میں منشیات کی کاشت 3 ہزار گنا بڑھی ہے۔
ڈاکٹر شکیل آفریدی کے حوالے سے انھوں نے کہا کہ وہ ہیرو نہیں ولن ہے، ڈاکٹر شکیل آفریدی نے پولیو مہم کو ناقابل تلافی نقصان پہنچایا اور اس کی وجہ سے لاکھوں ہیلتھ ورکر کی جان آج خطرے میں ہے۔
اسلام آباد : عام انتخابات 6 مئی سے آگے نہیں جائیں گے ، خورشید شاہ
جنوبی وزیرستان : ڈرون حملہ ، 16 افراد ہلاک
