پیپلز پارٹی کی کور کمیٹی کیاجلاس میں اس عزم کا اعادہ کیا گیا کہ منصور اعجاز کے متنازعہ خط کی سازش کو بے نقاب کرکے اداروں اور حکومت کے خلاف ہونے والی سازش کو بے نقاب کرنے کے ہرممکن اقدمات کیے جائیں گے۔ ایوان صدر اسلام آباد میں ہونے والے اجلاس میں صدر زرداری اور وزیراعظم گیلانی کے علاوہ وفاقی وزرا اور سینئر پارٹی قیادت نے شرکت کی۔ شرکا نے اس بات پر اتفاق کیا کہ اس طرح کی متنازعہ صورتحال پیدا کرکے پاکستان اور جمہوری نظام کے خلاف کوئی سازش کامیاب نہیں ہونے دیں گے۔ اس بات پر اطمینان کا اظہار کیا گیا کہ اس حوالے سے حکومتی اقدامات درست سمت میں ہیں اورپاکستانی سفیر کا موقف سنے بغیرقیاس آرئیوں سے گریز کیا جائے۔