پاکستان بنگلا دیش کے خلاف پہلے ٹیسٹ کے دوسرے روز ایک سو بتیس رنز کے ساتھ میدان میں اترا ہے۔ اس کا کوئی کھلاڑی آوٹ نہیں ہے۔ قومی ٹیم کو پہلی اننگز میں سبقت کیلئے مزید تین رنز درکار ہیں۔ محمد حفیظ چوہتر اور توفیق عمر تریپن رنز پر کھیل رہے ہیں۔ گزشتہ روز پاکستان نے ٹاس جیت کر بنگلہ دیش کو بیٹنگ کی دعوت دی تھی۔ پاکستانی کھلاڑیوں نے تباہ کن بولنگ کرتے ہوئے میزبان ٹیم کو صرف ایک سو پینتیس رنز پر ڈھیر کردیا۔ ناصرحسین اکتالیس اور ڈیبیو کرنے والیناظم الدین نے اکتیس رنز بنائے۔ سعید اجمل اور عبدالرحمان نے تین، تین جبکہ اعزاز چیمہ اور عمر گل نے دو،دو کھلاڑیوں کو آوٹ کیا۔ جواب میں پاکستانی اوپنرز نے اننگز کا آغاز شاندار انداز میں کیا اور پہلے روز کھیل کے اختتام تک بغیر کسی نقصان کے ایک سو بتیس رنز بنالئے۔
ٹائٹل فائٹ: عامر خان اور لیمونٹ پیٹرسن ہفتے کو آمنے سامنے
ہاکی چیمپئنز ٹرافی، جرمنی نے پاکستان کو 0-5سے شکست دیدی
