ڈنگہ کی خبریں 11-1-2013
Posted on January 12, 2013 By Zain Webmaster سٹی نیوز
ڈنگہ میڈیا کونسل کے عہدیداران و اراکین کی گذشتہ روز سپیکر پنجاب اسمبلی رانا محمد اقبال کے علاوہ DCOگجرات سے ملاقات
ڈنگہ (محمد بلال احمدبٹ ) ڈنگہ میڈیا کونسل کے عہدیداران و اراکین نے گزشتہ روز ڈی سی او گجرات نوازش علی ، چوہدری افضال احمد ڈپٹی سیکرٹری ، رانا محمد اقبال سپیکر پنجاب اسمبلی ، راجہ بشارت محمود ، ڈی پی او گجرات ، میاں سلطان میراں ڈی ایس پی کھاریاں ، چوہدری اعجاز احمد سابق ایم این اے سے اہم ملاقاتیں کیں ۔ ملاقات کرنے والوں میں رانا قاسم سرپرست اعلیٰ میڈیا کونسل ، نثار مغل صدر میڈیا کونسل ڈنگہ ، بشارت علی طاہر جنرل سیکرٹری ، بشارت بی ۔ ایس ، ڈاکٹر شفیق الرحمان بھٹہ ، شبیر شاہ ہاشمی ، شفنان عدیل ، عارف بٹ ‘ فتح جنگ وڑائچ ، قیصر مغل ‘ ڈاکٹر افضال احمدکے علاوہ چیف ایڈیٹر ڈیلی جلا وطن ڈاٹ کام محمد بلال احمد بٹ سمیت کثیر تعداد میں اراکین موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : پیر سید نصیر الدین نصیر رحمة اللہ علیہ کا سالانہ عرس مبارک گذشتہ روز بعد از نماز عشاء الحسین میرج ہال میں منعقد ہوا
ڈنگہ (محمدبلال احمدبٹ ) چراغ گولڑہ شریف پیر سید نصیر الدین نصیر رحم اللہ علیہ کا سالانہ عرس مبارک گذشتہ روز بعد از نماز عشا الحسین میرج ہال میں منعقد ہوا۔ پیر سید غلام نظام الدین جامی نے خصوصی شرکت کی،پیر سید نجم الدین گیلانی الحسین میرج ہال پہنچنے تو اس موقع پر آتش بازی کا شاندار مظاہرہ کیا گیا ، پھولوں کی پتیاں نچھاور کی گئیں،محفل سماع کے دوران قوال حضرات نصیر ملت حضرت پیر نصیر الدین نصیر کا کلام پیش کیا ، پیر سید ظہور الحسنین شاہ وڑائچانوالہ نے خصوصی طور پر شرکت کی،عرس پاس کی محفل میں حاجی شاہدمحمودبٹ،محمد شریف چشتی،ڈاکٹر محمد الیاس،محمد حبیب بسوی،واجد علی،عبدالباقی،گجر خان،چوہدری طارق محمود سرائے عالمگیر ، محمد علی نصروالی جہلم،حاجی نذیر احمد گمٹی ، راجہ ہارون عباس ، احمد ندیم قادری ، رانا قاسم حسنین علی ، بائو نوید احمد،محمداسلم صراف ، چوہدری اعجاز احمد چوکی انچارج ، علی اسلم صراف ، ساجد روئف صراف ، مجاہد ناصر ، محمد رضوان ، محمد ضیا شریف،حاجی محبوب عالم بٹ ، ڈاکٹر بلال احمد رضوی ، ڈاکٹر وقاص ، وحید شاکر ، حافظ فیصل رسول چشتی ، سمیت سینکڑوں عقیدت مندوں نے شرکت کی۔ اس موقع پر محفل سماع کا انعقاد کیا گیا۔ لنگر کا وسیع انتظام کیا گیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ میں غیر اعلانیہ لوڈشیڈنگ شدت اختیار کر گئی
ڈنگہ(محمد بلال احمد بٹ)ڈنگہ میں غیر اعلانیہ لوڈشیڈنگ شدت اختیار کر گئی ، تفصیلات کے مطابق تین تین چار گھنٹے مسلسل بجلی کی بند سے گھریلو و کاروباری نظام ٹھپ ہو کر گیا ، پنکھے بند،اے سی بند،فریزربند،موٹریں بند پھر بھی ڈنگہ میں 10سے12گھنٹے بجلی کی بندش سے ڈنگہ شہر اندھیرے میں ڈوبا رہتا ہے،جبکہ سوئی گیس بحران بھی شدت اختیار کر گیا ہے ، گیس پریشر کم ہونے سے خواتین کو شدید مشکلات کا سامنا ہے ، خواتین کو کھانا پکانے میںبھی دقت کا سامنا ہے سکولوں میں بچے بغیر ناشتے کے جانے پر مجبور ہو گئے ہیں۔شدید سردی کے باعث بچے بوڑھے مریضوں کو ہسپتالوں میں شدید مشکلات کاسامنا ہے۔ بجلی کی بندش سے لوگ فاقہ کشی پر مجبور ہو گئے،جبکہ ارباب اختیارلمبی تان کر سو گئے،عوامی نمائندوں کی بے حسی وفاقی محکموں کو نکیل ڈالنے والا کوئی نہیں ہے۔ اہلیان ڈنگہ نے مطالبہ کیا ہے کہ غیر اعلانیہ لوڈشیڈنگ کا خاتمہ اور سوئی گیس کا پریشر بڑھایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: پی ایم اے الیکشن میں فرینڈز گروپ کامیاب ۔ ڈاکٹر زاہد مقصود صدر ‘ ڈاکٹر عباس چوہدری جنرل سیکرٹری جبکہ ڈنگہ کے سرجن ڈاکٹر عامر اعجاز بھی نائب صدر منتخب
ڈنگہ ( نامہ نگار ) پی ایم اے الیکشن میں فرینڈز گروپ کامیاب ۔ ڈاکٹر زاہد مقصود صدر ‘ ڈاکٹر عباس چوہدری جنرل سیکرٹری جبکہ ڈنگہ کے سرجن ڈاکٹر عامر اعجاز بھی نائب صدر منتخب ۔ تفصیلات کے مطابق پی ایم اے ضلع گجرات کے الیکشن کا انعقاد گزشتہ روز ہوا ۔ جس میں فرینڈز گروپ نے واضح اکثریت سے کامیابی حاصل کر لی ۔ فرینڈز گروپ کے ڈاکٹر زاہد مقصود صدر جبکہ ڈاکٹر عباس چوہدری جنرل سیکرٹری منتخب ہو گئے۔ نائب صدارت کے لئے تحصیل کھاریاں سے ڈنگہ کے سرجن ڈاکٹر عامر اعجاز امیدوار تھے۔ وہ بھی 360ووٹ لے کر نائب صدر منتخب ہو گئے ہیں ۔ ان کی مخالفت میں 260ووٹ پڑے ۔ شاندار کامیابی پر ڈاکٹرز فورم ڈنگہ ‘ ان کے دوست احباب نے انہیں شاندار مبارکباد دی ہے۔
۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔
ڈنگہ میڈیا کونسل کا پہلا اجلاس سابق امیر جماعت اسلامی قاضی حسین احمد کے لئے فاتحہ خوانی کی گئی
ڈنگہ (محمد بلال احمد بٹ) ڈنگہ میڈیا کونسل کا پہلا اجلاس سابق امیر جماعت اسلامی قاضی حسین احمد کے لئے فاتحہ خوانی کی گئی ۔ ان کی خدمات کو سراہا گیا۔ اجلاس کی صدارت نثار احمد مغل نے کی ۔ اجلاس میں فیصلہ کیا گیا کہ ڈنگہ میڈیا کونسل کو مضبوط اور منظم بنایا جائے گا ۔ مثبت صحافت کو فروغ دیا جائے گا۔
۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔
ڈنگہ : ربیع الاول کی آمد اور جشن عید میلاد النبی صلی اللہ علیہ وآلہ وسلم کو شایان شان طریقے سے منانے کے لئے مشاورتی اجلاس جامعہ رضویہ ضیا القرآن ڈنگہ میں منعقد ہوا
ڈنگہ (محمدبلال احمدبٹ ) ربیع الاول کی آمد اور جشن عید میلاد النبی صلی اللہ علیہ وآلہ وسلم کو شایان شان طریقے سے منانے کے لئے مشاورتی اجلاس جامعہ رضویہ ضیا القرآن ڈنگہ میں منعقد ہوا۔ اجلاس کی صدارت صاحبزادہ محمد رضا المصطفی کیلانی نے کی ۔ سیاسی ‘ سماجی و مذہبی اور نوجوانان اہل سنت کی کثیر تعداد شریک ہوئی۔
۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔
ڈنگہ : شاہ قلی روڈ عرصہ دراز سے ٹوٹ پھوٹ کا شکار ہے۔ اہل علاقہ کھجل خوار
ڈنگہ ( محمد بلال احمد بٹ ) شاہ قلی روڈ عرصہ دراز سے ٹوٹ پھوٹ کا شکار ہے ۔ اہل علاقہ کھجل خوار ۔ ارباب اختیار خاموش۔ تفصیلات کے مطابق شاہ قلی روڈ چوک مسجد بلال محلہ آرام باغ تا پولیس چیک پوسٹ انتہائی ٹوٹ پھوٹ کا شکار ہے ۔ سڑک کی خستہ حالی کے باعث اس طرف رہنے والے مکین انتہائی ذلیل و خوار ہو رہے ہیں۔ خصوصاً بارشوں کے دنوں میں اس طرف سے پیدل چلنا بھی دشوار ہوتا ہے۔ چیک پوسٹ سے آگے منڈی بہاؤالدین کے علاقے میں شامل سڑک کی تعمیر کر دی گئی ہے۔ اگر اس طرف سے یہ سڑک تعمیر ہو جائے تو یہ چیلیانوالہ اڈا سے منڈی بہاؤالدین کے لئے شارٹ کٹ راستہ بن جاتا ہے۔ اہل علاقہ نے ارباب اختیار خصوصاً ایم پی اے میاں طارق محمود سے اپیل کی ہے کہ وہ اس سڑک کی طرف بھی توجہ دیں تا کہ اس طرف بسنے والے افراد بھی ان کی شاندار خدمات سے مستفید ہو سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :عبدالرحمن عرف مانا الیکٹریشن کی والدہ محترمہ انتقال کر گئیں
ڈنگہ (محمدبلال احمدبٹ ) محلہ گڑھی والا کی ممتاز شخصیت حاجی نور حسین جٹ کی بہو ، محمد زمان جٹ کی اہلیہ محترمہ، عبدالرحمن عرف مانا الیکٹریشن کی والدہ محترمہ جو انتقال کر گئی تھیں ان کاختم قل شریف گذشتہ ورز مسجد چوہدریاں محلہ گڑھی والا ڈنگہ میں پڑھا گیا۔ جس میں سینکڑوں افرادنے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔
ڈنگہ :انجمن بہبود مریضاں کا سالانہ کنونشن11 جنوری بروز جمعتہ المبارک بعد نماز مغرب الحسین میرج ہال میں منعقد ہوا
ڈنگہ(محمدبلال احمد بٹ)انجمن بہبود مریضاں کا سالانہ کنونشن11 جنوری بروز جمعتہ المبارک بعد نماز مغرب الحسین میرج ہال میں منعقد ہوا کنونشن کی صدارت ایم پی اے میاں طارق محمود نے کی جبکہ مہمانان خصوصی ڈی سی او گجرات نوازش علی ،ای ڈی او ہیلتھ کاشف،ڈی ایچ او گجرات میاں واجد حسین،پی ایم اے ضلعی صدر گجرات زاہد مقصود اور وائے ایچ ڈی ڈاکٹر مسعود تھے اس سلسلے میں انجمن بہبود مریضاں نے تمام انتظامات کو حتمی شکل دے دی گئی تھی اور شہریوں کو دعوت نامے بھی جاری کئے گئے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔
ڈنگہ : سینئر ْصحافی الطاف حسن طاہر کی عیادت کا سلسلہ تاحال جاری
ڈنگہ(محمدبلال احمدبٹ)سینئرصحافی دانشور و ادیب کالم نگار ایڈیٹر روزنامہ اوورسیز ہم وطن ، چیئرمین مجلس عاملہ میڈیا کونسل ڈنگہ الطاف حسن طاہر کی عیادت کا سلسلہ تاحال جاری ، سینکڑوں افراد تاحال انکی عیادت کر کے انکی صحت یابی کے لئے دعا گو ہیں تاہم ڈاکٹروں نے انہیں مزید دو ماہ آرام کرنے کا مشورہ دیا ، یاد رہے کہ الطاف حسن طاہر دو دسمبر کو حمزہ شہباز شریف کے کھاریاں جلسے کی کوریج کے لیے اتووالہ کے قریب کیری ڈبہ میں حادثہ کا شکار ہو کر شدیدزخمی ہو گئے تھے ، انکی گردن کا مہرہ سلپ ہو گیا تھا جس کے باعث وہ صحافتی امور سر انجام نہیں دے رہے ، اہلیان ڈنگہ سے انکی جلد صحت یابی کی اپیل کی جاتی ہے ، اللہ تعالیٰ ان کو جلد صحت یابی سے ہمکنار کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : میاں جہانگیر عالم ایڈووکیٹ آف بجاڑ والا کے بھائی میاں شاہ نواز عالم وطن واپس پہنچ گئے
ڈنگہ(محمد بلال احمدبٹ)سابق جنرل سیکرٹری بار ایسوسی ایشن کھاریاں میاں جہانگیر عالم ایڈووکیٹ آف بجاڑ والا کے بھائی میاں شاہ نواز عالم وطن واپس پہنچ گئے ، ان کی وطن واپسی پر دوست احباب نے انکا پرتپاک استقبال کیا وہ کاروبار کے سلسلے میں انگلینڈ میں مقیم ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ڈاکٹر عطاء الرحمن فاروقی دادا بن گئے، دوست احباب کی مبارکبادیں
ڈنگہ(محمدبلال احمد بٹ) ڈاکٹر عطاء الرحمن فاروقی دادا بن گئے ، مشہور و معروف معالج اور ایم ڈی الشہباز میڈیکل سٹور اور شہباز ٹریڈرز ڈاکٹر عطاء الرحمن فاروقی دادا بن گئے،گذشتہ روز اللہ تعالیٰ نے شہباز احمد کو بیٹی سے نوازا ہے دوست احباب نے چاند سی بیٹی کی پیدائش پر انہیں مبارکباددی اور نیک خواہشات کا اظہار کیا۔
