کراچی(جیودیسک)کراچی میں ڈاکس کے علاقے مچھر کالونی میں پولیس سرچ آپریشن کے دوران 6 مبینہ ملزمان کو گرفتار کرلیا گیا، ملزمان کے قبضے سے اسلحہ اور موٹر سائیکلیں بھی ملی ہیں۔
ڈاکس تھانے کی حدود میں مچھر کالونی اور بنگالی پاڑہ کے علاقوں میں مشتبہ افراد کی موجودگی کی اطلاع پر پولیس نے سرچ آپریشن کیا،جس کے دوران 6 مشتبہ ملزمان کو گرفتار کرکے اسلحہ اور 3 موٹر سائیکلیں برآمد کرلی گئیں، ڈی ایس پی شیراز اصغر شیخ نے جیو نیوز سے گفتگو میں کہا کہ پکڑے جانے والے ملزمان میں سے دو ملزمان کو پہلے بھی گرفتار کیا جاچکا ہے۔
جبکہ ملزمان لوٹ مار،بھتہ وصولی اور جرائم کی دیگر واردتوں میں ملوث ہیں،جن سے مزید تفتیش کی جارہی ہے۔پولیس کے مطابق گذشتہ شب بھی فائرنگ اور پرتشدد واقعات میں 4 افراد جاں بحق ہوگئے تھے۔
گوجرہ میں منی ٹرک اور مسافر بس میں ٹکر سے 2 افراد جاں بحق
ایجنسیاں غیر قانونی طور پر کسی کو حراست میں رکھنے پر جواب دہ ہیں۔سپریم کورٹ
