کھیپڑانوالہ شریف میں ماہانہ محفل گیارویں شریف سجادہ نشین صاحبزادہ پیر سید محمود الحسن کی زیر صدارت منعقد ہوئی
Posted on September 30, 2012 By Geo Urdu گجرات
گجرات (جی پی آئی) آستانہ عالیہ غوثیہ فضلیہ کھیپڑانوالہ شریف میں ماہانہ محفل گیارویں شریف سجادہ نشین صاحبزادہ پیر سید محمود الحسن شاہ بخاری قادری کی زیر صدارت منعقد ہوئی ، تلاوت قرآن پاک قاری شفقت اللہ قادری پرنسپل دارالعلوم جامعہ غوثیہ فضلیہ کھیپڑانوالہ شریف نے کی ، جبکہ ممتاز ثناء خوان مظہر عزیز قادری ، ڈاکٹر محمد ایوب قادری ، صوفی اقبال ، مظہر اقبال ، محمد احسان قادری ، چوہدری امانت علی ڈوگہ اور حافظ ابوبکر نے ہدیہ نعت پیش کیا ، تلاوت و نعت کے بعد صاحبزادہ پیر سید محمود الحسن شاہ بخاری قادری نے خصوصی خطاب فرمایا اور ذکر کروایابعد ازاں درود و سلام کا نذرانہ پیش کیا گیا ۔
صاحبزادہ پیر سید محمود الحسن شاہ بخاری قادری نے خصوصی دعا فرمائی ، محفل گیارویں شریف میں صاحبزادہ پیر سید اعجاز حسین بخاری ، صاحبزادہ پیر وقار الحسن بخاری قادری ، صاحبزادہ پیر سید مبشر اعجاز قادری ، صاحبزادہ سید ناصر بخاری ، صاحبزادہ سید طاہر بخاری ، سید فیضان الحسن بخاری ، علامہ محمد مظہر نقشبندی ، عامر چوہدری ، چوہدری محمد رشید ، چوہدری بشیر احمد قادری ، محمد علی اور شہباز محمود آرائیں نے خصوصی شرکت کی ، دعا کے بعد محفل پاک میں شرکت کرنے والے سینکڑوں مریدوں اور عقیدت مندوں کو بٹھا کر لنگر شریف کھلایا گیا ۔
