گیپکو نے پاکستان ریلوے گجرات کی بجلی منقطع کر دی
Posted on October 7, 2012 By Geo Urdu گجرات
گجرات (جی پی آئی) گیپکو نے پاکستان ریلوے گجرات کی بجلی منقطع کر دی ، تفصیلات کے مطابق گیپکو واپڈا نے ایک لاکھ روپے سے زائد کے نادہندہ گجرات ریلوے اسٹیشن کی بجلی منقطع کر دی ہے ، بجلی منقطع ہوئے ایک ہفتہ ہونے کو ہے لیکن ابھی تک محکمہ ریلوے نے گیپکو کے بقایا جاتا جمع نہیں کروائے ، جس سے صارفین کو شدید مشکلات کا سامنا کرنا پڑ رہا ہے ۔
جبکہ گجرات ریلوے اسٹیشن کا ملک بھر سے رابطہ بھی منقطع ہو چکا ہے ، ابھی تک ریلوے اسٹیشن گجرات کی بجلی بحال نہیں ہو سکی ، عوام نے اعلیٰ حکام سے مطالبہ کیا ہے کہ ہمیں شدید مشکلات کا سامنا کرنا پڑ رہا ہے ، کیونکہ ٹکٹوں کی بکنگ سمیت ریلوے احکام کا رابطہ منقطع ہو چکا ہے ، جس کی وجہ سے عوام بھی ریلوے ملازمین کے ساتھ ساتھ ذلیل و خوار ہو رہی ہے ، لہٰذا وزارت خزانہ محکمہ ریلوے کو بجلی کی ادائیگی کیلئے رقم فراہم کریں ۔
