اسلام آباد (اصل میڈیا ڈیسک) پاکستان میں کورونا کیسز کی شرح اور اموات میں مسلسل اضافہ دیکھنے میں آ رہا ہے اور آج بھی عالمی وبا سے 47 افراد انتقال کر گئے جبکہ 2545 نئے کیسز بھی رپورٹ ہوئے ہیں۔
پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 48 ہزار 910 ٹیسٹ کیے گئے جن میں سے 2545 افراد میں وائرس کی تصدیق ہوئی جب کہ وائرس سے 47 افراد انتقال کر گئے۔
سرکاری پورٹل کے مطابق ملک میں گزشتہ 24 گھنٹوں کے دوران کورونا کے مثبت کیسز کی شرح 5.2 فیصد رہی۔
خیال رہے کہ ملک میں آخری بار 5 فیصد سے زائد کیسز 23 مئی 2021 کو ریکارڈ کیے گئے تھے، اس روز ملک میں کورونا مثبت کیسز کی شرح 5.22 فیصد تھی۔
مشرق وسطی میں کورونا وائرس مزید ہلاکت خیز ہوسکتا ہے، ڈبلیو ایچ او
ڈاکٹر فیصل کا عیدالاضحیٰ پر پابندیوں کا عندیہ
