موجودہ بجٹ نے مستقبل کے سنہرے خواب دیکھنے والی عوام کو مایوس کیا ہے، ڈاکٹر عبدالقدیر خان
Posted on June 14, 2013 By Noman Webmaster سٹی نیوز
تحریک تحفظ پاکستان کے سربراہ اور محسن پاکستان ڈاکٹر عبدالقدیر خان نے کہا کہ موجودہ بجٹ نے مستقبل کے سنہرے خواب دیکھنے والی غریب عوام کو مایوسی سے دوچار کیا ہے جبکہ ملک کے 74 فیصد عوام غربت کی لکیر سے نیچے کی زندگی گذار رہے ہیں اور چند سو افراد کے پاس دولت کے انبار ہیں۔
اگر حکومت کو عوامی فلاحی بجٹ بناتی جس سے پاکستان میں دولت کی منصفانہ تقسیم یقینی بنتی تو موجودہ گھمبیر مسائل چند دنوں میں حل ہوسکتے تھے مرکزی رہنماء روحیل اکبر، سید امتیاز شاہ اور سید ظہیر گیلانی سے فگتو کرتے ہوئے ڈاکٹر عبدالقدیر خان نے کہا کہ گائوں گائوں بجلی پہنچانے کے دعویداروں نے پاکستان کو خوشحال بنانے کی بجائے کنگال بنا دیا۔
144 ارب روپے کے قرضوں میں دبا ہوا مقروض پاکستان پاکستان کرپٹ جمہوری نظام کے نعرے کا ماتم کررہا ہے آج پاکستان کی معیثت تباہی کے دہانے پر کھڑی ہوئی ہے ضرورت اس امر کی ہے کہ موجودہ حکمران اپنے مسائل حل کرنے کے بعد اپنے عوام کی ترقی کیلئے مشترکہ فارمولے پر کار بند ہوکر موجودہ بحرانوں سے نکلنے کی جلد ازجلد پلاننگ کر کے اس کو عملی جامہ پہنائیں تاکہ ملکی معیثت مزید تباہی سے دوچار ہونے سے بچ سکے۔
