ممبئی (جیوڈیسک) بالی ووڈ کے دبنگ خان اپنی نئی فلم “جے ہو” کی باکس آفس پر ناکامی پر شدید مایوسی کا شکار ہو گئے ہیں۔
ایک تقریب میں بات کرتے ہوئے سلمان خان کا کہنا تھا کہ وہ تھیٹرز میں فلم کے حوالے سے لوگوں کی رائے اور مجموعی طور پر اس کی آمدنی کے حوالے سے کافی پریشان ہیں کیونکہ یہ دونوں چیزیں ایک دوسرے سے مطابقت نہیں رکھتی ہیں۔
دبنگ خان کا خیال ہے کہ انہوں نے فلم میں کچھ مختلف کرنے کی کوشش کی جس کی وجہ سے لوگوں کو مایوسی ہوئی، شاید عوام ہم سے “دبنگ “اور “ریڈی “جیسی فلم کی توقع کر رہے تھے لیکن یہ بات سمجھنے کی ضرورت ہے کہ “جے ہو “ایک مختلف اورسنجیدہ فلم ہے جس میں معاشرے کے لیے ایک پیغام موجود ہے۔
سلمان خان کا کہنا تھا کہ فلم کی ناکامی کی ذمہ داری بھی ان ہی پر عائد ہوتی کیونکہ وہ لوگوں کو سنیماؤں کی جانب کھینچنے میں ناکام رہے۔
ٹی وی ڈرامے کی کہانی نے نئی نسل کو متاثر کیا ہے، ثمینہ پیرزادہ
غیر اخلاقی ویڈیو پر اداکارہ میرا اور ان کے منگیتر کیپٹن نوید کے خلاف درخواست دائر
