ڈنگہ کی خبریں 27/11/2013

Posted on November 28, 2013 By Majid Khan سٹی نیوز

ڈنگہ :نئے چیف آف آرمی سٹاف جنرل روحیل شبیر اور چیفس آف جائنٹس سٹاف کمیٹی جنرل راشدمحمود اپنی پیشہ وارانہ صلاحیتوں کو بروئے کار لاتے ہوئے پاکستان کی سالمیت میں اہم کردار ادا کریںگے،چوہدری وحید اکرم آف ہالینڈ
ڈنگہ(محمد بلال احمد بٹ)معروف زمیندار،صدر مسلم لیگ ن ہالینڈ،چیئر مین نیدر لینڈ فرینڈ شپ سوسائٹی چوہدری وحید اکرم آف ہالینڈنے اپنے ٹیلی فونک بیان میں کہا کہ مسلم لیگ (ن) عوام کو توانائی کے بحران اور لوڈشیڈنگ کے عذاب سے جلدازجلد نجات دلانا چاہتی ہے یہی وجہ ہے کہ خادم اعلیٰ پنجاب نے گزشتہ روز چینی کمپنی سے طے کئے گئے معاہدوں پر دستخط کئے۔ انہوں نے گفتگو کرتے ہوئے کہا کہ عوام کی خدمت ہی ہمارا اوڑھنا بچھونا ہے اور جب سے پاکستان مسلم لیگ (ن) برسر اقتدار آئی ہے اس نے عوام کو مسائل سے نجات دلانے کے لئے دن رات ایک کیا ہوا ہے انہوں نے سانحہ راولپنڈی پر شدید تنقید کرتے ہوئے کہا کہ وفاقی حکومت سانحہ میں ملوث افراد کو جلد از جلد کیفر کردار تک پہنچائے تاکہ آئندہ کوئی بھی ایسے گھنائونے فعل کا مرتکب نہ ہو ۔آخر میں انہوں نے کہاآرمی چیف اور چیف آف جائنٹس سٹاف کے عہدوں پر ناموں کے اعلان کو وفاقی حکومت کے فیصلے کومستحسن قرار دیتے ہوئے کہا کہ نئے آرمی چیف جنرل روحیل شبیر اور جائنٹس چیفس آف سٹاف کمیٹی راشدمحمود اپنی پیشہ وارانہ صلاحیتوں کو بروئے کار لاتے ہوئے پاکستان کی سالمیت اور ملک میں امن و امان کیلئے اہم کردار ادا کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ: مغل ماربل فیکٹری کے ایم ڈی صفدر حسین مغل کی اہلیہ محترمہ محمد ارشد ‘ محمد انصر اور مظہر اقبال ( آئس پارلر ) والے کی بھاوج انتقال کر گئیں
ڈنگہ ( محمد بلال احمد بٹ) مغل ماربل فیکٹری کے ایم ڈی صفدر حسین مغل کی اہلیہ محترمہ محمد ارشد ‘ محمد انصر اور مظہر اقبال ( آئس پارلر ) والے کی بھاوج انتقال کر گئیں ۔ ان کی نماز جنازہ گزشتہ روز سکندر شاہ قبرستان میں ادا کی گئی ۔ نماز جنازہ میں ندیم اصغر کائرہ ‘ میاں امجد محمود ‘ زاہد بٹ ‘ میاں کامران ادریس ‘ محمد اکرم بٹ ‘ شیخ جاوید نذیر ‘ شیخ سہیل نذیر ‘ نثار مغل ‘ قیصر اسحاق مغل ‘ مرزا فاروق زمان راجہ خالد پرویز ‘ ملک نواز ‘ سید مشتاق علی شاہ ‘ ٹھیکیدار شوکت مغل ‘ مرزا ریاض ‘ ملک نوید اعوان ‘ ٹھیکیدار ایوب مغل ‘ چوہدری فیاض احمد ‘ راجہ احسان الرحمن ‘ خالد آہیر ‘ بشارت بی ۔ ایس ‘ سلیم عابد ‘ محمد اسلم صراف ‘ سکندر صراف ‘ یونس ڈار ‘ حاجی محمد نواز ‘ مظہر نور ‘ حاجی محمد اسماعیل ‘ ڈاکٹر محمد مشتاق مغل ‘ ملک اعجاز احمد ‘ خان الیاس ‘ خان توصیف ‘ ارشد گجر ‘ حاجی محمد حسین ٹوپہ ‘ چوہدری ساجد محمود’ چوہدری اجمل ٹوپہ ‘ چوہدری آفتاب احمد ‘ زین مغل ‘ میاں ندیم خادم ‘ صہیب اعظم ڈار ‘ چوہدری محمد اسلم فتہ بھنڈ ‘ لیاقت قریشی ‘ میاں محمد اکرم ‘ چوہدری محمد الیاس گوندل ‘ افضل جٹ ‘ مظہر اقبال ہارڈ ویئر والے ‘ حاجی فضل حسین مغل ‘ سعید مغل ‘ غلام حسین مغل ‘ حاجی محمد اسلم ‘ لیاقت بسی والا ‘ موبی بسوی ‘ عمران بسوی شاہد فورمین ‘ مرزا محمد اقبال ‘ ماسٹر صفدر حسین ‘ رانا صاحب نواز ‘ میاں افتخار حسین ‘ غلام عباس گوندل سمیت سینکڑوں افراد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ کی معروف شخصیت ماجد پرویز عرف ماجا دودھی کا جواں سالہ بیٹا صوفی طارق محمود’ سکندر حیات محمدی ‘ اورنگزیب کا بھتیجا راشد محمود انتقال کر گیا
ڈنگہ ( محمد بلال احمد بٹ )ضیاء اللہ اسلم،اسلم نیوز ایجنسی والے کے بھتیجے اور ڈنگہ کی معروف شخصیت ماجد پرویز عرف ماجا دودھی کا جواں سالہ بیٹا صوفی طارق محمود’ سکندر حیات محمدی ‘ اورنگزیب کا بھتیجا راشد محمود انتقال کر گیا ۔ نماز جنازہ کشمیریاں والے قبرستان میں حضرت علامہ مولانا قاضی کفایت اللہ نے پڑھائی ۔ نماز جنازہ میں میاں امجد محمود’ الحاج محمد صادق بٹ ‘ میاں محمد اسلم ‘ چوہدری جاوید اقبال ‘ میاں خادم حسین ‘ ریاض احمد ‘ عارف باجوہ ‘ محمد اقبال منج ‘ شکیل منج ‘ میاں محمد اشرف ‘ قاضی عبدالحفیظ ‘ میاں عبدالعزیز ‘ ملک اعجاز احمد ‘ ماسٹر میاں محمد اعظم ‘ غلام مرتضیٰ بٹ ‘ شبیر بلہڑ ‘ ایوب سیفی ‘ نوید شہزاد مغل سمیت کثیر تعداد افراد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :بشارت علی طاہر اور چوہدری شہزاد گل کی حمایت میں ملک پورہ ڈنگہ کلاں میں بڑا اکٹھ29نومبر کو ہوگا
ڈنگہ(محمد بلال احمد بٹ)امیدوار برائے کونسلر یونین کونسل امرہ کلاں بشارت علی طاہر اورامیدوار کسان کونسلر چوہدری شہزاد گل کی حمایت میں ملک پورہ ڈنگہ کلاں میں ایک بڑااکٹھ 29نومبر بروز جمعتہ المبارک کو شام 6بجے منعقدہ ہو گا اکٹھ میں ملک پورہ کے سینکڑوں افراد دونوں امیدواروں کی حمایت کا اعلان کریںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :سالانہ محفل ذکر بسلسلہ حضرت امام حسین کا انعقاد دارالعلوم قادریہ یعقوبیہ آف چھمبر میں آج بروز جمعرات بعد نماز عشاء ہو گا
ڈنگہ (محمد بلال احمد بٹ ) سالانہ محفل ذکر بسلسلہ حضرت امام حسین کا انعقاد دارالعلوم قادریہ یعقوبیہ آف چھمبر میں آج بروز جمعرات بعد نماز عشاء ہو گا ۔ جس میں ملک کے جید علماء کرام و نعت خواں حضرات شرکت کریں گے ۔ تفصیلات کے مطابق سالانہ محفل ذکر بسلسلہ حضرت امام حسین کا انعقاد دارالعلوم قادریہ یعقوبیہ میں 28نومبر بروز جمعرات بعد نماز عشاء زیر نگرانی غلام ربانی رضوی قادری ہو گا ۔ محفل ذکر میں خصوصی آمد و خطاب مرکزی امیر جماعت اہلسنت پاکستان خضر ملت پیر سید خضر حسین چشتی ‘ مولانا مفتی محمد خالد قادری آف بھیرہ شریف ‘ مولانا اسحاق نقشبندی نوتھیہ سرائے عالمگیر جبکہ مقامی نعت خواں حاجی محمد اعظم رندھیر ‘ حافظ زاہد اقبال فتہ بھنڈ بارگاہ رسالتۖ میں گلہائے عقیدت نچھاور کریں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :حاجی چوہدری افتخار احمد باگڑی کی پالتو بھینس ” جنت ” نے ایک دن میں 35کلو دودھ دینے کا ریکارڈ قائم کر دیا
ڈنگہ ( محمد بلال احمد بٹ ) ڈنگہ کے نواحی گاؤں سویہ کے رہائشی ممتاز زمیندار حاجی چوہدری افتخار احمد باگڑی کی پالتو بھینس ” جنت ” نے ایک دن میں 35کلو دودھ دینے کا ریکارڈ قائم کر دیا ۔علاقہ بھر میں بھینس کی دھوم مچ گئی ۔ لوگ دور دور سے بھینس کو دیکھنے کے لئے آ رہے ہیں ۔ اس سلسلہ میں معلوم ہوا ہے کہ موضع سویہ کے رہائشی حاجی افتخار احمد باگڑی کی بھینس ” جنت ” نے گزشتہ روز معززین علاقہ چوہدری غلام احمد نمبردار سویہ سابق ناظم ‘ محمد اختر مہر ‘ ماجد حسین ڈار سندھانوالہ ‘ انعام الحق ڈار سندھانوالہ ‘ چوہدری محمد نذر تارڑ سویہ ‘ چوہدری ثناء اللہ ڈھوک کاسب ‘ چوہدری بشارت علی بھلیسرانوالہ ‘ چوہدری احمد خاں بھلیسرانوالہ ‘ چوہدری غلام قادر ‘ نفیس اختر چٹھہ گوجرانوالہ ‘ مبشر علی گوجرانوالہ ‘ شاہد محمود سویہ ‘ طیب رسول سویہ ‘ سمیت دیگر افراد کی موجودگی میں 24گھنٹوں میں ( صبح شام ) 35کلو دودھ دینے کا ریکارڈ قائم کر دیا ہے ۔ اس موقع پر حاجی چوہدری افتخار احمد باگڑی نے بھینس کی بہتر دیکھ بھال کرنے پر ریاض احمد بلوچ کو 50ہزار روپے کا انعام بھی دیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :چوہدری محمداصغر کو یونین کونسل امرہ کلاں سے بھاری اکثریت سے چئیرمین منتخب کرائیں گے،ٹھیکیدار ظفر اقبال
ڈنگہ(محمد بلال احمد بٹ)ممتاز سیاسی وسماجی شخصیت ٹھیکیدار ظفر اقبال نے اپنے بیان میںکہاہے کہ ہم امیدوار برائے چیئر مین یونین کونسل امرہ کلاںچوہدری محمداصغر کو یونین کونسل امرہ کلاں سے بھاری اکثریت سے چئیرمین منتخب کرائیں گے انہوں نے کہاہے کہ چوہدری محمد اصغر اپنے بھائی سابق ناظم چوہدری امتیاز احمد ایڈووکیٹ کے مشن کو آگے بڑھائیں گے اورعوامی خدمت کی ایک نئی مثال قائم کریں گے انشاء اللہ چوہدری محمداصغر اور ان کا پینل بھاری اکثریت سے کامیاب ہو گا ہم ان کی کامیابی کیلئے سردھڑکی بازی لگادیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :گورنمنٹ گرلز ہائی سکول اورجامع مسجد عیدگاہ کے درمیان واقع گلی کی حالت انتہائی خراب ہے ارباب اختیا رنوٹس لیں،مرزا محمد افضل
ڈنگہ (محمد بلال احمد بٹ)جنرل سیکرٹری موبائل ایسوسی ایشن ڈنگہ واہنما انجمن تاجران ڈنگہ مرزا محمدافضل نے اپنے بیان میں کہاہے کہ گورنمنٹ گرلز ہائی سکول اورجامع مسجد عیدگاہ کے درمیان واقع گلی کی حالت انتہائی خراب ہے گلی کی خرابی کے با عث مسجد میںجانے کیلئے لو گوں کو دشواری کا سامنا کرنا پڑتا ہے مرزا محمدا فضل نے مزید کہاہے کہ مسجد کو جانے والے راستے کو ٹھیک کیاجائے نمازیوں کو سہولیات ہوگی تو آخرت میں بھی کچھ سہو لت ہوگی ہمارے مقامی سیاسی راہنماؤ ں اپنی آخرت سنوارنے کے بارے بھی کچھ سوچنا چائیے ویسے تو سینکڑوں گلیاں تعمیر ہوگئی ہیں جو کہ ایک مشکل کام لیکن مساجد کو جانے والی گلیا ں بھی تعمیر ہو جانی چاہیں ایم این اے اور ایم پی اے صاحب اس طرف توجہ دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :ڈنگہ میں پرائس کنٹرول کمیٹیاں ناکام، خود ساختہ مہنگائی بے لگام
ڈنگہ(محمد بلال احمد بٹ)ڈنگہ میں پرائس کنٹرول کمیٹیاں ناکام، خود ساختہ مہنگائی بے لگام دکاندارگاہکوں کو دونوں کوہاتھوںسے کنگال کرنے میں لگے ہیں ڈرائی فروٹ کی قیمتیں بھی آسمانوںکو چھونے لگیں مونگ پھلی چکوال240،گوجرخاں 280جبکہ سکھر وغیر ہ مونگ پھلی 320روپے کلومیںفروخت ہونے لگی جبکہ ڈنگہ کے نواحی شہرلالہ موسی میں مونگ پھلی کاریٹ باتریب چکوال 120 گوجرخاں 145سکھر 150روپے کلو پرائس کنٹرول کمیٹی عوام پر رحم آس کھائیں اور خودساختہ مہنگائی کرنے والوں کیخلاف کاروائی کریں عوامی مطالبہ۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :عرصہ دراز سے پارکنگ فیس وصول کی جاری ہیںمگر پارکنگ سٹینڈ مہیا نہیں کیا جا رہا ،مہر جاوید اقبال صدر رکشہ یونین
ڈنگہ (محمد بلال احمد بٹ ) عرصہ دراز سے پارکنگ فیس وصول کی جاری ہیںمگر پارکنگ سٹینڈ مہیا نہیں کیا جا رہا جس کی وجہ سے رکشہ والے مختلف جگہوں پر کھڑا ہو کر سواریاں بٹھا تے ہیں جسکی وجہ سے بعض دفعہ ٹریفک کی روانی میں رکا وٹ بن جاتی ہیں بلدیہ رکشہ والوں کو مہیا کرے ان خیالات کا اظہار رکشہ یونین ڈنگہ کے صد رمہر جاوید اقبال نے گفتگو کرتے ہوئے کیا انہوں نے کہاہے کہ رکشہ یونین انتظامیہ سے ہر طرح تعاون کرتی ہے اگر رکشہ والو ں کو پارکنگ مہیا کی گئی تواس کے تما م اصول وضوابط پر عمل کیا جائے گا انہوںنے کہاہے کہ رکشہ یونین پرزور مطالبہ کرتی ہے کہ پارکنگ کیلئے جگہ جلداز جلد مہیا کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :ممتاز سیاسی شخصیت میاں افتخار آف کولیا ں شاہ حسین نے وارڈ نمبر 2سے الیکشن لڑنیکا اعلان کردیا
ڈنگہ(محمد بلال احمد بٹ)ممتاز سیاسی شخصیت میاں افتخار آف کولیا ں شاہ حسین نے وارڈ نمبر 2سے الیکشن لڑنیکا اعلان کردیا اس سلسلے میں انہوںنے صحافیوںسے گفتگو کرتے ہوئے کہاہے کہ انہوںنے اپنا ووٹ وارڈ نمبر 2میں ٹرانسفالر کروالیا ہے اور انہوںنے اپنی الیکشن مہم باقاعدہ گی سے شروع کردی ہے میاں افتخار حسین کے وارڈ نمبر 2سے الیکشن لڑنے کے اعلان کے بعد یہاں ڈرامائی تبدیلی پیدا ہوچکی ہے پہلے یہاں مظہر اقبال ،باؤ مظہر نور ،وکی گجر میدان میں موجود ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :مسجد گلزار حبیب محلہ شاہ تکیہ ڈنگہ میں ماہانہ گیارھویں شریف کے ختم کا انعقاد ہوا
ڈنگہ (محمد بلال احمد بٹ ) مسجد گلزار حبیب محلہ شاہ تکیہ ڈنگہ میں ماہانہ گیارھویں شریف کے ختم کا انعقاد ہوا ۔ ماہانہ ختم گیارھویں شریف سے حضرت علامہ مولانا محمد زمان جلالی نے خطاب کیا ۔ ختم میں سینکڑوں افراد نے بھرپور شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :مغل ویلفیئر سوسائٹی ڈنگہ کے زیراہتمام انسداد ڈینگی سیمینار کا کامیاب انعقاد
ڈنگہ(محمد بلال احمد بٹ)ممتاز ماہرین تعلیم و سماجی خدمتگار محمد عارف مغل مسز عارف مغل ،مرزا فاروق زمان کی سرکردگی میں مغل ویلفیئر سوسائٹی ڈنگہ کے زیر اہتما م دی گرائمر سکول ڈنگہ میں محلہ شوشل ویلفیئر کی وساطت سے انسداد ڈینگی سیمینار کا کامیاب انعقاد،محکمہ شوشل ویلفیئر کی ڈپٹی ڈسٹرکٹ آفیسر محمد شفقت بٹ،سپروائزر نسرین چوہدری صاحبہ ،ماہر معالج ڈاکٹر غلام اکرم جرال،ڈاکٹر طارق محمود،ڈاکٹر زبیر یوسف چوہدری،احسان قادر،مرزا فاروق زمان،سلیم عابد پیرزادہ،انجینئر آصف مجیدو دیگر مہمان پہنچے تو طارق مغل مرزا شہریار ،مسز عارف مغل نے ان کا پرتپاک استقبال کیاگیا ،مغل ویلفیئر وسائٹی کے محمد عارف مغل،پرنسپل دی گرائمر سکول مسز شگفتہ عارف،مرزا شہریار،مرزافاروق زمان نے مہمانان گرامی کا انسداد ڈینگی کے حوالہ سے سیمینار میں شرکت پر ان کا شکریہ ادا کیا،اور ان کے اعزاز میں خصوصی پارٹی کا اہتمام کیا گیا،مغل ویلفیئر سوسائٹی کے زیر اہتمام محکمہ شوشل کی وساطت سے انسداد ڈینگی سیمینارز میں پروگرام کی آرگنائزر مسز شگفت عارف،مرزا فاروق زمان،ممتاز ماہر معالج ڈاکٹر غلام اکرم جرال،ڈاکٹر طارق محمود،ڈاکٹر زبیر یوسف اور محکمہ شوشل ویلفیئر کے ڈپٹی ڈسٹرکٹ آفیسر محمد شفقت بٹ نے اظہار خیال کرتے ہوئے بچوں بڑوں کو ڈینگی جیسے موذی مرض سے بچائو کیلئے جدید طبی تحقیق کے استعمال ،ڈینگی بخار کی علامات سے آگاہ کیا اور ان سے بچائو اور حفاظتی تدابیر کیلئے آگاہ کیا اور نماز کی ادائیگی سمیت صفائی کا خیال رکھنے کی ہدایت کی،ڈینگی بخار کی علامات ظاہر ہونے پر فوری طور پر ڈاکٹرز یا حکومت کے مقرر کردہ سینٹرز سے رجوع کرنے کی ہدایت کی
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

مغل ویلفیئر سوسائٹی عوام کی فلاح و بہبود کیلئے برس ہا برس سے کام کر رہی ہے،مسز عار ف مغل
ڈنگہ(محمد بلال احمد بٹ)گرائمر سکول ڈنگہ کی پرنسپل مسز عارف مغل نے تقریب سے خطاب کرتے ہوئے کہا کہ مغل ویلفیئر سوسائٹی کے زیر اہتمام غریب نادار افراد کو علاج معالجہ کی سہولیات کی فراہمی کے ساتھ ساتھ بے سہارا بچیوں کے سر ڈھانپ کر ان کے والدین کے اہم فریضہ میں ان کا ہاتھ بٹایا،جبکہ محکمہ شوشل ویلفیئرگجرات لالہ موسیٰ کے تعاون سے ڈنگہ میں صنعت زار ادارہ میں بچیوں اور خواتین کو دستکاری کے ہنر سکھا کر انہیں معاشرے کا سود مند شہری بنا دیتے ہیں،انسدا د ڈینگی کیلئے آج کا سیمینار بھی مغل ویلفیئر کی خدمت خلق کے سلسلہ کی اہم اور موثر کڑی ہے ہمیں اپنے معاشرہ کو معاشرتی برائیوں اور موزی بیماریوں سے پاک کرنا ہے ہم اسی کیلئے جدوجہد میں مصروف ہیں،ہم ای ڈی او شوشل ویلفیئر آفیسر ڈپٹی ڈسٹرکٹ آفیسر شوعشل ویلفیئر شفقت بٹ،سپروائزر نسرین چوہدری صاحبہ،ڈاکٹر غلام اکرم جرال،ڈاکٹر طارق محمود،ڈاکٹر زبیر یوسف،چوہدری احسان قادر،مرزا فارق زمان،محمد عارف مغل،سلیم عابد پیرزادہ،انجینئر آصف مجید سمیت خواتین والدین کے شکر گزار ہیں جنہوںنے پروگرام میں شرکت کر کے نہ صرف ہمارا مان بڑھایا بلکہ معاشرہ کو سنوارنے کیلئے اپنا اہم قومی فریضہ سر انجام دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ:انجمن صدائے مدینہ ڈنگہ کے زیر اہتمام تسلسل کے ساتھ2سال مکمل ہونے پر 24واں سالانہ خصوصی ماہانہ دس قرآن و حدیث آج ہو گا
ڈنگہ(محمد بلال احمد بٹ)انجمن صدائے مدینہ کے راہنما رجب علی چشتی،وسیم علی چشتی،قاری محمد اشرف نقشبندی،قاری محمد زمان،حاجی اعجاز مغل کی سرکردگی میں فیضان نظر صاحبزادہ محمد رضاء المصطفیٰ کیلانیانجمن صدائے مدینہ ڈنگہ کے زیر اہتمام تسلسل کے ساتھ2سال مکمل ہونے پر 24واں سالانہ خصوصی ماہانہ دس قرآن و ھدیث28نومبر کو ہوگا صدار شیخ عمر سلیم بغدادی الحسنی الحسینی کریں گے جامع مسجد گلزار مدینہ میں24واں سالانہ ماہانہ درس قرآن و حدیث کی صدارت پیر طریقت رہبر شریعت الشیخ عمر سلیم بغدادی الحسنی الحسینی سجادہ نشین آستانہ عالیہ دربار حضور غوث اعظم بغداد شریف عراق فرمائیں گے،جبکہ مفتی محمد جمال الدین قلندر قادری البغدادی،مولانا خالدمحمود نقشبندی کیلانی مہمان خصوصی ہونگے،پیر طریقت راہبیر شریعت مولانا صاحبزادہ غلام بشیر نقشبندی آستانہ عالیہ بائولی شریف حسب روایت ایمان افروز خطا ب ذیشان فرمائیں گے،دو سالہ تقریب میں حضرت مولانا محمد طاہر رضا،پیر فیض الرسول سیفی،صاحبزادہ اختر اشرفی،قاری محمد یعقوب نقشبندی،پیر عبدالصمدعابد ،مولانا قاری اشتیاق احمد سیالوی،نقابت کے فرائض سر انجام دیںگے،جبکہ شہر اور علاقہ بھر سے ہزاروں افراد کادرس قرآن و حدیث میں شرکت کر کے اپنے دلوں کو روشن او رمنور کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :امریکہ بزور طاقت اپنے ٹارگٹ کو نشانہ بنانے کیلئے کہیں بھی جا سکتا ہے،قمر زمان کائرہ
ڈنگہ(محمد بلال احمد بٹ)سابق وفاقی وزیر اطلاعات و نشریات چوہدری قمر زمان کائرہ نے اپنے بیان میں کہا ہے کہ امریکہ بزور طاقت اپنے ٹارگٹ کو نشانہ بنانے کیلئے کہیں بھی جا سکتا ہے،انہوںنے کہا کہ دنیا ہماری بے وقوفی پر ہنس رہی ہے کہ یہ آپس میں لڑ رہے ہیں،تحریک انصاف کو وفاقی حکومت سے تصادم نہیں کرنا چا ہیے،ہنگو،ڈرون حملہ ،ملکی خود مختیاری کے خلاف ہے ملک میں فرقہ وارانہ فسادات ہو رہے ہیں جو کسی طور پرقطعاً درست نہیں ہیں،تحریک انصاف نے احتجاج کا جو راستہ یا طریقہ اختیار کیا ہے اس کا کوئی فائدہ نہیں ہو گا،اگر ہماری حکومت ان لوگوں کے خلاف کاروائی کرے تو ہم دنیا کو باور کرا سکتے ہیں کہ ہم توان کی لڑائی لڑ رہے ہیں اور ان لوگوں کے خلاف کاراوئی کر رہے ہیں تو آپ ڈرون حملے بندکریں اور ہمیں خود انکے خلاف کاروائی کرنے دیں
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :تندوروں کو آٹا فراہمی میں کسی قسم کی سبسڈی فراہم نہیں کی جائے گی
ڈنگہ(محمد بلال احمد بٹ)تندوروں کو آٹا فراہمی میں کسی قسم کی سبسڈی فراہم نہیں کی جائے گی،دستر خوان سوسائٹی خود آٹاخریدیں گی اور مکینکل تندوروں کو ایک روپے فی روٹی پکوائی دینگی صاحبان ثروقت کے تعاون سے تمام ضلعی مقامات میں پنجاب حکومت کا صوبہ بھر میں600مدنی دستر خوان کھولنے کا فیصلہ،15روپے فی کس کھانا ملے گاایک دستر خوان سے ہر ماہ پانچ ہزار افراد کھانا کھا سکیں گے،پنجاب حکومت سالانہ12کروڑ روپے فراہم کرے گی،باقی رقم مخیر حضرات دیں گے،صوبائی وزیر تعلیم رانا مشہود احمد کی سربراہی میں اجلاس میںکم آمدنی والے مزدور پیشہ عام لوگوں اور بے وسیلہ افراد کو صرف پندرہ روپے فی کس ادائیگی پر ایک وقت کا کھانا دینے کیلئے پروگرام کو حتمی شکل دی گئی
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :ڈپٹی ڈی جی ایکسائزاینڈ ٹیکسیشن پنجاب راجہ زاہد حسین کا مرزامحمد اکرم خاں جرال کی وفات پر اظہار رنج و الم
ڈنگہ(محمد بلال احمد بٹ)ڈپٹی ڈی جی ایکسائزاینڈ ٹیکسیشن پنجاب راجہ زاہد حسین نے کہا ممتاز قانون دان مرزا محمود اکرم جرال کے والد محترم مرزا محمد اکرم خاں جرال کی وفات پر گہرا دکھ اور صدمہ ہوا،انہوںنے کہا کہ ہماری اللہ سبحان تعالیٰ سے دعا ہے کہ اللہ تعالیٰ انہیں جنت الفردوس میں اعلیٰ مقام عطا فرمائے اور انکے پسماندگان کو صبروجمیل عطا کرے،آمین
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ : مرزا محمداکرم خاں جرال کی وفات سے پیدا ہونے والا خلاء مدتوں پر نہیں ہو گا،مرزا صفدر اقبال
ڈنگہ(محمد بلال احمد بٹ)ممتاز سماجی شخصیت اور مغل فیملی کے سرکردہ راہنما مرزا صفدر اقبال نے کہا ہے کہ مرزا محمداکرم خاں جرال کی وفات سے پیدا ہونے والا خلاء مدتوں پر نہیں ہو گا،انہوں نے کہا کہ اللہ کریم مرزا محمداکرم خاں جرال کو اپنی جوار رحمت میں اعلیٰ مقام عطا فرمائے اور انکے پسماندگان اور لواحقین کو یہ عظیم صدمہ برداشت کرنے کی ہمت اور صبرجمیل عطا فرمائے،آمین۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ: سلیم عابد پیرزادہ اور سید عرفان علی کی حاجی ندیم قادری کو حج بیت اللہ کی مبارکباد
ڈنگہ(محمد بلال احمد بٹ)ٹائمز آف ڈنگہ کے چیف ایڈیٹر سلیم عابد پیرزادہ اور مینجنگ ایڈیٹر سید عرفان علی کی حاجی ندیم قادری کو حج بیت اللہ کی مبارکبادپریس کلب ڈنگہ کے سینئر نائب صدر اور ٹائمز آف ڈنگہ کے چیف ایڈیٹر سلیم عابد پیرزادہ اور مینجنگ ایڈیٹر سید عرفان علی نے ندیم قادری کو ان کے گھر جاکر مبارکباد دی اس موقع پر حاجی ندیم اختر قادری کے والدمحترم حاجی بشیر احمد المعروف چراغ دین اور انکے بھائی تنویر قادری بھی موجود تھے،حاجی ندیم اختر قادری نے انکی عجوہ کھجور اور آب زم زم سے خاطر تواضح کی۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :حاجی راجہ خالد پرویز بھاری اکثریت سے کامیاب ہونگے،سید نوازش علی شاہ
ڈنگہ(محمدبلال احمد بٹ)اللہ تعالیٰ کے فضل اور عوامی دعائوں سے حاجی راجہ خالد پرویز بھاری اکثریت سے کامیاب ہونگے،سید نوازش علی شاہ کی سحافیوں گفتگو انہوں نے کہا کہ راجہ خالد پرویز کی بے مثالی کامیابی کیلئے تن من دھن کی بازی لگا دیں گے حاجی راجہ خالدپرویز کی فتح لکھی جا چکی ہے جو جنوری کو صرف رسمی کاروائی ہو گی
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :کرنل (ر)میاں محمداکرم اور میاں محمد اسلم کا ایڈیٹر ڈیلی جلا وطن ڈاٹ کام رانا قاسم حسنین علی سے اظہار افسوس
ڈنگہ(محمد بلال احمد بٹ)کرنل (ر)میاں محمداکرم،میاں محمد اسلم کامعروف تاجر ایڈیٹر ڈیلی جلا وطن ڈاٹ کام رانا قاسم حسنین علی سے انکے بھائی کی وفات پر اظہار افسوس کرنل(ر)میاں محمداکرم،میاں محمد اسلم،میاں محمد اکرم،میاں جاوید انور،چوہدری عمران اکرم،میاںمحمد اشرف،سلیم عابد پیرزادہ اور ماسٹر اقبال نے ان کے گھر جا کر ان سے اظہار تعزیت کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :سابق کونسلر مہر خالد حسین،مہر انورناز،مہر ریاض احمد اور ارشد کھوکھر کا رانا قاسم حسنین علی سے بھائی کی وفات پر دکھ کا اظہار
ڈنگہ(محمد بلال احمد بٹ)سابق کونسلر مہر خالد حسین،مہر انورناز،مہر ریاض احمد اور ارشد کھوکھر نے سونے کے تاجر رانا قاسم حسنین علی سے انکے بھائی کی وفات پر اظہار تعزیت کیا اور دعا کی کہ اللہ تعالیٰ مرحوم کوجنت الفردوس میں جگہ عطا فرمائے آمین۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :ممتاز شخصیات بشارت علی وڑائچ کا صدر محلہ ضمیر احمد بٹ کے اعزا ز میں گرینڈ عشائیہ
ڈنگہ(محمد بلال احمد بٹ)ممتاز شخصیات بشارت علی وڑائچ کا صدر محلہ ضمیر احمد بٹ کے اعزا ز میں گرینڈ عشائیہ،بشارت احمد وڑائچ کی طرف سے صدر محلہ جمشید کالونی ضمیر احمد بٹ کے اعزاز میں منعقدہ عشائیہ میں ضمیر احمد بٹ،راجہ ارشد اقبال،تجمل جاوید اور سلیم عابد پیرزادہ کے علاوہ دیگر افراد نے شرکت کی۔
ڈنگہ :ڈالر109روپے سے تجاوز کر گیاروپیہ پھر لڑکھڑانا شروع ہو گیا
ڈنگہ(محمد بلال احمد بٹ)ڈالر109روپے سے تجاوز کر گیاروپیہ پھر لڑکھڑانا شروع ہو گیا،آئی ایم ایف کی ادائیگیوں کے باعث زرمبادلہ کے ذخائر چار ارب ڈالر سے کم رہ گئے،ماہرین کے مطابق غیر ملکیوں کو ادائیگیوں کے باعث روپے کو سہارا نہیں مل پا رہا۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :ایم پی اے میاں طارق محمود کی امریکہ سے واپسی پر چوہدری امتیاز ایڈووکیٹ سے خصوصی ملاقات
ڈنگہ(محمد بلال احمد بٹ)ایم پی اے میاں طارق محمود کی امریکہ سے واپسی پر چوہدری امتیاز ایڈووکیٹ سے خصوصی ملاقات تفصیلات کے مطابق گذشتہ روز میاں طارق محمود سابق ناظم یو سی امرہ اورممتاز قانون دان چوہدری امتیاز احمد ایڈووکیٹ سے ملنے انکی رہائش گاہ پر گئے ان سے خصوصی تبادلہ خیال کیا اس موقع پر حاجی چوہدری ولی محمد،حاجی چوہدری محمد اصغر،چوہدری شمریز اصغر،حاجی مشتاق احمد بٹ،مدثر اقبال ،ظفر اقبال اور دیگر افراد بھی موجود تھے۔یہاں یہ بات بھی واضح رہے کہ چوہدری امتیاز احمد ایڈووکیٹ سابق ناظم حال ہی میں اپنے بھائی چوہدری محمد اصغر جو کہ امرہ سے چیئر مینی کا الیکشن لڑ رہے ہیں کے سلسلے میں وطن واپس تشریف لائے ہیں اور انہوں نے آتے ہی سیاسی سرگرمیوں کا بھی آغاز کر دیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ : ہم انشاء اللہ عوامی طاقت سے تاریخ ساز کامیابی حاصل کریں گے،ٹھیکیدار ایوب مغل
ڈنگہ(محمد بلال احمد بٹ)ممتاز سیاسی سماجی فلاحی و سابق کونسلر وارڈ نمبر 8سے امیدوار جنرل کونسلر ٹھیکیدار ایوب مغل نے اپنے بیان میں کہا ہے کہ ہم انشاء اللہ عوامی طاقت سے تاریخ ساز کامیابی حاصل کریں گے،انہوں نے کہا کہ اللہ تعالیٰ کے خاص فض وکرم سے ہماری وارڈ میں جس تیزی اور رفتار سے امیدواروں میں اضافہ ہو رہا ہے اسی رفتار سے ہماری فتح ہمارے اور قریب آرہی ہے
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ:حکومت پنجاب نے صوبہ بھر میں سولر انرجی پراجیکٹ لگانے کیلئے ہر ضلع میں سرکاری اراضی تلاش کرنے کی ہدایت کر دی
ڈنگہ(محمد بلال احمد بٹ)حکومت پنجاب نے صوبہ بھر میں سولر انرجی پراجیکٹ لگانے کیلئے ہر ضلع میں سرکاری اراضی تلاش کرنے کی ہدایت کر دی حکومت نے صوبہ بھر کے اضلاع کے ڈسٹرکٹ کلیٹکڑوں کو ہدایت کی ہے کہ سولر انرجی کا پراجیکٹ لگانے کیلئے ہر ضلع میں کم از کم پانچ ،پانچ ایکڑ سرکاری اراضی فوری طور پر تلاش کی جائے یہ اراضی 132کے وی اور 500کے وی کی گزرنے والی بجلی کی ٹرانسمیشن لائنوں کے قریب ترجیحا ہونی چاہیے اس سلسلہ میں واپڈا سے معاونت کیلئے کہا گیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :نوجوان کار سوار اور تیز رفتار ٹرالہ کی ٹکر سر جاں بحق ہو گیا
ڈنگہ(محمد بلال احمد بٹ)نوجوان کار سوار اور تیز رفتار ٹرالہ کی ٹکر سر جاں بحق ہو گیا بتایا جاتا ہے کہ لوہاٹبہ کا رہائشی نوجوان منور بٹ کار پر سوار تھا کہ راستے میں تیز رفتار ٹرالہ نے اسے ٹکر دے ماری جس کے نتیجے میں وہ زخموں کی تاب نہ لاتے ہوئے جاں بحق ہو گیا،نوجوانی المنا ک ہلاکت پر پورا علاقہ سوگوارہو گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :پی ایچ ایس فری ڈسپنسری لنک کمالہ روڈ پر لیکچر پروگرام 29نومبر کو ہو گا
ڈنگہ(محمد بلال احمد بٹ)پی ایچ ایس ڈنگہ کے صدر جاوید اقبال بھٹی اور سیکرٹری ڈاکٹر طارق سندھو اور انچارج لیکچر ڈاکٹر طارق چن کی سرکردگی میں 29نومبر بروز جمعتہ المبارک کو پی ایچ ایس فری ڈسپنسری لنک کمالہ روڈ پر لیکچر پروگرام ہو گا جس میں ڈاکٹر امتیا ز احمد گوندل اور دیگر ڈاکٹرز لیکچرز دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ : محمد ظفر مرزا حج بیت اللہ کی سعادت حاصل کرکے وطن لوٹ آئے
ڈنگہ(محمد بلال احمد بٹ)ممتاز ماہر تعلیم اور پرنسپل فاطمہ جناح سکول ڈنگہ محمد ظفر مرزا حج بیت اللہ کی سعادت حاصل کرکے وطن لوٹ آئے انکے دوست احباب نے ان کا والہانہ اور پرتپاک استقبال کیا ان کی رہاء شگاہ پر مبارکباد دینے والوں کا تانتا بندھا رہا۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :ممتاز شخصیت اور نادرا آفس ڈنگہ نے چوہدری شفقت محمود کے ہاں چاند سے بیٹے کی پیدائش
ڈنگہ(محمد بلال احمد بٹ)ممتاز شخصیت اور نادرا آفس ڈنگہ نے چوہدری شفقت محمود کے ہاں چاند سے بیٹے کی پیدائش پر انکے دوست احباب عزیز و اقارب نے انہیں مبارکباد دی اور دعا کہ اللہ تعالیٰ نومولود کو عمر طفیل عطا کرے آمین۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ(نامہ نگار)بجاڑ والا کا رہائشی سونی خاں کے بیٹے عبدالرزاق سپین میں انتقال کرگئے انکی میت گذشتہ روز وطن لائی گئی اور نماز جنازہ کے بعدن دفن کر دیا گیا۔
ڈنگہ :اپنے اور عوام کے عظیم راہنما ماجد عدالت بٹ کو بھاری اکثریت سے کامیاب کرائیں گے،گلزار احمد بھٹو
ڈنگہ(محمد بلال احمد بٹ)اپنے اور عوام کے عظیم راہنما ماجد عدالت بٹ کو بھاری اکثریت سے کامیاب کرائیں گے ان خیالات کا اظہار راہنما پی پی پی گلزار احمد بھٹو نے کیا انہوں نے کہا کہ ہم اپنی پارٹی گروپ دھڑے کے فیصلہ کے عین مطابق ماجد عدالت بٹ کی مکمل اور بھر پور حمایت کا اعلان کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ : انشاء اللہ عوامی تائید و حمایت سے تاریخ ساز کامیابی حاصل کریں گے،چوہدری ساجد محمود
ڈنگہ(محمد بلال احمد بٹ)چوہدری ساجد محمود نے اپنے بیان میں کہا ہے کہ انشاء اللہ عوامی تائید و حمایت سے تاریخ ساز کامیابی حاصل کریں گے،انہوں نے کہا کہ قائدین کا ورکر اور عوامی خدمت کرنے پر فخر مسوس کرتا ہوں خدمت خلق کر کے سکون قلب ملتا ہے خدمت کا سلسلہ انشاء اللہ اسی طرح جاری ساری رکھوں گا،انہوں نے کہا کہ اللہ تعالیٰ کے فضل و کرم سے کامیابی حاصل کر کے شہریوں کی خدمت کے لئے ریکارڈ قائم کریں گے اور عوامی فلاح و بہبود اور شہر کی تعمیر و ترقی کیلئے مثالی اقدامات کروں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :بابا ئے صحافت مولانا طفر علی خان کی سالانہ برسی 27نومبر بروز بدھ کو انکے آبائی گائوں کرم آباد میں عقیدت و احترام سے منائی گئی
ڈنگہ(محمد بلال احمد بٹ)بابا ئے صحافت مولانا طفر علی خان کی سالانہ برسی 27نومبر بروز بدھ کو انکے آبائی گائوں کرم آباد میں عقیدت و احترام سے منائی گئی ملک بھر سے صحافی برادری نے بابائے صحافت ظفر علی خان کو خراج عقیدت پیش کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :ڈی پی او گجرات سید علی ناصر رضوی نے ضلع بھر میں یکم دسمبر تک تمام پولیس آفیسرز اور اہلکاروں کی چھٹیاں منسوخ کر دی ہیں
ڈنگہ(محمد بلال احمد بٹ)ڈی پی او گجرات سید علی ناصر رضوی نے ضلع بھر میں یکم دسمبر تک تمام پولیس آفیسرز اور اہلکاروں کی چھٹیاں منسوخ کر دی ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ: اگر اللہ تعالیٰ نے موقع دیا تو عوامی خدمت کے نئے ریکارڈ قائم کریں گے،غلام مرتضی بٹ
ڈنگہ (محمد بلال احمد بٹ)امیدوار کونسلر وارڈنمبر 10غلام مرتضیٰ بٹ نے اپنے بیان میں کہاہے کہ اگر اللہ تعالیٰ نے موقع دیا تو عوامی خدمت کے نئے ریکارڈ قائم کریں گے عوام نئے اور پرانے ممبران کے کاموں میں واضع فرق دیکھیں گے انہوںنے کہاہے کہ ہمارے سیاست میں آنے کا مقصد مخص انسا نی خدمت ہے خدمت کا یہ مشن ہر صورت جاری رہے گا انہوں نے کہاہے کہ ہمارا ماضی بے داغ اورمستقبل روشن ہے تینوں کا حل اللہ تعالیٰ کی ذات خوب جانتی ہے الیکشن میںحصہ صرف خدمت خلق کیلئے ہے عوامی حقو ق کے تحفظ کے لئے آخری حد تک جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ : حاجی برادران اہل علاقہ کی خدمت کیلئے ہر وقت تیاررہتے ہیں،اہلیان محلہ شاہ ڈنگہ
ڈنگہ (محمد بلال احمد بٹ)محلہ شاہ سوار ڈنگہ کی معروف شخصیت ساجی شاہ ،قمر عباس کٹھانہ ،ناصر مغل،شبیر کٹھانہ،افضال شا ہ ،(ساؤ تھ افریقہ)اخترمغل(مسقط)،ناصر کٹھا نہ(یونان ) مستری حق نواز ،مستری خضرحیات ،شہباز احمد مغل،فیصل حمید (ملائشیا)،عبداللہ شیخ نے اپنے تحریری بیان میں کہاہے کہ کل تک جو لوگ حاجی برادران اورانکے سپوت حاجی شاہد محمود بٹ کے اچھے کاموں کے گن گاتے تھے آج انکے سیاست میں آنے سے نالاں ہوگئے ہیں انہوں نے کہاہے یہ لوگ پوچتے ہیں کہ اگر یہ کامیاب ہو گئے تو فنڈ عوام پر لگائیں گے اور ان پر عوام کا حق ہو گااوراس میں سے ہمارا حصے کچھ نہیں آئے گا انہوں نے کہاہے کہ ہم سب پر واضع کردینا چاہتے ہیں کہ انشاء اللہ حاجی شاہد محمودبٹ کامیاب ہونگے اوران کی کامیابی کیلئے سے لو ٹ ما ر کے قصے ختم ہو جائیں گے وارڈ کے عوام میں امن بھائی چارہ اور خوشحالی آئیگی حاجی برادران اہل علاقہ کی خدمت کیلئے ہر وقت تیاررہتے ہیں ہم عوام سے پرزور اپیل کرتے ہیں کہ وہ حاجی شاہدمحمودبٹ کو ووٹ دیکر بھاری اکثریت سے کامیاب بنائیں اوروارڈ کو خوشحال بنانے میں اپنا اہم کردارکریں اورووٹ کو ضائع ہونے سے بچائیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ: اقتدار کالالچ نہیں عوام کی خدمت کامشن ہرحال میں جاری رکھیں گے ،ماجد عدالت بٹ
ڈنگہ (محمد بلال احمد بٹ)امیدوار برائے کونسلر وارڈنمبر 8ماجد عدالت بٹ نے اپنے ایک بیان میں کہاہے کہ اقتدار کالالچ نہیں عوام کی خدمت کامشن ہرحال میں جاری رکھیں گے انہوں نے کہاہے کہ منافقت کی سیاست کے قائل نہیں ہمیشہ حق وسچ کی بات کرتے ہیں پارٹی دھڑے کیلئے اور مظلوم کے ساتھی ہیں ہم نے ہمیشہ ڈنکے کی چوٹ پر حق وسچ کاساتھ دیا انہوں نے کہاہے کہ ہم مخلص ساتھیوں اور دوستوں کا تحفظ کرنا جانتے ہیں وفا ہمارے خون میں شامل ہے عوام ہم پر اعتما د کررہے ہیں کہ ان کے ممنون ومشکور ہیں اگر اللہ تعالیٰ نے عزت دی تو وارڈ کے عوام کا قرض ترقیا تی کام کرواکر اتارنے کی کوشش کرتارہوں گا اوربلا امتیاز وعوامی خدمت کا مشن جاری رہیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ : وارڈ کے عوام کو درپیش مسائل کے خاتمے کیلئے الیکشن لڑنے کا فیصلہ کیاہے،مرزا فاروق الزمان
ڈنگہ (محمدبلال احمد بٹ)امیدوار برائے کونسلر ڈنگہ وارڈنمبر 4مرزا فاروق الزمان نے اپنے بیان میں کہاہے کہ وارڈ کے عوام کو درپیش مسائل کے خاتمے کیلئے الیکشن لڑنے کا فیصلہ کیاہے اگر سابق امیدوار وں نے عوام کے اعتماد کو ٹھیس نہ پہنچائی ہوتی اور وارڈ کو درپیش مسائل کے خاتمہ کیلئے کو شیش کی ہوتی تو الیکشن نہیں لڑتا انہوں نے کہاہے کہ وارڈنمبر 4کے نوجوانوں کو روزگار فراہم کرنا اور نوجوانو ن کو تعلیم کی جانب راغب کرنا میری اولین ترحیج ہے اگر اللہ تعالیٰ نے کامیابی سے نواز ا تووارڈنمبر 4کے عوام کو مایو س نہیں کرونگاانشاء اللہ مسائل کا خاتمہ ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :پیر بلھے شاہ گجراتی کی والدہ کے عرس مبارک میں ڈنگہ اور دھوریہ سے قافلے شرکت کریں گے
ڈنگہ(محمد بلال احمد بٹ )آستانہ عالیہ دربارعالیہ حضرت شنہشاہ ولایت پیرسید بلھے شاہ گجراتی کی والدہ مرحومہ مغفورہ کاسالانہ عرس پاک 28نومبر 2013ء کو بعدعشاء آستانہ عالیہ حضرت شہنشاہ ولایت علی گجرات میں منعقدہ ہو گا عرس پاک کی صدارت پیرسید بلھے شاہ گجراتی کریں گے ،تلاوت سید صداقت علی کریں گے جبکہ تسیلم احمد صابری کراچی ،غلام مصطفے صابری کراچی ،ذوالفقار علی چشتی کراچی ثنا ء خوانی کریں گے مفکر اسلام حضرت علامہ مولانا سید شمس الرحمن مشہدی شاہ اورعلامہ عفران محمود سیالوی راولپنڈی خصوصی خطاب کریں گے ڈنگہ سے قافلہ میاں خادم حسین کی سرکردگی میںجبکہ دھوریہ سے چوہدری افتخار مہر کی سرکردگی میں 2بسوں پر مشتمل قافلہ عرس پاک میں شرکت کریگاجبکہ 0300-9531974,0300-6279984پر رابطہ کر سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :بلدیاتی الیکشن کیلئے اپنے دوست احباب سے مشاورت کا عمل جاری ہے،خضر حیات آف شاہسوار ڈنگہ
ڈنگہ (محمد بلال احمد بٹ)شوکت علی خاں مرحوم کے صاحبزادے خضرحیات آف شاہسوار ڈنگہ نے اپنے بیان میںکہاہے کہ بلدیاتی الیکشن کیلئے اپنے دوست احباب سے مشاورت کا عمل جاری ہے اپنے دوستوں وبھائیوں کی مشاروت کے بعدالیکشن لڑیں گے انہوں نے کہاہے کہ اب تک جن بھائیوں اوردوستوں نے مجھے الیکشن لڑنے کیلئے حمایت کا یقین دلایا ہے ان کا دل سے مشکورہوں ۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :دعوت اسلامی کے زیراہتمام عظیم الشان اجتماع گزشتہ رات لال قلعہ میرج ہال پر منعقد ہو ا
ڈنگہ(محمد بلال احمد بٹ)دعوت اسلامی کے زیراہتمام عظیم الشان اجتماع گزشتہ رات لال قلعہ میرج ہال پر منعقد ہو اجس میں شعبہ تعلیم دعوت اسلامی پاکستان کے مرکزی ذمہ داران شعبان قادری عطاری نے روح پر ورخطاب کیا احتماع میں ڈاکٹر خالد عاربی ،ڈاکٹر عطاء الرحمن ،چوہدری احمد خان،ماسٹر میاں عارف ،محمد شریف چشتی ،عارف جاوید ،سید منورحسین ،میاں عمران ایڈووکیٹ ،شیخ رستم علی،رجب علی چشتی،محمدندیم قادری،قاری محمد اشرف ،مہر انوراقبال،محمد اقبال منج ،شکیل منج ،ڈاکٹرمہدی،عثمان بشیر بٹ، مرزا اسحار جرال ‘ ڈاکٹر آصف ،فیاض احمد منہاس ،محمد عارف بٹ،ڈاکٹرمحمدالیاس ،افتخاررضوی ،خادم منج ،ماجد علی مدنی ،ماسڑخضر حیات،ڈاکٹرجاوید اقبال،زاہدحنیف چوہدری،چوہدری ساجد محمود،چوہدری شہزادولی،محمد مشتاق نقشہ یونس ،حسن بلا، شاہدمحمو عطاری،یاسر عطاری سمیت دیگر افراد نے بھرپورشرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ : ہار جیت مقد رکی بات ہے عوام کی خد مت کو اپناشعار بنایا ہے،مرزا محمد شہزاد جرال
ڈنگہ (محمدبلال احمد بٹ)امیدوار برائے وارڈنمبر 7مرزا محمد شہزاد جرال نے اپنے بیان میں کہاہے کہ ہار جیت مقد رکی بات ہے عوام کی خد مت کو اپناشعار بنایا ہے انشاء اللہ عوامی خدمت کا مشن جاری رہے گا ہا ر ہو یا جیت انھوں نے مزید کہاہے کہ سانحہ راولپنڈی کی شد ید مذمت کرتے ہیں مسلمان یہ کام نہیں کرسکتے اس میں بیرونی طاقتوں کا ہاتھ ہے انہوں نے کہاہے کہ مکا تب فکر کے افراد تحمل اور برداشت کا مظاہر ہ کریں تاکہ اسلام اور وطن دشمن طاقتوں کو موقع نہ مل سکے انہوںنے کہاہے کہ حکومت فی الفور اس واقعہ میں ملوث چہر وں کو بے نقاب کریں اور ذمہ داران کو عبرتناک سزادے ۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :یونین کونسلوں میں6,6وارڈز کی حلقہ بندیاں،ہر وارڈ سے جنرل کونسلر منتخب ہو گا
ڈنگہ(محمد بلال احمد بٹ)یونین کونسلوں میں6,6وارڈز کی حلقہ بندیاں،ہر وارڈ سے جنرل کونسلر منتخب ہو گامحکمہ بلدیات نے جماعتی بنیادوں پر بلدیاتی انتخابات کروانے کیلئے نئے لوکل گورنمنٹ ترمیمی ایکٹ2013ء میں ترمیم کرتے ہوئے یونین کونسلوں کی حلقہ بندیوںکا کام شروع کر دیا گیا ہے،ہر کونسل میں چھ وارڈ کے چھ جنرل کونسلر ہونگے،26نومبر کو وارڈ کی حتمی فہرست جاری کی جائے گی،پانچ دسمبر کو حلقہ بندیاں مکمل کی جائیں گی،محکمہ بلدیات نے لوکل گورنمنٹ ایکٹ2013ء نے سیکشن 23.27/8.13اور سیکشن32میں ترمیم کانوٹیفکیشن جاری کر دیا ،یونین کونسلوں میں خواتین کی دو مختص نشستوں کیلئے تین وارڈوں پر مشتمل دو حلقے بنیں گے،چیئر مین اور وائس چیئر مین غیر مسلم،کسان اور یوتھ سیٹوں کے لئے پورا حلقہ ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :مرزا محمد اکرم خاں جرال کو ہزاروں سوگواران کی موجودگی میں سپرد خاک،ختم کل آج جرال ٹائون میں پڑھا یاجائے گا
ڈنگہ(محمد بلال احمد بٹ)مرزا خان محمد خاں جرال مرحوم کے فرزند ارجمند مرزامقصود اکرم جرال،ممتاز ماہر تعلیم مرزا محبوب اکرم جرال،مرزا عزیز اکرم جرال،ممتاز ماہرمعالج ڈاکٹر غلام اکرم جرال اورممتاز قانون دان بیرسٹر مرزا محمود اکرم جرال کے والد محترم مرزا محمد اکرم خاں جرال رضائے الٰہی سے انتقال کر گئے نما زجنازہ میں ہزاروں افراد کی شرکت کی جرال فیملی ڈنگہ کی سرکردہ اور معتبر شخصیت مرزا محمد اکرم خاں جرال کی نماز جنازہ میں عوامی سماجی سیاسی،تجارتی شخصیات سمیت وکلاء ممتاز ماہر تعلیم سمیت ہر مکتبہ فکر سے تعلق رکھنے والے افراد کی کثیر تعداد نے شرکت کی جن میں میاں محمد اسلم،میاں امجدمحمود،چوہدری محمد عثمان ،میاں اعجاز احمد،میاں محمد عارف،حاجی صادق بٹ،چوہدری محمد زمان،میاں جاوید اقبال،ڈاکٹر عامر اعجاز،ڈاکٹر یاسر اعجاز،ڈاکٹر خالد عاربی،ڈاکٹرمحمد اعظم،میاں عمران،میاں خاور اعجاز،چوہدری رستم علی،حاجی اعظم،میاں جہانگیر عالم،چوہدری ارشد مرزا،فاروق زمان ،قیصر اسحاق مغل،چوہدری خرم شہزاد،ڈاکٹر ظفر اللہ،چوہدری پرویز ،چوہدری فیاض احمد،مرزا اشتیاق ،مرزا امتیاز صادق،مرزا شیر دل جرال،چوہدری محمد اکرم ،میاں مظہر اقبال،میاں خادم حسین،راجہ زاہد حسین،الحاج شیخ محمد جاوید نذیر،چوہدری محمد حسین ٹوپہ،محمد شریف چشتی،مظہر اقبال اور طارق محمود،شیری قریشی،مہر اشفاق احمد،ڈاکٹر اسلم،سید مظہر عباس رائو،جاوید اقبال،رائو ئساجد جہانگیر،میاں اکرم،لیاقت قریشی سمیت دیگر نے شرکت کی مرزا محمد اکرم خاں جرال کا ختم قل آج دن گیارہ بجے جرال ٹائون میں پڑھا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ : حکمرانوں کی نا اہلی کی بدولت انتخابی نشان شیر نفرت کی علامت بن چکا ہے،گلزار احمد بھٹو
ڈنگہ(محمد بلال احمدبٹ)پیپلز پارٹی کے راہنما گلزار احمد بھٹو نے کہا ہے کہ حکمرانوں کی نا اہلی کی بدولت ان کا انتخابی نشان شیر نفرت کی علامت بن چکا ہے اب بلدیاتی الیکشن میں شیر کا نشان عبرتناک شکست سے دوچار ہو گا کیونکہ حکمرانوں نے صرف چھ ماہ میں عوام کا جینا حرام کردیا ہے عوام ان سے تنگ آچکے ہیں۔ انہوں نے کہا کہ ن لیگ چھ ماہ بعد ہی مکمل طور پر ناکام ہو چکی ہے،حکمران عوام سے کئے ہوئے وعدے بھول کر اپنی عیاشیوں میں مصروف ہیں انہوں نے کہا کہ بلدیاتی الیکشن میں نا اہل کرپٹ حکمرانوں سے نجات حاصل کرنے کیلئے عوام اپنا کردار ادا کریں۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :سڑکوں،گلیوں کے حالات مخدوش،ڈنگہ کھنڈر بن گیا،ڈنگہ میں ہونے والے ترقیاتی کاموں کا سارا پول کھل گیا
ڈنگہ(محمدبلال احمد بٹ)سڑکوں،گلیوں کے حالات مخدوش،ڈنگہ کھنڈر بن گیا،ڈنگہ میں ہونے والے ترقیاتی کاموں کا سارا پول کھل گیا،ڈنگہ کے اندرون میں کسی محلہ میں بھی کوئی گلی یا سڑک سلامت نہیں ہے،سوئی گیس کی ترسیل کے دوران ہونے والی اکھاڑ پچھاڑ کے باعث جو گلیاں اور سڑکیں ٹوٹ گئی تھیں وہ آج تک تعمیر کی منتظر ہیں،جبکہ سوئی گیس کے کے دوران ریپئرنگ کا ٹینڈر بھی پاس کیا گیا تھا،لیکن کام آج تک جاری نہ کیا گیا ہے،پی پی والے بھی سوئی گیس کی سیاست کرتے رہے اور آج ن لیگ والے بھی سوئی گیس کے کام پر سیاست کر رہے ہیں، لیکن عوام کی پریشان کا سبب بنے والی ٹوٹی ہوئی گلیوں اور سڑکوں کی مرمت کیوں نہیں کروائی جا رہی۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ:سبزی فروشوں کے خلاف آپریشن،ردعمل کے طور پر مجسٹریٹ پرائس کنٹرول کمیٹی اور چیئر مین مارکیٹ کمیٹی کے سامنے احتجاج ریکارڈ کرایا
ڈنگہ(محمد بلال احمد بٹ)ڈنگہ میں سبزی فروشوں کے خلاف ہونے والے آپریشن کے ردعمل میں سبزی فروشوں نے مارکیٹ کمیٹی ڈنگہ کے دفتر میں جا کر اپنا احتجاج مجسٹریٹ پرائس کنٹرول کمیٹی اور چیئر مین مارکیٹ کمیٹی کے سامنے ریکارڈ کرایا اور مطالبہ کیا کہ اگر انتظامیہ ہم سے مارکیٹ کمیٹی کے ریٹس پر پابندی کروانا چاہتی ہے تو منڈی کے ریٹ بھی کنٹرول کرے،سبزی فروشوں کا کہنا تھا کہ آڑھتی حضرات ہم سے ڈبل کمیشن بھی لیتے ہیں اور ریٹس بھی ضلع بھر سے زائد وصول کئے جاتے ہیں،انتظامیہ ہم غریبوں کے چالان کر کے کاروائی پوری کر لیتی ہے،جبکہ آڑھتی حضرات کو کوئی پوچھنے والا نہیں ہے اگر یہی صورتحال رہی تو ہم غریبوں کے چولہے ٹھنڈے پڑ جائیں گے ہم پر رحم کیا جائے اور آڑھتی حضرات کو ریٹس کا پابند بنایا جائے،مہنگے داموں اشیاء خرید کر سستی نہیں بیچی جا سکتیں،آڑھتیوں کے خلاف آپریشن کیا جائے ہم غریبوں کے اوپر اپنی کارکردگی کا بوجھ نہ لاد دیا جائے جبکہ مجسٹریٹ پرائس کنٹرول کمیٹی نے آڑھتیوں کے خلاف آپریشن کا وعدہ بھی کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :میاں طارق محمود ایم پی اے کی مسلم لیگ ن کے مرکزی قائد حمزہ شہبازشریف سے لاہور میں اہم ملاقات
ڈنگہ(محمد بلال احمد بٹ)پاکستان مسلم لیگ ن کے مرکزی راہنما میاں طارق محمود ایم پی اے کی مسلم لیگ ن کے مرکزی قائد حمزہ شہبازشریف ایم این اے سے لاہور میں اہم ملاقات ،اس ملاقات میں میاں طارق محمود ایم پی اے نے گورنمنٹ بوائز ڈگری کالج ڈنگہ کے لئے فرنیچر کے فنڈز اور سول ہسپتال ڈنگہ کے بقیہ کام کیلئے فنڈز ریلیز کرنے کی بات کی،جس پر حمزہ شہباز شریف نے حکام کو خصوصی ہدایت کی کہ فوری طور پر سول ہسپتال ڈنگہ اور بوائز کالج کے فنڈز دے کر ان پر فوری طور پر کام شروع کرانے کی ہدایت،اور ککہا کہ عام سے کیا ہوا ایک ایک وعدہ پورا کیا جائے گا تعمیر و ترقی،تعلیم،صحت،عوامی حق ہیں اور یہ ضرور دیں گے،انہوں نے کہا کہ مجھے خوشی ہے کہ میاں طارق محمود ایم پی اے ہمیشہ عوامی حقوق کے لئے ہمارے پاس آکر لڑتے ہیں اور ضد کرتے ہیں اور ہم بھی ان کی مثبت سوچ کی دل سے قدر کرتے ہوئے ہمیشہ ان کے کام ترجیحی بنیادوں پر فوری طور پر کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :چیف ایڈیٹر آئینہ انقلاب کی ڈنگہ آمد،ایڈیٹر ڈیلی جلا وطن ڈاٹ کام رانا قاسم حسنین علی سے اظہار رنج و الم
ڈنگہ(محمد بلال احمد بٹ)مرکزی انجمن تاجران ڈنگہ و ڈنگہ میڈیا کونسل و ایڈیٹر ڈیلی جلا وطن ڈاٹ کام رانا قاسم حسنین علی کے بھائی رانا شاہد کی وفات پر لالہ موسیٰ کے سینئر صحافی و چیف ایڈیٹر رزنامہ آئینہ انقلاب مشتاق احمد بٹ نے ڈنگہ کا آکر ان سے فاتحہ خوانی کی ایصال ثواب اور درجات بلندی کے لیے دعا کی ،گہرے دکھ و رنج کا اظہار کیا،اس موقع پر رانا وقاص،زاہد لطیف بٹ اور نثار مغل بھی ہمراہ تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :مرزا محمد اکرم جرال کی وفا ت پر ممتاز ماہر تعلیم و دیگر شخصیات کا اظہار افسوس
ڈنگہ(محمد بلال احمد بٹ)ممتاز ماہر تعلیم مرزا محبوب اکرم جرال ہیڈ ماسٹر گورنمنٹ ایلیمنٹری سکول ڈنگہ مین کے والد محترم مرزا محمد اکرم جرال کی وفات پر ممتاز ماہر تعلیم مسعود عالم خاکسار،سابق اے ای او محمد اختر شاہد باگڑی،ضلعی صدر ایس ای ایس،نثار مغل ممبر مصالحتی کمیٹی ڈنگہ،میاں محمد عارف،ہیڈماسٹر ،میاں جاوید اقبال،سینئرنائب صدر پی ٹی یو ضلع گجرات نے گہرے دکھ رنج کا اظہار کیا ،ایصال ثواب اور درجات بلندی کے لیے دعا کی اور فاتحہ خوانی کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ : بلدیاتی انتخابات میں کامیابی حاصل کر کے حلقہ اور علاقہ کی فلاح و بہبود کے لئے اپنی خدمات جاری رکھوں ،چوہدری تجمل حیات مکڑ
ڈنگہ(محمد بلال احمد بٹ)پاکستان تحریک انصاف کے کارکن اور امیدوار برائے جنرل کونسلر میونسپل کمیٹی ڈنگہ چوہدری تجمل حیات مکڑ نے اپنے بیان میں کہا کہ ڈرنے جھکنے بکنے والے نہیں سونامی ملک و قوم کی تقدیرسنوار کر دم لے گا،انہوں نے کہا کہ 18کروڑ عوام کی ترجمانی کرتے ہوئے امریکی ڈرون حملوں پر فل سٹاپ لگا دے گی مخالفین کے منفی پرپیگنڈے تحریک انصاف کے کارکنان کے حوصلے پست نہیں کر سکتے انہوں نے کہا بلدیاتی انتخابات میں کامیابی حاصل کر کے حلقہ اور علاقہ کی فلاح و بہبود کے لئے اپنی خدمات جاری رکھوں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :قتدار کے لالچ سے بالا تر ہو کر عوامی فلاح و بہبود کے لیے کام کرنا ہماری ترجیحات میں شامل ہے،میاں افتخار احمد آف کولیاں شاہ حسین
ڈنگہ(محمدبلال احمد بٹ)ممتا ز سیاسی سماجی و فلاحی شخصیت امیدوار برائے جنرل کونسلر وارڈ نمبر2میاں افتخار احمد آف کولیاںشاہ حسین نے اپنے ایک تحریری بیان میںکہا ہے کہ ہم نے ہمیشہ شرافت اورخدمت کی سیاست کی ہے، اور بلا تفریق عوام کی خدمت کو اپنا شعار بنایا ہے،اقتدار کے لالچ سے بالا تر ہو کر عوامی فلاح و بہبود کے لیے کام کرنا ہماری ترجیحات میں شامل ہے،اہلیان وارڈ نمبر2 کے پر زور اصرار پر بلدیاتی انتخابات میں حصہ لینے کا فیصلہ کیا،وارڈنمبر2کی اہم برادریوں اور سرکردہ شخصیات کی مکمل حمایت اور مشاورت کے بعد الیکشن میں حصہ لینے کا اعلان کیا ہے، اور ہم نے ہمیشہ کھری ،صاف ستھری اور شرافت کی سیاست کی ہے اور کسی بھی شخص کو نقصان پہنچانے کی کوشش کی ہے اور کسی بھی شخص کو نقصان پہنچانے کی کوشش نہیںکی ہر شخص ہمارے لیے محترم اور عزت کے قابل ہے الیکشن میں حصہ لینا ہر کسی کا بنیادی حق ہے کسی سے ذاتی اختلاف نہیں ہے، سیاست کو سیاست کی حد تک رہنا چاہیے اور اسے ذاتی اناء کا مسئلہ نہیں بنایا انشاء اللہ کامیابی کے بعد وارڈ نمبر2کے عوام کی بلا تفریق و سیاسی خدمت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :موٹروے پولیس کی جانب سے یکم دسمبر سے بغیر ہیلمٹ موٹر سائیکل سواروں کے خلاف مہم کاآغاز کرنے کا اعلان کر دیا
ڈنگہ(محمد بلال احمد بٹ)موٹروے پولیس کی جانب سے یکم دسمبر سے بغیر ہیلمٹ موٹر سائیکل سواروں کے خلاف مہم کاآغاز کرنے کا اعلان کر دیا، موٹر سایکل سوار متوجہ رہیں کہ دوران سفر ہیلمٹ پہن کر موٹر سائیکل چلائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ :بلدیاتی انتخابات کے لئے نئی وارڈز بندی کے عمل کی ابتدائی فہرستیں گذشتہ روز آویزاں کر دی گئیں
ڈنگہ(محمد بلال احمد بٹ)بلدیاتی انتخابات کے لئے نئی وارڈز بندی کے عمل کی ابتدائی فہرستیں گذشتہ روز آویزاں کر دی گئیں،اور ان کے متعلق تجاوزات اعتراضات کی سماعت آج28نومبرکو ہو گی۔ن کی حتمی فہرستیں 4دسمبر کو لگا دی جائیں گیں،نئی وارڈ2000کی آبادی پر بنائی جا رہی ہے،ان وارڈز کی تعداد8ہو گی،جو کہ 8,8وارڈز تمام کونسلوں میں ہوں گی،جو کہ جنرل کونسلر ،خواتین کونسلرکے لئے ہوں گیں،جہاں سے کونسلرز و خواتین کی سیٹوں کے امیدواران مخصوص وارڈز میں سے الیکشن لڑکر ووٹ حاصل کریں گے،جبکہ چیئر مین وائس چیئر مین،کسان،اور اقلیتی سیٹوں کے امیدواران ساری کونسلوں کے علاقوں سے براہ راست ووٹ حاصل کریں گے،بتایا گیا ہے کہ حکومت پنجاب بلدیاتی انتخابات کے لئے نئی وارڈز کے عمل سے گجرات میونسپل کارپوریشن 12یونین کونسل72جبکہ ضلع کی120دیہاتی کونسل کو 120میں تقسیم کر دیاجائے گا۔ادھر نئی وارڈز بندی کے عمل نے بلدیاتی انتخابات کے عمل کو مشکوک بنا رکھا ہے کہ جس میں بلدیاتی انتخابات کے عمل کو ممکنہ طور پر مشکوک قرار دیتے ہوئے سیاسی جماعتوں اور ان کے امیدواران کو انتخابی مہم سست روی کا شکارکرنا پڑ رہی ہے۔ سروے کے دوران دیکھنے میں آیا ہے کہ نئی وارڈز بندی کے عمل کو دیکھتے ہوئے سیاسی جماعتوں نے بلدیاتی امیدواروں کی نامزدگیوں کا بھی نئے سرے سے جائز ہ لینا شروع کر دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ:ارزاں نرخوں پر سبزیاں اور پھل فروخت کرنے پر 10کے قریب دکانداروں کو جرمانے
ڈنگہ (محمد بلال احمد بٹ)حکومت پنجاب کی خصوصی ہدایت پر ڈنگہ شہر میں سبزیاں اور پھلوں کے ریٹ کنٹرول کرنے کی خاطر پرائز مجسٹریٹ اورسیکرٹری مارکیٹ ڈنگہ کا بازار میں10کے قریب سبزی اور فروٹ والوں کو گراں فروشی پر بھاری جرمانے کئے۔جس کے خلاف دکانداروں نے احتجاجی جلوس بھی نکالا۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔

ڈنگہ: یوریا کھاد کی قیمتوں میں ریکارڈ اضافہ کر دیا گیا
ڈنگہ(محمد بلال احمد بٹ)یوریا کھاد کی قیمتوں میں ریکارڈ اضافہ کر دیا گیا،یوریا کی بوری 8فیصد اضافے کے بعد1800روپے کے قریب پہنچ گئی۔ جس سے کسانوں میں تشویش کی لہر دوڑ گئی ہے۔

by Majid Khan

Nasir Mehmood - Chief Editor at GeoURDU.com