ڈنگہ کی خبریں 20.03.2013
Posted on March 21, 2013 By Noman Webmaster سٹی نیوز
ممتاز مسلم لیگی راہنما امیدوار براے قومی اسمبلی حلقہ این اے106 کا ڈنگہ اور گردونواح کا طوفانی دورہ
ڈنگہ(محمد بلال احمد بٹ)ممتاز مسلم لیگی راہنما امیدوار براے قومی اسمبلی حلقہ این اے106 کا ڈنگہ اور گردونواح کا طوفانی دورہ،انہوں نے جانی چک میں چوہدری نذیر نمبردار ،چوہدری عمران اکرم،چوہدری عقیل نثار،چوہدری آفتاب پسوال،چوہدری ارشد احمد،چوہدری عابد محمود،چوہدری محمد ارشد،میاں مظہر،چوہدری صابر ،ریاست علی،یونس چیچی،نذیر احمد جٹ،سید ضیاء الحسن اور چوہدری فرمان چیچی کی جانب سے کئے گئے دو الگ الگ اکٹھ میں شرکت کی اور بعد ازاں ڈنگہ میں ممتاز و سیاسی شخصیت چوہدری رستم علی سے بھی خصوصی ملاقات کی،اسی دوران انہوں نے خرم شہزاد کے والد محمد یوسف پیاز والے ،محمد اقبال انصاری کی دادی اور رانا طالب حسین کی بیٹی کی وفات پر تعزیت کی اور فاتحہ خوانی کی ،اس موقع پر ان کے ہمراہ چوہدری آفتاب احمد،چوہدری ساجد محمود،چوہدری صداقت محمود،چوہدری الیاس احمد،ملک اعجاز حسین،حکیم عبدالجبار،سید افضال حسین شاہ،عابد فاروق گوندل سمیت دیگر افراد بھی تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ میں منشیات فروشی کا دھندا عروج پر ،مختلف محلوں اور چند میڈیکل سٹوروں پر نشہ آور ادویات ،گولیاں ،ٹیکے سرعام فروخت ہونے لگے
ڈنگہ(محمد بلال احمد بٹ ) ڈنگہ میں منشیات فروشی کا دھندا عروج پر ،مختلف محلوں اور چند میڈیکل سٹوروں پر نشہ آور ادویات ،گولیاں ،ٹیکے سرعام فروخت ہونے لگے۔ گھروں کے گھر تباہ ہوگئے گذشتہ چند ماہ میں متعدد نشئی افراد کی لاشیں لاوارثوں کی طرح مختلف علاقوں سے برآمد ہوئی۔پولیس اور دیگر انتظامی محکمے لمبی تان کر سوگئے،عوام منشیات فروشوں کے رحم و کرم پرجبکہ عوامی نمائندگان اپنی سیاست چمکانے میں مصروف ۔تفصیلات کے مطابق ڈنگہ میں کچھ عرصہ سے ڈنگہ میں منشیات فروشی کا دھندا عروج پر پہنچ چکا ہے ،دو دن قبل ڈنگہ ایک نشئی کی لاش محلہ حسن پورہ سے برآمد ہوئی جبکہ تقریباً 2 ماہ قبل اسی محلہ سے ایک نشئی کی لاوارث برآمد ہوئی تھی ،جسکے گرد نشہ آور ادویات اور ٹیکے برآمد ہوئے تھے ۔علاوہ ازیں مختلف محلہ جات سے چرس ،افیون اور ہیروئن سمیت ہرقسم کے نشہ جات باآسانی دستیاب ہیں اور محکمہ پولیس ان منشیات کے اڈوں سے بخوبی آگاہ ہونے کے باوجودپراسرار وجوہات کی بناء پر مبینہ طورپر مک مکا کرکے مؤثر کاروائی سے اجتناب کرتی ہے۔جسکی وجہ سے گھروں کے گھر تباہ ہورہے ہیں،ڈنگہ کے چند میڈیکل سٹوروں پر بھی دھڑلے سے نشہ آور ادویات اور ٹیکے فروخت کیے جاتے ہیں۔عوامی نمائندگان اس سنگین مسلئے پر توجہ دینے کی بجائے اپنی سیاست چمکانے میں مصروف ہیں جبکہ محکمہ پولیس جرائم کا خاتمہ کرنے کیلئے اپنا کردار اداء کرنے کی بجائے ارباب اختیار کے ڈیروں پر حاضریاں دینے اور ان کو پروٹوکول سکواڈ دینے میںمشغول ہے۔سماجی حلقوں نے ارباب اختیار سے مطالبہ کیا ہے کہ اس اہم اور سنگین مسئلہ پر فی الفور توجہ دے کر عوام کو تباہی سے بچائیں اور پولیس سمیت دیگر تمام انتظامی محکموں کو پابند کریں کہ وہ سیاسی ڈیروں پر حاضریاں دینے کی بجائے اپنے فرائض منصبی احسن طریقے سے سرانجام دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :شہر بھر میں گلی محلوں اور شاہراؤں پر گندگی کے ڈھیر ڈنگہ کی پہچان ،کئی کئی دن تک صفائی نہ ہونے کی وجہ سے وبائی امراض پھوٹنے کا خدشہ
ڈنگہ(محمد بلال احمد بٹ )شہر بھر میں گلی محلوں اور شاہراؤں پر گندگی کے ڈھیر ڈنگہ کی پہچان ،کئی کئی دن تک صفائی نہ ہونے کی وجہ سے وبائی امراض پھوٹنے کا خدشہ ،بلدیہ ملازمین لمبی تان کر سو گئے ،عوام کو کوئی پرسان حال نہیں بلدیہ کے ارباب اختیار صحت و صفائی کے مسئلہ توجہ دینے کی بجائے سیاسی جلسوں کی زینت بننے لگے۔تفصیلات کے مطابق گذشتہ کئی روز سے محلہ شاہ تکیہ ،محلہ رام باغ ،محلہ کشمیریاں ،ٹالاں والی لوکڑی،محلہ مغلپورہ،محلہ چوہدریاں،محلہ شاہ سوار ،محلہ پسوالاں سمیت ڈنگہ بھر میں گندی کے ڈھروں سے پھیلنے والا تعفن و بدبوسے عوام کی زندگی اجیرن ہوچکی ہے نالیوںسے گندگی نکالنے کے بعد کئی کئی دن کیچڑ کے ڈھیر راہگیروں کی مشکلات میں اضافہ کرتے ہیں جسکی وجہ سے متعد د وبائی امراض کا فی الفور پھیلنے کا شدید اندیشہ لاحق ہے جبکہ عوام کی خون پسینے کی کمائی سے تنخوائیں وصول کرنے والے بلدیہ ڈنگہ کے ارباب اختیار سیاست دانوں کی نازبرداریوں اور خدمتوں میں مشغول ہوکر انکے سیاسی جلسوں میں زینت بننے لگے ۔کئی خاکروب سیاسی آشیرباد کی وجہ سے اعلیٰ سیاسی شخصیات کے ڈیروں اور گھروں کی صفائی تک محدود۔جبکہ جمعرات کے روز عملہ صفائی ڈنگہ بھر کے تمام گھروں اور دوکانوں سے جمعرات کے نام پر ہزاروں روپے وصول کرنا اپنا وطیرہ بنا لیا۔سماجی حلقوں نے DCO گجرات سے اپیل کی ہے کہ اس اہم عوامی مسئلہ پر توجہ دی جائے اور بلدیہ ملازمین کو اپنی فرائض انجام دینے کا پابند کیاجائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پاکستان مسلم لیگ ق حلقہ پی پی 113 کے راہنما چوہدری اخلاق احمد رنیاں ، اپنے وفد کے ہمراہ یونین کونسل مرزا طاہر کا سیاسی دورہ
ڈنگہ(محمد بلال احمد بٹ )پاکستان مسلم لیگ ق حلقہ پی پی 113 کے راہنما چوہدری اخلاق احمد رنیاں ، اپنے وفد کے ہمراہ یونین کونسل مرزا طاہر کا سیاسی دورہ ، تفصیلات کے مطابق چوہدری اخلاق احمد رنیاں نے موضع مرزا طاہر ، نگڑیاں ، لونگو اور برنالی کے باسیوں سے انتخابات کے سلسلہ میں اہم ملاقاتیں کیں اور مسلم لیگ ق کے پلیٹ فارم سے امیدوار صوبائی اسمبلی حلقہ پی پی 113 چوہدری اعجا ز احمد رنیاں کی کامیابی کے لیے مختلف شخصیات سے اہم امور پر تبادلہ خیال اور سیر حاصل گفتگو کی ، جس میں مرزا طاہر نگڑیاں ، لونگو اور برنالی کے عوام نے چوہدری اعجاز احمد رنیاں کا اپنی برادریوں ، دھڑوں سمیت بھر پور اظہارِ اعتماد اور حمائت کا اعلان کیا ، مختلف شخصیات سے ملاقات کے دوران چوہدری اخلاق احمد رنیاں نے اپنے پیغام میں کہا کہ انشاء اللہ تعالیٰ مرزا طاہر یونین کونسل سمیت آپ بھائیوں کی دُعائوں سے کامیابی ہمارا مقدر بنے گی اور راستے میں ہر آنے والی دیوار کو ریت کی طرح بہا دیں گے۔ اُنہوں نے کہا آپ بھائیوں نے جو ہمارے لیے اقدامات کیے ہیں وہ لائقِ تحسین ہیں ، آپ بھائیوں نے مشکل دور میں بھی ہمارا ساتھ نہیں چھوڑا ، انشاء اللہ تعالیٰ رنیاں برادران کے خون میں آپ کو ہمیشہ وفا کی مہک ملے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : میاں افضل حیات اور میاں خالد رفیق اپنے وفد کے ہمراہ موضع پنجن شہانہ میں پی ٹی آئی کے راہنما چوہدری عدنان افضل سے اہم ملاقات
ڈنگہ(محمد بلال احمد بٹ )پاکستان تحریک انصاف حلقہ این اے 106کے امیدوار میاں محمد افضل حیات ، پاکستان تحریک انصاف کے امیدوار صوبائی اسمبلی حلقہ پی پی 113 میاں خالد رفیق اپنے وفد کے ہمراہ موضع پنجن شہانہ میں پی ٹی آئی کے راہنما چوہدری عدنان افضل سے اہم ملاقات اس موقع پر چوہدری صوفی محمد اشرف ، چوہدری غلام احمد نمبردار ، چوہدری ریاست خاں ، چوہدری احسان اللہ ، چوہدری علی رضا اشرف ، چوہدری تنزیل افضل ، چوہدری اسد عباس ، چوہدری طاہر ، صوفی ریاست علی ، چوہدری اقبال ، چوہدری محمد اکبر ، انجم اقبال ، چوہدری محمد جمیل ، چوہدری میاں خاں ، چوہدری شہزاد ، چوہدری فراز ، چوہدری غلام احمد ، چوہدری حاجی محمد اقبال ، چوہدری گل نواز مہر بھی موجود تھے ، میاں افضل حیات ، میاں خالد رفیق نے موضع پنجن شہانہ کے پی ٹی آئی کے راہنما چوہدری عدنان افضل سے اُن کی رہائشگاہ پر انتخابات کے سلسلہ میں اہم امور پر تبادلہ خیال کیا گیا اور چیئرمین پی ٹی آئی عمران خاں کا پیغام پہنچایا ۔ اِس موقع پر چوہدری عدنان افضل نے اپنی برادری ، دھڑے ، کی مشاورت سے میاں افضل حیات ، میاں خالد رفیق سیکریالی بھر پور حمائت کا اعلان کیا اور کہا کہ انشاء اللہ تعالیٰ پنجن شہانہ سے بھر پور کامیابی حاصل کرینگے اور عمران خان کے امیدواروں کو ضلع بھر میں بھر پور کامیابی دِلائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موضع کھوکھرا کے معروف زمیندار ممتاز سماجی و سیاسی شخصیات نے میاں محمد افضل حیات کی بھر پور حمایت کا علان کر دیا
ڈنگہ (محمد بلال احمد بٹ ) موضع کھوکھرا کے معروف زمیندار ممتاز سماجی و سیاسی شخصیت چوہدری ناصر اقبال ، چوہدری نثار احمد نے پاکستان تحریک انصاف حلقہ این اے 106 کے امیدوار میاں محمد افضل حیات، پاکستان تحریک انصاف امیدوار صوبائی اسمبلی حلقہ پی پی 113 میاں خالد رفیق سیکریالی کی بھر پور حمائت کا اعلان کر دِیا ، اِس موقع پر چوہدری غلام رضا ، چوہدری جمشید ، چوہدری بشیر احمد ، چوہدری الیاس ، چوہدری ریاست علی ، چوہدری محسن ، چوہدری ناصر ، چوہدری عمران ، چوہدری رضوان ، چوہدری فض داد ممبر ، چوہدری اکرم ، چوہدری محمد خاں ، چوہدری زمان خاں ، چوہدری ساجد ، چوہدری قمر ، چوہدری زبیر ، چوہدری اشتیاق بھی حمائتی اکٹھ میں موجود تھے ، اِس موقع پر چوہدری ناصر محمود نے کہا کہ انشاء اللہ تعالیٰ اِس الیکشن میں میاں افضل حیات اور میاں خالد رفیق کو بھر پور کامیابی دِلائیں گے اور ہر قسم کا تعاون بر قرار رکھیں گے ، حمائتی اکٹھ سے مہمانِ خصوصی میاں افضل حیات ، میاں خالد رفیق نے کہا کہ انشاء اللہ تعالیٰ آپ بھائیوں نے جو ہمیں اپنی محبتوں سے نوازا ہے ہم آپ کے قرضدار ہیں اور ہمیں آپ پر مکمل اعتماد ہے کہ آپ ہمیں کامیابی دِلائیں گے ، چیئرمین پی ٹی آئی عمران خاں کے پلیٹ فارم سے ضلع بھر سے تمام امیدواران کامیابی حاصل کرینگے اور ملک میں تبدیلی لائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :چوہدری جعفر اقبال اسٹمپ آئوٹ،سید نور الحسن شاہ کا ریویو کامیاب،امپائر کا فیصلہ تبدیل
ڈنگہ(محمد بلال احمد بٹ)چوہدری جعفر اقبال اسٹمپ آئوٹ،سید نور الحسن شاہ کا ریویو کامیاب،امپائر کا فیصلہ تبدیل،گذشتہ روز مسلم لیگ ن کی طرف سے این اے 106کا ٹکٹ چوہدری جعفر اقبال کو جاری کیا گیا جس پر انہوں نے ڈنگہ میں پرہجوم پریس کانفرنس کے بعد کیا تھا لیکن گذشتہ روز اچانک بانی مسلم لیگ ن میاں نواز شریف کی عدم موجودگی میں مسلم لیگ ن کے پارلیمانی بورڈ کا اجلاس طلب کیا گیا جس کی صدارت سردار ذوالفقار کھوسہ نے کی جس میں این اے106کا ٹکٹ کا فیصلہ سید نور الحسن شاہ کے حق میں کر دیا گیا حلقہ بھر کے سیاسی شائقین کے ملے جلے ردعمل کا اظہار کیا کہ چوہدری جعفر اقبال کو ٹکٹ نہ دے کر قیادت نے وفائوں کا صلہ نہیں دیا جبکہ کچھ سیاست سے دلچسپی رکھنے والے لوگوں کا یہ بھی کہنا ہے کہ سید نو رالحسن شاہ کو ٹکٹ دے کر قیادت عوام کے اعتماد پر پورا اتری ہے حلقہ این اے106کی ہر گلی محلہ اور چوراہوں میں بحث کا سلسلہ جاری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : رئیس اعظم حاصلانوالہ چوہدری میاں صفدر ذیلدار کی سالانہ برسی کا ختم26مارچ بروز منگل کو آبائی گائوں میں پڑھا جائے گا
ڈنگہ(محمدبلال احمد بٹ)رئیس آف حاصلانوالہ چوہدری جابر ذیلدار کے والد رئیس اعظم چوہدری میاں صفدر ذیلدار کی سالانہ برسی کا ختم26مارچ بروز منگل کو آبائی گائوں میں پڑھا جائے گا،بڑی تعداد میں معززین علاقہ و صحافی برادری شرکت کرے گی،برسی کے سلسلہ میں تمام انتظامات مکمل کر لئے گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : حلقہ این اے106سے سید نور الحسن شاہ کو ٹکٹ دیا جانا ایک بہتر فیصلہ ہے،چوہدری آفتاب احمد سابق کونسلر
ڈنگہ(محمد بلال احمد بٹ)سابق کوارڈی نیٹر بلدیہ ڈنگہ،سابق کونسلر چوہدری آفتاب احمد نے کہا ہے کہ ن لیگ کی قیادت کی جانب سے ٹکٹوںکی تقسیم کے فیصلے کو تسلیم کرتے ہیں جو فیصلہ کیا زمینی حقائق کو مدنظر رکھ کر ہی کیا ہو گا،انہوں نے کہا کہ حلقہ این اے106سے سید نور الحسن شاہ کو ٹکٹ دیا جاتا ایک بہتر فیصلہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حکومت کے خاتمے کے ساتھ ہی ترقیاتی منصوبے ٹھپ ہو گئے
ڈنگہ(محمد بلال احمد بٹ)حکومت کے خاتمے کے ساتھ ہی ترقیاتی منصوبے ٹھپ ہو گئے،ترقیاتی زیر تعمیر منصوبوں نے دن رات ایک کر کے مکمل کرنے کی کوششیں جاری رکھیں،حکومت نے آخری ایام میں قومی و صوبائی اسمبلیوں کے ممبران کو ترقیاتی فنڈز فراہم کر کے ناراض دھڑوں کو راضی کرنے کا موقع بھی ضائع نہیں کیا متعدد منصوبے نامکمل رہے گلیوں نالیوں سمیت گیس پائپ لائن کا کام بھی ٹھپ ہونے کا خدشہ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: اتحادی حکمرانوں نے پانچ سالوں میں قوم کو65سال پیچھے دھکیل دیا ہے،سیٹھ منیر احمد
ڈنگہ(محمدبلال احمد بٹ)ممتاز مسلم لیگی راہنما صدر اتحاد گروپ ڈنگہ سیٹھ منیر احمد نے کہا ہے کہ اتحادی حکمرانوں نے پانچ سالوں میں قوم کو65سال پیچھے دھکیل دیا ہے اور ملک کو ناقابل تلافی نقصان پہنچایا ہے عام انتخابات میں عوام کرپٹ ٹولے کو مسترد کر کے نواز شریف کے ہاتھ مضبوط کریں تاکہ ملک ترقی کی راہ پر گامزن ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری اعجاز احمد رنیاں کی زندگی عوامی خدمت سے عبارت ہے،میاں عابد حسین
ڈنگہ(محمد بلال احمد بٹ)میانہ چک کی سماجی و سیاسی نوجوان شخصیت میاں عابد حسین نے کہا ہے کہ چوہدری اعجاز احمد رنیاں کی زندگی عوامی خدمت سے عبارت ہے،انہوں نے دن رات انتھک محنت کر کے حلقہ پی پی113کے مظلوم عوام کی خدمت کی انہوں نے کہا ہے کہ اقتدار کے بغیر بھی انہوں نے عوامی خدمت کر کے ثابت کر دیا ہے کہ سیاست کا مقصد صرف مخلوق خدا کی بے لوث خدمت کرنا ہے،ویر مکائو مہم سے علاقہ میں امن و امان کی صورتحال میں بہتری ہے قتل و غارت کا خاتمہ ہوا مستقبل میں عوام انہیں ایم پی اے دیکھنا چاہتے ہیں،اور ان کی کامیابی کے لئے دن رات کوشاں ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مسلم لیگ ن کا کوئی بھی امیدوار چوہدری اعجاز احمد رنیاں کامقابلہ نہیں کر سکتا،چوہدری یعقوب ڈھانڈا
ڈنگہ(محمد بلال احمد بٹ)نور جمال کے ممتاز سیاسی وسماجی شخصیت چوہدری یعقوب ڈھانڈا نے اپنے ایک بیان میں کہا ہے کہ مسلم لیگ ن کا کوئی بھی امیدوار چوہدری اعجاز احمد رنیاں کامقابلہ نہیں کر سکتا وہ حقیقی عوامی نمائندہ ہیں اور عوام ان سے بے پناہ محبت کرتے ہیں،انہوں نے کہا کہ چوہدری اعجاز احمد رنیاں نے ویر مکائو مہم سے علاقہ کو امن کا گہوارہ بنا دیا ہے عوام انہیں بھاری اکثریت سے کامیا ب کروائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : حلقہ پی پی113کا بہتر مستقبل رنیاں برادران کے ہاتھوں میں ہے،چوہدری جلال نمبردار
ڈنگہ(محمد بلال احمد بٹ)ممتاز سیاسی و کاروباری شخصیت چوہدری جلال نمبردار نے کہا ہے کہ حلقہ پی پی113کا بہتر مستقبل رنیاں برادران کے ہاتھوں میں ہے،وہ اقتدار کے بغری بھی دن رات حلقہ پی پی113کے مظلوم عوام کی خدمت کر رہے ہیں،انہوں نے کہا ہے کہ جس طرح وہ حلقہ کے عوام کی خدمت کر رہے ہیں حلقہ کے عوام کو بھی چاہیے کہ ان کے شانہ بشانہ چل کر انہیں کامیابیوں و کامرانیوں سے ہمکنارکرائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :این اے106سے آزاد امیدوار چوہدری نصر اقبال24مارچ کو ڈنگہ میں طاقت کا مظاہرہ کریں گے
ڈنگہ(محمدبلال احمد بٹ)این اے106سے آزاد امیدوار چوہدری نصر اقبال24مارچ کو ڈنگہ میں طاقت کا مظاہرہ کریں گے، ڈنگہ میں ہزاروں افراد کو اکٹھا کر کے ثابت کر دیں گے،کہ حلقہ این اے106سے ہمارے چاہنے والوں کا حلقہ ہے،عوامی رابطہ آفس ڈنگہ کی افتتاحی تقریب عوامی ریفرنڈم ثابت ہو گا،تمام انتظامات مکمل کر لئے گئے ہیں۔
