ڈنگہ کی خبریں 1.09.2013
Posted on September 2, 2013 By Geo Urdu سٹی نیوز
ڈنگہ: ریلوے کمانے لگا،ایک ماہ بیس دن میں 2ارب بیس کروڑ آمدن
ڈنگہ(محمد بلال احمد بٹ)ریلوے کمانے لگا،ایک ماہ بیس بیس دن میں 2ارب بیس کروڑ آمدن، عید پر کرایوں میں کمی سے آمدنی بڑھی جبکہ بغیر ٹکٹ مسافروں کو اٹھارہ لاکھ روپے جرمانہ ہوا،تفصیلات کے مطابق پاکستان ریلوے نے یکم جولائی سے بیس اگست2013ء تک 2ارب 92 کروڑ روپے کما لئے، یہ آمدن پچھلے سال کے مقابلے میں 670 ملین زائد اور بجٹ سے 249 ملین روپے زیادہ ہے، اس عرصے میں مسافروں کی سہولت کے لیے عید اوراس سے اگلے دن پچاس فیصد ریلوے کرایوں میں کمی کی گئی جبکہ لاہور اور راولپنڈی کے درمیان چلنے والی ریل کاروں میں خصوصی رمضان پیکج بھی متعارف کرایا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کے نواحی گائوں چکوڑہ میں نامعلوم افراد نے ایک شخص کو تشدد کر کے ہلاک کر دیا
ڈنگہ (محمد بلال احمد بٹ) ڈنگہ کے نواحی گائوں چکوڑہ میں نامعلوم افراد نے ایک شخص کو تشدد کر کے ہلاک کر دیا۔ تشدد زدہ لاش قریبی کھیتوں سے برآمد، پولیس ڈنگہ نے نعش قبضہ میں لے کر پوسٹ مارٹم کے بعد ورثاء کے حوالے کر دی۔ نامعلوم قاتلوں کی تلاش شروع، تفصیلات کے مطابق ڈنگہ کے نواحی گائوں چکوڑہ کا رہائشی محمد افضل ولد نذیر احمد گزشتہ شام ایک ضروری کام سے اپنے گھر سے نکلا لیکن رات گئے تک اس کی واپسی نہ ہوئی تو ورثاء نے تلاش شروع کی۔ جس کے بعد قریبی کھیتوں سے اس کی لاش برآمد ہوئی ،جسے ڈنڈوں سوٹوں کے وار کر کے ہلاک کیا گیا تھا اور نامعلوم قاتل اس کی تشدد زدہ لاش کھیتوں میں پھینکنے کے بعد فرار ہو گئے۔ پولیس تھانہ ڈنگہ نے نعش قبضہ میں لے کر پوسٹ مارٹم اور دیگر قانونی کاروائی کے بعد ورثاء کے حوالے کر دی۔ تاحال ملزمان کا سراغ نہیں مل سکا۔ پولیس مصروف تفتیش ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :37سالہ نوجوان کی نعش چک محمود سیم نالہ کے قریب سے برآمد
ڈنگہ (محمد بلال احمد بٹ)37سالہ نوجوان کی نعش چک محمود سیم نالہ کے قریب سے برآمد، مبینہ طور پرجسم پر تشدد کے نشانات، تفصیلات کے مطابق موضع چک محمود سیم نالہ کے قریب 37سالہ نوجوان کی نعش برآمد ہوئی ہے جسے افضل ولد نذیراحمد ساکن چکوڑا کے نام سے شناخت کیا گیا ہے مبینہ طور پر اس کے جسم پر تشدد کے نشانات بھی پائے گئے ہیں پولیس تھانہ ڈنگہ نے نعش کوقبضہ میں لے کر ضروری کاروائی کے بعد اسے لواحقین کے سپر دکر دیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :50سالہ مستری کام کے دوران چھت سے گرکر جاں بحق
ڈنگہ (محمد بلال احمد بٹ)50سالہ مستری کام کے دوران چھت سے گرکر جاں بحق ،بتایا گیا ہے کہ محلہ لوکڑی ٹالاں والی ڈنگہ کا رہائشی 50سالہ مستری محمد صدیق ایک مقامی رائس ملز کے گودام کی چھت پر کام کر رہا تھا کہ اچانک سلیب ٹوٹ گئی جس سے وہ نیچے گر گیا شدید چوٹوں کے باعث وہ شدید زخمی ہو گیا اسے فوری طور پر ہسپتال شفٹ کیا گیا تاہم وہ زخموں کی تاب نہ لاتے ہوئے جاں بحق ہو گیا نماز جنازہ کے بعد متوفی کو سپردخاک کر دیا گیا سینکڑوں افراد نے بھر پور شرکت کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ڈی ایس پی کھاریاں عبدالقیوم گوندل کا شمار محکمہ پولیس کے انتہائی قابل اور اعلیٰ تعلیم یافتہ پولیس افسران میں ہوتا ہے، چوہدری اخلاق رنیاں
ڈنگہ (محمد بلال احمد بٹ)پاکستان مسلم ق کے رہنما سابق ناظم کرنانہ چوہدری اخلاق احمد رنیاں نے اپنے ایک بیان میں کہا ہے کہ ڈی ایس پی کھاریاں عبدالقیوم گوندل کا شمار محکمہ پولیس کے انتہائی قابل اور اعلیٰ تعلیم یافتہ پولیس افسران میں ہوتا ہے اپنی تعیناتی کے دوران جہاں پر بھی انہوں نے فرائض سرانجام دیئے پوری ایمانداری اور فرض شناسی سے اداء کئے۔ تحصیل کھاریاں کے ڈی ایس پی کے طور پر ان کی تعیناتی ایک خوش آئند امر ہے اور تحصیل کھاریاں کے عوام کی یہ خوش قسمتی ہے کہ انہیں ایک قابل اور محنتی پولیس آفیسر میسر آیا، جو ہمیشہ سیاسی دباؤ کو بالائے طاق رکھ کر میرٹ پر انصاف فراہم کرنے کی شہرت رکھتے ہیں ہم امید کرتے ہیں کہ وہ اپنی سابقہ روایات کے مطابق تحصیل کھاریاں میں بھی جرائم کے خاتمے اور عوام کو ریلیف فراہم کرنے کیلئے اپنا بھرپور کردار کریں گے اور روائتی تھانہ کلچرل کا خاتمہ کرکے پولیس اور عوام کے درمیان پیدا شدہ دوریوں کے خاتمے کیلئے بنیادی اقدامات کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پاکستان مسلم لیگ ن کی حکومت تین ماہ سے پہلے ہی ناکام ہو چکی ہے،چوہدری اعجاز رنیاں
ڈنگہ (محمد بلال احمد بٹ )پاکستان مسلم لیگ ن کی حکومت تین ماہ سے پہلے ہی ناکام ہو چکی ہے۔عوام کو لوڈشیڈنگ، مہنگائی، کرپشن اور بے روزگاری کی طرف گامزن کیا جا رہا ہے ان خیالات کا اظہار مسلم لیگ ق کے رہنما سابق امیدوار برائے صوبائی اسمبلی چوہدری اعجاز احمد رنیاں نے میڈیا کے سامنے کیا انہوں نے مزید کہا کہ اپنے اقتدار کے تین ماہ بعد ہی آئی ایم ایف سے بھاری خوراک ملنے کے بعد شیر نے اس بات کا پختہ اردہ کر لیا ہے کہ تازہ دم ہو کر عوام پر ایک دفعہ جھپٹا مارنا ہے عوام جو کہ پہلے ہی زخم خوردہ ہو چکے ہیں ن لیگ کے شیر کے نئے حملوں کا سن کر خوف کے مارے لرز رہے ہیں۔ آٹاپچاس روپے کلو تک پہنچ چکا ہے اور آنے والے وقت میں عوام بھوکی مر ے گی ۔بجلی ،گیس اور پٹرولیم مصنوعات کی قیمتوں میں دن بدن اضافہ نے ثابت کر دیا ہے کہ موجودہ حکومت انسان دوست نہیں بلکہ انسان دشمن ہے ۔ٹوٹا ہوا کشکول بارہ ارب ڈالر کی خوراک کی خاطر آئی ایم ایف کے آگے پھیلادیا ۔شیر حکمرانوں کا طرز عمل اس بات کی گواہی بنتا جا رہا ہے کہ انہوں نے قوم کو دھوکے میں رکھتے ہوئے انتخابات میں جھوٹے وعدے کئے اور ایسے کام کئے جا رہے ہیں جو کہ عوام کے ساتھ سرا سر زیادتی ،ناانصافی اور نوسر بازی ہے انہوں نے کہا کہ جن لوگوں نے ن لیگ کو ووٹ دیا ہے وہی لوگ اب ان کو سر عام گالیاں دے رہے ہیں کیونکہ انتخابات سے پہلے انتخابی مہم کے دوران عوام سے کئے گئے وعدے پورے کرنے کی بجائے عوام کو سبز باغ دکھائے جا رہے ہیں، انہوں نے مزید کہا سرکس کے شیر نے لیگی شیر کو بھوک سے نڈھال کر دیا ہے ۔آنے والا وقت اس بات کی گواہی دے رہا ہے کہ ظالم اور انسان دشمن حکمرانوں کا یوم حساب بہت نزدیک آ چکا ہے ۔اللہ رب العزت کی لاٹھی بے آواز ہے جب حکمرانوں پر برسے گی تو ان کو ادھ مویا کر دے گی ۔بد ترین لوڈشیڈنگ نے عوام کا تمام کاروبار زندگی مفلوج کر دیا ہے جبکہ لوگ کاروبار نہ ہونے کی وجہ سے چوریوں ،ڈکیتیوں ،معاشرتی جرائم اور خودکشیوں کی جانب راغب ہو رہے ہیں۔ پاکستان مسلم لیگ ق نے اپنے دور میں عوام کی فلاح و بہبود اور تعمیر و ترقی کیلئے جو سنہری اقدامات کئے ان کی مثال گذشتہ 67 سالوں میں نہ ملتی ہے اور نہ ہی آئندہ کوئی حکومت ایسی مثال قائم کرسکتی ہے (کوریج دیں)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :صحافیوں کے وفد کی DSPکھاریاں عبدالقیوم گوندل سے خصوصی ملاقات
ڈنگہ (محمد بلال احمد بٹ )صحافیوں کے وفد کی DSPکھاریاں عبدالقیوم گوندل سے خصوصی ملاقات، ڈنگہ میں جرائم کے حوالے سے تفصیلی تبادلہ خیال کیا گیا۔ ڈی ایس پی کھاریاں نے معاشرے میں جرائم کے خاتمے کے حوالے سے میڈیا کی کاوشوں اور خدمات کو سراہا۔ ڈاکٹر غلام مصطفی آذر، نوید شہزاد مغل، میاں ایوب خاور سیفی اور دیگرصحافیوں کے ہمراہ ڈی ایس پی کھاریاں سے ہونے والی اس اہم ملاقات میں پولیس انتظامیہ کے حوالے سے ہونے والی مثبت تبدیلیوں کو سراہا گیا۔ صحافیوں کے وفد نے اس امر کو خوش آئند قرار دیا کہ تحصیل کھاریاں کو عبدالقیوم گوندل جیسے اعلیٰ تعلیم یافتہ ، قابل اور تجربہ کار پولیس افسر کی خدمات حاصل ہیں۔ ڈی ایس پی کھاریاں نے اپنی تعیناتی کے فوراً بعد پولیس کے روایتی کلچر کو تبدیل کرنے کے لیے بنیادی اور ٹھوس اقدامات اٹھائے جو قابلِ تحسین ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :محلہ گڑھی والا ڈنگہ میں رہائش شیخ ارشد اور شیخ ہمایوں کے بہنوئی شیخ طاہر آف دینہ کی گاڑی ڈنگہ میں گھر کے سامنے سے غائب
ڈنگہ (محمد بلال احمد بٹ ) محلہ گڑھی والا ڈنگہ میں رہائش شیخ ارشد اور شیخ ہمایوں کے بہنوئی شیخ طاہر آف دینہ ڈنگہ میں انہیں ملنے آئے اور رات کو اپنا سفید رنگ کا کیری ڈبہ نمبر RIV-5087 گھر کے باہر کھڑا کر دیا۔ رات تقریباً 1 بجے نامعلوم چور گھر کے باہر کھڑا کیری ڈبہ چرا کر لے گئے۔ تاحال چوروں یا کیری ڈبہ کے بارے میں معلوم نہیں ہو سکا ۔ شہر کے عین وسط میں واقع چوری کی اس واردات پر علاقہ میں تشویش کی لہر دوڑ گئی۔
