کراچی (اصل میڈیا ڈیسک) انٹربینک میں ڈالر کی قدر 5 پیسے گر گئی جب کہ مقامی صرافہ مارکیٹوں میں سونے کی فی تولہ اور دس گرام قیمت میں 150 روپے اور 128 روپے کا اضافہ ہو گیا۔
کاروباری ہفتے کے دوسرے روز انٹربینک میں ڈالر 5 پیسے سستا ہونے کے بعد 155 روپے سے کم ہوکر 154 روپے 95 روپے پر بند ہوا، دوسری جانب عالمی بلین مارکیٹ میں سونے کی فی اونس قیمت میں 3 ڈالر کا اضافہ ہوا اور عالمی مارکیٹ میں سونے کی فی اونس قیمت 1479 ڈالر تک پہنچ گئی جسے بعد ملکی صرافہ مارکیٹوں میں بھی سونے کی فی تولہ اور دس گرام قیمت میں بالترتیب 150 روپے اور 128 روپے کا اضافہ ہوگیا۔
قیمتوں میں اضافے کے نتیجے میں کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت اضافے کے بعد 85 ہزار روپے اور اور دس گرام سونے کی قیمت بڑھ کر 72 ہزار874 روپے ہوگئی۔ تاہم اس کے برعکس فی تولہ چاندی کی قیمت بغیر کسی تبدیلی کے 980 پر مستحکم رہی اور دس گرام چاندی کی قیمت بھی کسی تبدیلی کے بغیر 840 روپے20 پیسے پر برقرار ہے۔
ایم پی اے نوید انتھونی و دیگر نے انہیں بلدیاتی مسائل کے حوالے سے آگاہی فراہم کی
بلدیہ شرقی میں اہک اور پارک بہتری کی جانب گامزن
