نومنتخب حکومت نے اگر مشرف اور زرداری کی پالیسیوں کوجاری رکھا تو اگلے الیکشن میں وہ عوام کی نفرت کاشکار بن سکتی ہیں ،روحیل اکبر چوہدری
Posted on May 27, 2013 By Noman Webmaster سٹی نیوز
تحریکِ تحفظ پاکستان کے مرکزی رہنماء روحیل اکبر چوہدری نے کہا ہے کہ نومنتخب حکومت نے اگرمشرف اور زرداری کی پالیسیوں کوجاری رکھا تو اگلے الیکشن میں وہ عوام کی نفرت کاشکار بن سکتی ہیں سابق حکمرانوں نے ناقص پالیسیوں کی بدولت ملکی معیشت کا بیڑہ غرق کرکے رکھ دیا ہے یہی وجہ ہے کہ آج ملک میں نہ بجلی ہے نہ گیس ہے اور نہ ہی غریب آدمی کے لیے کوئی روزگار ہے۔
جبکہ پیپلز پارٹی نے5سال مفاہمت کے نام پر لوٹ مار کا بازار گرم کیے رکھااورقومی خزانے کو دونوں ہاتھوں سے لوٹا جاتا رہا۔سپریم کورٹ کے فیصلوں کا مذاق اڑیا جاتا رہا اپنے ایک بیان میں انہوں نے کہاکہ نئی حکومت عوام کو لوڈشیڈنگ کے عذاب سے نجات دلائے اور عوام کو اس عذاب سے گذارنے والوں کا کڑا احتساب کیا جائے۔
تاکہ ملک دشمن اور عوام دوست حکمرانوں کا سب کو معلوم ہو سکے اگر آنے والی مسلم لیگ ن کی حکومت نے بھی اپنے وعدوں پر عمل اور سابق کرپٹ حکمرانوں کا احتساب نہ کیا تو ان کی بھی ہمدردیاں مشکوک سمجھی جائیں گی اب تو مہنگائی آسمان سے باتیں کررہی ہے غریب عوام کو کسی قسم کا ریلیف میسر نہیں اورقوم سے کیے گئے وعدے بلا تاخیرپورے ہونے چاہئیں۔
