تلہ گنگ کی خبریں 1.10.2013
Posted on October 2, 2013 By Geo Urdu سٹی نیوز
پنجاب حکومت اور عوام مشکل کی گھڑی میں بلوچی بھائیوں کے ساتھ ہیں۔ پنجاب نے ہمیشہ بڑے بھائی کی حیثیت سے اپنا کردار ادا کیا ہے
تلہ گنگ (تحصیل رپورٹر) صوبائی وزیر ہاؤسنگ تعمیرات و مواصلات ملک تنویر اسلم اعوان نے کہا ہے کہ پنجاب حکومت اور عوام مشکل کی گھڑی میں بلوچی بھائیوں کے ساتھ ہیں۔ پنجاب نے ہمیشہ بڑے بھائی کی حیثیت سے اپنا کردار ادا کیا ہے اور آئندہ بھی ادا کرتا رہے گا عوام دکھ کی اس گھڑی میں بلوچی بھائیوں کے لئے زیادہ سے زیادہ اشیاء ضروریہ اورعطیاب جمع کریں ان خیالات کا اظہار انہوں نے مختلف علاقوں سے آئے ہوئے مسلم لیگ (ن) کے صدور، سیکرٹریز اور دیگر عہدیداران سے گفتگو کرتے ہوئے کیا انہوں نے کہا کہ وزیراعلی شہباز شریف نے اپنے بلوچی بھائیوں کے ساتھ اظہار ہمدردی اور اپنا فرض ادا کرتے ہوئے ضروریات زندگی کے دوسو ٹرک آواران اور دیگر متاثرہ علاقوں میں بھجوا دیئے ہیں صوبائی وزیر نے (ن) لیگ کی مقامی قیادت کو ہدایت کی کہ وہ بھی اپنے طور پر زلزلہ زدگان کی امداد کے لئے اشیاء ضروریہ اور عطیاب جمع کریں اور مقامی حکومتی عہدیداران جن کو یہ سامان بھجوانے کے لئے ڈیوٹیاں سونپی گئی ہیں ان کے حوالے کریں انہوں نے کہا کہ یہ اللہ تعالی کی طرف سے ایک امتحان ہے اور ہم سب کو صبر و تحمل سے اسے برداشت کرنا ہوگااور ایک دوسرے کے ساتھ کاندھے سے کاندھا ملا کر چلنا ہو گا انہوں نے کہا کہ پنجاب کے غیور عوام نے ہمیشہ مشکل کی گھڑیوں میں دیگر صوبوں کے لئے اپنا مثبت کردار ادا کیا ہے اور وہ یہ فرض آئندہ بھی ادا کرتا رہے گا مشکل کی اس گھڑی میں متاثرین کو تنہا نہیں چھوڑیں گے انہوں نے کہا کہ وفاقی اور صوبائی حکومتیں متاثرین کی بحالی اور ان کے نقصانات کے ازالے کے لئے ہرممکن امداد اور تعاون فراہم کررہی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بائی پاس روڈ تلہ گنگ پر نئی غلہ منڈی کی تعمیر کا سنگ بنیاد رکھ دیا گیا
تلہ گنگ (تحصیل رپورٹر) بائی پاس روڈ تلہ گنگ پر نئی غلہ منڈی کی تعمیر کا سنگ بنیاد رکھ دیا گیا۔ اٹھارہ ماہ میں مکمل ہونے والی نئی غلہ منڈی میں 250 کے قریب دکانیں تعمیر کی جائیں گی۔ تفصیلات کے مطابق بائی پاس روڈ تلہ گنگ پر نئی غلہ منڈی کی تعمیر کاسنگ بنیاد گزشتہ روز رکھ دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ ایس ایچ او زراعت بلوچ کا تبادلہ تھانہ صدر سے تھانہ کلر کہار کر دیا گیا ہے
تلہ گنگ (تحصیل رپورٹر) تلہ گنگ ایس ایچ او زراعت بلوچ کا تبادلہ تھانہ صدر سے تھانہ کلر کہار کر دیا گیا ہے اور ان کی جگہ عارضی طور سب انسپکٹر سجاد کو چارج دیا گیا۔ واضح رہے کہ زراعت بلوچ نے تھانہ صدر میں تعیناتی کے دوران اشتہا ری، منشیات فروش اور دیگر جرائم پیشہ افراد کو گرفتار کیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
احمد نیئر، ٹی او آئی اینڈ ایس ملک شیر محمد سب انجینئر ٹی ایم اے تلہ گنگ فیصل منصور اعوان کے ہمراہ بھلومار کا دورہ کیا
تلہ گنگ (تحصیل رپورٹر) اسسٹنٹ کمشنر تنویر الرحمن نے گزشتہ روز ٹی ایم او خلیل احمد نیئر، ٹی او آئی اینڈ ایس ملک شیر محمد سب انجینئر ٹی ایم اے تلہ گنگ فیصل منصور اعوان کے ہمراہ بھلومار کا دورہ کیا اور دفتر یونین کونسل بھلومار میں منعقدہ عوامی اجتماع میں شہریوں کو درپیش مسائل معلوم کئے۔ اس موقع پر واٹر سپلائی سکیم
چلانے کی ذمہ دارمقامی شہریوں پر مشتمل یورز کمیٹی کے چیئرمین بابو نذر حسین بھٹی نے بتایا کہ پانی کے بلوں کی وصولی میں مشکلات درپیش ہیں جس پر اسسٹنٹ کمشنر نے کہا یوزر کمیٹی کو اس سلسلہ میں قانونی کارروائی کرنے کا اختیار حاصل ہے۔ اس موقع پر اے سی تلہ گنگ نے دفتر یوسی بھلومار میں ایروکیریا کا یادگاری پودا بھی لگایا۔
