گورنر پنجاب چوہدری سرور کا کہنا ہے کہ موجودہ حکومت پاکستان میں قیام امن اور دہشتگردی کے خاتمے میں مخلص ہے آل پارٹیز کانفرنس اس کا واضح ثبوت ہے۔
برمنگھم میں مسلم لیگ ن کے جنرل سیکریٹری راجہ جاوید کی جانب سے دئیے گئے عشائیے سے خطاب کے دوران ان کا مزید کہنا تھا کہ سمندر پار پاکستانی ملکی تعمیر و ترقی میں ریڑھ کی ہڈی کی حیثیت رکھتے ہیں۔ پاکستانی عوام ایمانداری کے جذبے سے سرشار ہیں۔ مگر تھانہ کلچر پٹواری سسٹم اور افسر شاہی نے ملکی جڑیں تباہ کررکھی ہیں۔
جاگیر دارانہ نظام کے خاتمے کیئے حکومت موثر اقدامات اٹھارہی ہے۔ سمندر پار پاکستانیوں کے مسائل کے حل کیلئے حکومت سنجید ہے۔ تقریب سے برمنگھم میں پاکستانی قونصل جنرل شیر بہادر خان، برطانوی رکن پارلیمنٹ خلیل محمود مسلم لیگ کے جنرل سیکریٹری راجہ جاوید سمیت دیگر مقررین نے بھی خطاب کیا۔