گجرات کی خبریں 09.04.2013

Posted on April 10, 2013 By Tahir Webmaster گجرات

جامع مسجد صرافہ میں عظیم الشان علی شیر خدا کانفرنس منعقد ہوئی
گجرات (جی پی آئی) جامع مسجد صرافہ میں عظیم الشان علی شیر خدا کانفرنس زیر صدارت صاحبزادہ پیر سید سعید احمد شاہ گجراتی ممبر اسلامی نظریاتی کونسل حکومت پاکستان منعقد ہوئی ، جس کے مہمان خصوصی صاحبزادہ پیر سید زاہد حسین شاہ ترمذی سجادہ نشین آستانہ عالیہ ڈھینڈہ شریف تھے ، اس موقع پر خطیب العصر مفتی محمد انصر القادری خطیب اعظیم یورپ نے خصوصی خطاب کیا اور حضرت علی شیر خدا کی فضلیت پر تفصیل سے روشنی ڈالی اور حدیث کی روشنی میں حضرت علی شیر خدا کے بارے میں بتایا ، اس محفل کے میزبان گدی نشین آستانہ عالیہ چڑیاولہ شریف حافظ محمد ایوب صراف تھے مہمانانِ گرامی میں پیر سید جماعت علی شاہ ، پیر سید حسن شاہ ، پیر سید نذر حسین شاہ ، صدر پنجاب نعت کونسل شیخ عرفان پرویز ، رانا مشرف علی ناز ، عامر چوہدری ، ڈاکٹر رزاق احمد غفاری ، حافظ جنید ایوب ، حافظ وقاص ، حافظ بلال ، و دیگر موجود تھے ، تلاوت کلام پاک کا شرف پیر سید نذر حسین شاہ نے حاصل کیا ، جبکہ نعت رسول مقبول صلی اللہ علیہ وسلم ممتاز نعت خوانوں نے پیش کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سٹینڈنگ کمیٹی گجرات چیمبر آف کامرس اینڈ انڈسٹری برائے پولیس کے ضلعی چیئرمین سفران ناظر کی سربراہی میں ایک وفد نے ڈی پی او گجرات ڈار علی خٹک سے ان کے دفتر میںملاقات کی
گجرات (جی پی آئی) سٹینڈنگ کمیٹی گجرات چیمبر آف کامرس اینڈ انڈسٹری برائے پولیس کے ضلعی چیئرمین سفران ناظر کی سربراہی میں ایک وفد نے ڈی پی او گجرات ڈار علی خٹک سے ان کے دفتر میںملاقات کی اور ان سے تیسری سالانہ صنعتی نمائش کے انعقاد کے حوالہ سے تبادلہ خیال کیا ، اور سیکورٹی انتظامات کو ختمی شکل دی ، ڈی پی او گجرات نے بتایا کہ ڈی ایس پی سٹی کی سربراہی میں پولیس کی بھاری نفری تعینات کر دی گئی ہے ، جو کہ مختلف شفٹوں میں اپنے فرائض سرانجام دے گی ، تاکہ کوئی ناخوشگوار واقعہ پیش نہ آئے ، ڈی پی او گجرات نے کہا کہ صنعت کاروں کو مکمل سیکورٹی کے انتظامات فراہم کیے جائینگے ، اس نمائش کو کامیاب بنایا جائیگا ، چیئرمین سٹینڈنگ کمیٹی گجرا ت چیمبر آف کامرس برائے پولیس سفران ناظر نے نمائش کے انتظامات پر تفصیل سے روشنی ڈالی اور بتایا کہ لاکھوں افراد ہر سال نمائش میں شرکت کرتے ہیں ، اس لیے ہمیں ٹائیٹ سیکورٹی ضرورت ہے ، وفد میں چیئرمین ڈسٹرکٹ گورنمنٹ سٹینڈنگ کمیٹی چیمبر آف کامرس اینڈ انڈسٹری میاں اکمل حسین ، تحصیل سٹینڈنگ کمیٹی برائے پولیس رضوان علی شاہ ، ممبر پاکستان فیڈریشن آف چیمبر آف کامرس انڈسٹری مرزا عثمان بیگ ، چوہدری محمد شہباز ، چیئرمین سٹی پولیس سٹینڈنگ کمیٹی ڈاکٹر رزاق احمد غفاری موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں نئے ڈی پی او ڈار علی خٹک نے اپنے عہدے کا چار ج سنبھال کر کام شروع کر دیا ہے
گجرات (جی پی آئی) گجرات میں نئے ڈی پی او ڈار علی خٹک نے اپنے عہدے کا چار ج سنبھال کر کام شروع کر دیا ہے ، پہلے دن مختلف وفود نے ان سے ملاقاتیں کیں اور عوامی مسائل کے حوالہ سے تبادلہ خیال کیا ، ڈی پی او گجرات نے کہا کہ ہم عوام کی خدمت کیلئے بھرپور طریقہ سے کام کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات چیمبر آف کامرس اینڈ انڈسٹری کے وفد کی ڈی سی او گجرات سے ملاقات
گجرات (جی پی آئی) گجرات چیمبر آف کامرس اینڈ انڈسٹری کے وفد نے سفران ناظر چیئرمین ڈسٹرکٹ پولیس کمیٹی اور میاں اکمل حسین ، چیئرمین ڈسٹرکٹ گورنمنٹ کمیٹی کی سربراہی میں نئے تعینات ہونے والے ڈی سی او آصف لودھی سے ان کے دفتر میں ملاقات کی ، ملاقات کے دوران اہم امور پر تبادلہ خیال کیا گیا ، وفد نے ڈی سی او گجرات کو صنعتی نمائش کے حوالہ سے دعوت نامہ پیش کیا اور انتظامات کے حوالہ سے تبادلہ خیال کیا ، ڈی سی او گجرات نے وعدہ کیا کہ وہ افتتاحی تقریب میں شرکت کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او گجرت آصف لودھی کی اسسٹنٹ کمشنرز و دیگر افسران سے میٹنگ
گجرات (جی پی آئی) نئے تعینات ہونے والے ڈی سی او گجرات آصف لودھی نے اپنے دفتر میں ملازمین ، اسسٹنٹ کمشنرز اور دیگر افسران سے فرداً فرداً میٹنگ کی اور دفتری امور پر ہدایات جاری کیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سیاسی و سماجی شخصیت مہر آصف محمود آف عادووال نے مسلم لیگ ن کی کامیابی کیلئے کام شروع کر دیا
گجرات (جی پی آئی) ممتاز سیاسی و سماجی شخصیت مہر آصف محمود آف عادووال نے مسلم لیگ ن کی کامیابی کیلئے کام شروع کر دیا ہے وہ ڈور ٹو ڈور الیکشن مہم کے سلسلہ میں جا رہے ہیں اور لوگوں کو مسلم لیگ ن کی خدمات سے آگاہ کر رہے ہیں ، چوہدری جعفر اقبال اور مسلم لیگ کے دیگر امیدواروں کی کامیابی کیلئے انہوں نے لائحہ عمل طے کر لیا ہے ، یونین کونسل کے تمام دھڑوں سے روابط جاری ہیں ، تا کہ تمام ووٹ مسلم لیگ ن کے امیدواروں کو مل سکیں ، انہوں نے کہا ہے کہ ہم نے ہمیشہ پارٹی کے مفاد کیلئے کام کیا ہے اور علاقہ کے عوام کے مسائل کا حل ہماری اولین ترجیح ہے ، اس سلسلہ میں ہمیں علاقہ کی موثر طبقے نے اپنی بھرپور حمایت کی یقین دہانی کروائی ہے اور ہم عوام کے اعتماد پر پہلے کی طرح پورا اتریں گے ، تمام برادریاں میرے ساتھ ہیں اور برادریوں کے نمائندگان سے بھی گفتو شنید ہو چکی ہے انشاء اللہ مخالفین کو ٹف ٹائم دینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لوڈ شیڈنگ نے عوام کا جینا محال کر دیا ہے :چوہدری سلامت صراف
گجرات (جی پی آئی)لوڈ شیڈنگ نے عوام کا جینا محال کر دیا ہے اور عوام کو بے پناہ مشکلات کا سامنا کرنا پڑ رہا ہے ، ان خیالات کا اظہار ممتاز سیاسی و سماجی شخصیت چوہدری سلامت صراف ، شیخ یعقوب اور چوہدری اکرم چیمہ نے مشترکہ بیان میں کیا ، انہوں نے کہا کہ آئے دن کی لوڈ شیڈنگ کی وجہ سے کاروباری زندگی بری طرح متاثر ہوا ہے ، اور عوام کے مسائل میں بے پناہ اضافہ ہوا ہے ، عوام کا کوئی پرسان حال نہیں نگران حکومت فوری طو رپر لوڈ شیڈنگ کے خاتمہ کیلئے اقدامات کرے تا کہ عوام کے مسائل حل ہو سکیں ، انہوں نے کہا کہ احتجاج اور تشدد کی سیاست کی وجہ سے ملک کو نقصان ہوتا ہے ، اس لیے حکومت کو چاہیے کہ عوامی احتجاج کے بغیر عوامی مسائل کے حل کیلئے اقدامات کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یونین کونسل 49کی ممتاز شخصیت کاٹیج فرنیچر ایسوسی ایشن کے راہنما مرزا گل نواز نے اپنے ساتھیوں کے ہمراہ مسلم لیگ ن میں شمولیت کا اعلان کر دیا
گجرات (جی پی آئی) یونین کونسل 49کی ممتاز شخصیت کاٹیج فرنیچر ایسوسی ایشن کے راہنما مرزا گل نواز نے اپنے ساتھیوں کے ہمراہ مسلم لیگ ن میں شمولیت کا اعلان کر دیا اپنے بیان میں انہوں نے کہا کہ ہم نے ہمیشہ عوام کے مفاد کیلئے کام کیا ہے ، لوگوں کوبے پناہ مسائل کا سامنا تھا اور مسلم لیگ ن ہی ان مسائل کو حل کر سکتی ہے ، اورنگزیب بٹ اور حاجی عمران ظفر کی کامیابی کیلئے بھرپور طریقہ کام کرینگے ، انہوں نے کہا کہ یونین کونسل 49کو مسلم لیگ ن کا گڑھ بنایا جائیگا ، تا کہ مسلم لیگ ن کے پلیٹ فارم سے عوامی خدمت کا کام بہتر طریقہ سے ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ن کے امیدواروں کی کامیابی روز روشن کی طرح عیاں ہے :رانا مشرف علی ناز
گجرات (جی پی آئی) ممتاز سیاسی و سماجی شخصیت رانا مشرف علی ناز نے کہا ہے کہ مسلم لیگ ن کے امیدواروں کی کامیابی روز روشن کی طرح عیاں ہے ، کیونکہ حاجی عمران ظفر اور اورنگزیب بٹ اور دیگر راہنمائوں کی کامیابی کیلئے بھرپور طریقہ سے کوشاں ہیں اور گجرات سے مسلم لیگ کے تمام امیدواران ہمیشہ کی طرح بھاری اکثریت سے کامیاب ہونگے انہوں نے کہا کہ قائد جمہوریت میاں نواز شریف نے اور میاں شہباز شریف نے جن لوگوں کو ٹکٹ دئیے ان کو کامیاب کرانا ہمارا فرض ہے ، اور ہم اپنا فرض احسن طریقہ سے سرانجام دینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آزادانہ اور شفاف انتخابات کا انعقاد ہماری قومی ذمہ داری اور اولین ترجیح ہے:ڈی سی او آصف بلال لودھی
گجرات(جی پی آئی)ڈی سی او آصف بلال لودھی نے کہا ہے کہ آزادانہ اور شفاف انتخابات کا انعقاد ہماری قومی ذمہ داری اور اولین ترجیح ہے۔ اس مقصد کے لئے ضلعی انتظامیہ الیکشن کمشن اور ریٹرننگ افسران سے مکمل تعاون کرے گی۔ ان خیالات کا اظہار انہوں نے اپنے عہدے کا چارج سنبھالنے کے بعد افسران نے تعارفی ملاقات کے موقع پر کیا ۔ اے ڈی سی سمیر احمد سید، ڈی او سی شجاع قطب بھٹی، اسسٹنٹ کمشنرزبلال جوئیہ، رضوان محمود، ضیغم نواز، ای ڈی اوز ڈاکٹر خالد فیاض، چوہدری محمد نواز، کاشف طاہر، خالد محمود،صائمہ غفور، ڈسٹرکٹ الیکشن کمشنرماجد شریف ڈوگر،ڈسٹرکٹ انفارمیشن آفیسر سید وقار حسین، پی ایس او ندیم بٹ اور دیگر محکموں کے سربراہان بھی اس موقع پر موجود تھے۔ڈی سی او آصف بلال لودھی نے کہا کہ ریونیو افسران اہداف کے مطابق ریکوری یقینی بنائیں۔ انہوں نے ای ڈی او ہیلتھ کو ہدایت کی کہ سرکاری ہسپتالوں میں مریضوں کو علاج معالجہ کی بہتر سہولیات کی فراہمی کے لئے ہر ممکن اقدامات کئے جائیں جبکہ وہ خود بھی سرکاری ہسپتالوں کا دورہ کر کے حالات کا جائزہ لیں گے۔ اسی طرح محکمہ تعلیم کے حکام کو بھی سرکاری سکولوں میںمعیار تعلیم کی بہتری کے لئے بھرپور توجہ دیں ۔ ڈی سی او نے کہا کہ سرکاری افسران انکی ٹیم کا حصہ ہیںانکی کوشش ہوگی کہ ٹیم ورک کی حیثیت سے کام کر کے عوام کو ریلیف فراہم کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یونین کونسل مدینہ سیداں اور جمالپور سیداں کی ممتا زسماجی شخصیات نے اورنگزیب بٹ کی حمایت کا اعلان کردیا
گجرات (جی پی آئی) یونین کونسل مدینہ سیداں اور جمالپور سیداں کی ممتا زسماجی شخصیات نے اورنگزیب بٹ کی حمایت کا اعلان کردیا ہے حمایت کا اعلان کرنیوالوں میں سید عثمان وحید ‘سید عدنان سید ‘سید شاویز حیدر ‘سید وقاص حیدر ‘سید فیض الحسن ‘سید سعید شاہ شامل ہیں انہوں نے کہاکہ الیکشن 2013میں ن لیگ کے نامزد امیدوار اورنگزیب بٹ کی کامیابی کیلئے بھرپور کوشش کرینگے اور انہیں یونین کونسل مدینہ سیداں اور جمالپور سیداں سے بھرپور کامیابی دلائینگے ‘سعید شاہ نے کہا کہ اورنگزیب بٹ بے پناہ خوبیوں کے مالک ہیں اور وہ انشاء اللہ 11مئی کو ریکارڈ ووٹوںکی لیڈ سے کامیابی حاصل کرینگے ہم انکی کامیابی کیلئے بھرپور دعا گو ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات شہر اورگردونواح میں بجلی کی غیر اعلانیہ لوڈ شیڈنگ سے شہری عاجز آگئے
گجرات (جی پی آئی)گجرات شہر اورگردونواح میں بجلی کی غیر اعلانیہ لوڈ شیڈنگ سے شہری عاجز آگئے ہیں بجلی نہ ہ ونے کے باعث شہری پانی کی بوند بوند کو ترس گئے واپڈا حکام لمبی تان کر سو گئے بتایا جاتا ہے کہ مسلسل 15روز سے جاری بجلی کی غیر اعلانیہ لوڈ شیڈنگ نے کاروبار زندگی کو بری طرح متاثر کرکے رکھ دیا ہے واپڈا حکام روزانہ 16سے 20گھنٹے کی لوڈ شیڈنگ کرکے شہریوں کو مشکلات میں ڈال رہے ہیں بجلی نہ ہونے کیو جہ سے ریلوے روڈ ‘سرگودھا روڈ ‘پرانا اڈا ‘رامتلائی روڈ سمیت دیگر اہم علاقوں میںپانی کی شدید قلت پیدا ہو جانے سے شہریوں میں تشویش کی لہر دوڑ جاتی ہے شہریوں نے اعلیٰ حکام سے بجلی کی لوڈ شیڈنگ کے خاتمہ کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خاموش اکثریت کے ترجمان چوہدری وقار نادر جوڑا نے مختلف یونین کونسلز میںکارنر میٹنگز سے خطاب کیا
گجرات (جی پی آئی)امیدوار برائے حلقہ پی پی 111سابق چیئر مین بلدیہ خاموش اکثریت کے ترجمان چوہدری وقار نادر جوڑا نے مختلف یونین کونسلز میںکارنر میٹنگز سے خطاب کرتے ہوئے کہا ہے کہ اب تبدیلی کی ہوا چل رہی ہے اس ہوا میں بڑے بڑے برج الٹ جائینگے ‘بطور چیئر مین پہلے بھی گجرات کے لوگوں کی خد مت کی ہے آئندہ بھی خاموش اکثریت کے پلیٹ فارم سے خدمت کا مشن جاری رکھیںگے انہوں نے کہاکہ پانچ سالوں میں جس طرح غریب عوام کا خون نچوڑا گیا اس کی تاریخ میں مثال نہیں ملتی ‘مہنگائی بیروزگاری لاقانونیت ‘بم دھماکوں نے پاکستان کی عوام کو مشکلات میں ڈال دیا ہے چوہدری وقار نادر جوڑا نے مزیدکہا کہ اب وقت آگیا ہے کہ عوام اپنے اوپر ہونیوالے مظالم کا بدلہ اپنے ووٹ سے لیں اور اپنے ووٹ کی طاقت سے اچھے نمائندے منتخب کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انشاء اللہ کامیابی کے بعد حلقہ کی تقدیر بدل دینگے:محمد انور شیخ
گجرات (جی پی آئی) آزاد امیدوار حلقہ پی پی 111محمد انور شیخ نے کہا ہے کہ انشاء اللہ کامیابی کے بعد حلقہ کی تقدیر بدل دینگے پچھلے پانچ سالوں میں غریب عوام کا جس طرح استحصال کیا گیا اب ان کی محرومیوں کے ازالہ کا وقت آگیا ہے انہوں نے کہاکہ اپنی قلم کی طاقت سے پہلے بھی شہریوں کے مسائل حل کرنے میں بھر پورجدوجہد کی آئندہ بھی یہ سلسلہ جاری رہے گا انور شیخ نے کہاکہ اپنی انتخابی مہم کا باقاعدہ آغاز کردیا ہے بھاری ووٹوں کی طاقت سے کامیابی حاصل کرینگے شہر کی تمام برادریاں میرے ساتھ ہیں او رمیری کامیابی کیلئے دعا گو ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پی ٹی آئی نے آئندہ عام انتخابات کیلئے ضلع گجرات کی 4قومی اور 8صوبائی اسمبلیوں کے حلقوں کیلئے اپنے امیدواروں کا اعلان کردیا
گجرات (انورشیخ سے)پاکستان تحریک انصاف نے آئندہ عام انتخابات کیلئے ضلع گجرات کی 4قومی اور 8صوبائی اسمبلیوں کے حلقوں کیلئے اپنے امیدواروں کا اعلان کردیا ہے حلقہ این اے 104سے عثمان طارق ‘این اے 105سے افضل گوندل ‘این اے 106سے زاہد اکرام اور حلقہ این اے 107سے تاشفین صفدر کو ٹکٹ جاری کردیئے ہیں جبکہ پی پی 111سے چوہدری سلیم سرور جوڑا ‘پی پی 112سے شیخ نوازش علی ‘پی پی 113سے میاں اختر حیات ‘پی پی 114سے نعیم نواز ‘پی پی 115سے مختار ڈھل کو ٹکٹ جاری کئے گئے ہیں جبکہ صوبائی حلقہ پی پی 109کے امیدوار کا فیصلہ بعد میں کیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نجاہ کے گائوں راجیکی میں دو متحارب گروپوں کے درمیان فائرنگ سے ایک خاتون سمیت دو افراد شدید زخمی
گجرات (جی پی آئی)کنجاہ کے گائوں راجیکی میں دو متحارب گروپوں کے درمیان فائرنگ سے ایک خاتون سمیت دو افراد شدید زخمی ہوگئے گزشتہ روز تھانہ کنجاہ کے گائوں راجیکی میں دو گروپوں کے درمیان فائرنگ کا سلسلہ اچانک شروع ہوگیا جس سے فائرنگ کی زد میں آکر خاتون بشریٰ بی بی اور غضنفر شدید زخمی ہوگئے انہیں طبی امداد کیلئے ہسپتال پہنچا دیا گیا ہے جبکہ پولیس نے دونوں گروپوں کے متعدد افراد کے خلاف مقدمہ درج کرلیا ہے دونوں گروپوں کے درمیان عرصہ دراز سے دشمنی چلی آرہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں ٹریفک حادثات میں دو خواتین سمیت چھ افراد زخمی ہوگئے
گجرات (جی پی آئی)گجرات میں ٹریفک حادثات میں دو خواتین سمیت چھ افراد زخمی ہوگئے زخمیوں میں زبیدہ بی بی ‘آسیہ بی بی ‘محمد فیاض ‘کامران ‘محمد الیاس اور احسان احمد شامل ہیں انہیں طبی امداد کیلئے ہسپتال پہنچا دیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں نئے تعینات ہونیوالے ڈی سی او آصف بلال لودھی اور ڈی پی او ڈار علی خٹک نے اپنے عہدوں کا چارج سنبھال لیا
گجرات (جی پی آئی)گجرات میں نئے تعینات ہونیوالے ڈی سی او آصف بلال لودھی اور ڈی پی او ڈار علی خٹک نے اپنے عہدوں کا چارج سنبھال کر کام شروع کردیا ہے سابق ڈی پی او راجہ بشارت کو اوکاڑہ تبدیل کردیا گیا ہے جبکہ سابق ڈی سی او نوازش علی کو لاہور ٹرانسفر کردیا گیا ہے۔یاد رہے کہ سابق ڈی سی او نوازش علی نے گجرات میں سب سے زیادہ عرصہ گزارا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحریک انصاف کی کامیابی آسمانوںپر لکھی جا چکی ہے :چوہدری سلیم سرور جوڑا
گجرات (جی پی آئی)تحریک انصاف حلقہ پی پی111گجرات کے امیدوار چوہدری سلیم سرور جوڑا نے کہا ہے کہ تحریک انصاف کی کامیابی آسمانوںپر لکھی جا چکی ہے اقتدار کاسورج 11مئی کو تحریک انصاف کی کامیابی لیکر طلو ع ہوگا اور اسی روز سے عوام کے مسائل حل ہونا شروع ہو جائینگے انہوں نے کہاکہ جس طرح پارٹی قیادت نے مجھ پر اعتماد کا اظہار کرکے مجھے پارٹی ٹکٹ جاری کیا ہے میں اپنی قیادت کے اعتماد پر پورا اترونگا ‘انہوں نے کہا کہ مسلم لیگ ن اور پیپلزپارٹی ایک جیسی جماعتیں ہیں جو عوامی مفادات کو پس پشت ڈال کر اپنے ذاتی مفادات کیلئے عوام کے مفاد بھی دائو پر لگا دیتی ہیں قوم ان دونوں سیاسی جماعتوں کو الیکشن میں مسترد کردیگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات کے تمام کاروباری طبقہ نے بجلی کی طویل ترین لوڈ شیڈنگ ختم نہ کرنے پراحتجاج کرنے کا اعلان کردیا
گجرات (جی پی آئی)گجرات کے تمام کاروباری طبقہ نے بجلی کی طویل ترین لوڈ شیڈنگ ختم نہ کرنے پراحتجاج کرنے کا اعلان کردیا ہے گزشتہ روز ممتاز کاروباری شخصیت الحاج امجد فاروق کی صدارت میں اجلاس منعقد ہوا جس میں گجرات چیمبر آف کامرس اینڈ انڈسٹری’پاٹری انڈسٹری اور دیگر فیکٹری اور کارخانوں کے مالکان نے بھی شرکت کی اجلاس میں لوڈ شیڈنگ ختم نہ کرنے پر حکومت کے خلاف احتجاجی مظاہرہ کرنے کا اعلان کردیا گیا ان کا کہنا تھا کہ بجلی کی 20گھنٹے کی لوڈ شیڈنگ سے فیکٹریاں اور کارخانے بند ہوچکے ہیں جس سے کاروبار زندگی ٹھپ ہوچکے ہیں اور ان فیکٹریوں اور کارخانوں میں کام کرنیوالے ہزاروں مزدور بیروزگار ہوچکے ہیں اور ان کے گھروں میں فاقے بھی شروع ہوچکے ہیںان لئے حکومت سے مطالبہ کیا جاتا ہے کہ وہ فوری طور پر لوڈ شیڈنگ کا شیڈول جاری کرے اور غیر اعلانیہ لوڈ شیڈنگ کا فوری خاتمہ کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یونین کونسل چک سادہ کے دیہاتوں سے معززین نے مسلم لیگ ق کو چھوڑ کر مسلم لیگ ن میںشمولیت اختیار کر لی
گجرات(جی پی آئی )گذشتہ روز یونین کونسل چک سادہ کے دیہاتوں کوٹ پتو ، علی پور ،ملکووال ، تارا گڑھ ، نواں لوک سے معززین نے حاجی اورنگ زیب بٹ کے عومی رابطہ آفس علینا سنٹر میںاُن کی دعوت پر آ کر مسلم لیگ ق کو چھوڑ کر مسلم لیگ ن میںشمولیت اختیار کر لی اور حاجی اورنگ زیب کی قیادت پر اعتماد کا اظہار کیا اور فرداً فرداً اپنی برادریوں اور ساتھیوں سمیت ن لیگ میں شمولیت اختیار کی ان میں چوہدری محمد احسان وڑائچ، چوہدری محمد بوٹا ، چوہدری محمد فیصل ، چوہدری محمد اکرم ، چوہدری محمد خالد ، سابق کونسلر چوہدری جمشید وڑائچ، چوہدری محمد اشرف گوندل ،چوہدری محمد عاصم ، چوہدری محمد اختر چیمہ، چوہدری محمد احسن و دیگر شامل تھے انہوں نے مشترک طور پر اپنے بیان میں کہا ہے کہ ہم نے ق لگی کے لیڈروں کے رویوں سے تنگ آ کر ن لیگ میں شامل ہوئے ہیں ہم نے حاجی اورنگ زیب بٹ کے بارے میں ہم نے جو سنا تھا وہ ٹھیک پایاہے انشاء اللہ ہم اب اپنے ووٹوں کی طاقت سے مسلم لیگ ن کو کامیاب بنائیں گے اور میاںمحمد نواز شریف اور میاں شہباز شریف کے ہاتھ مضبوط کریں گے اور ان کے سپاہی حاجی اورنگ زیب بٹ کو کامیاب بنانے کیلئے دن رات ایک کر دیں گے اس موقع پر حاجی اورنگ زیب بٹ نے انہیں اپنے مکمل تعاون کو یقین دلایا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حاجی اورنگ زیب بٹ نے اصغر ٹائون میں امیر خان پٹھان کی والدہ محترمہ کی وفات پر فاتحہ خوانی کی
گجرات(جی پی آئی )گذشتہ روز پاکستان مسلم لیگ ن کے نامزد امیدوار حلقہ این اے105حاجی اورنگ زیب بٹ نے اصغر ٹائون میں امیر خان پٹھان کی والدہ محترمہ کی وفات پر فاتحہ خوانی کی اور پسماندگان سے اظہار تعزیز کیاشادمان کالونی میں محمود احمد بٹ سرپرست ڈسٹرکٹ موبائل ایسوسی ایشن کے بھائی پرویز احمد کی وفات پر اظہار تعزیت اور فاتحہ خوانی کی مرحوم کیلئے بلند درجات کی دعا کی نیا گورالہ میں چوہدری محمد صادق کے بھائی ، چوہدری غلام قادر کی وفات پر اُن کی رہائش گاہ گئے اور لواحقین سے اظہارتعزیت کیا اور مرحوم کی روح کو ایصال ثواب کیلئے فاتحہ خوانی کی حاجی اورنگ زیب بٹ کے ہمراہ شیخ کامران ، میر انجم ، رضوان اسلم بٹ ، مہر عارف راج ، خالد بٹ ، چوہدری محمد آصف شفیع ، سنی بٹ ، توصیف افضل، ناصر بٹ، آصف بٹ و دیگر موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امیدوار حلقہ این اے105حاجی اورنگ زیب بٹ نے صدر ڈسٹرکٹ بار گجرات راجہ محمد حنیف ایڈووکیٹ سے ملاقات کی
گجرات(جی پی آئی )گذشتہ روز پاکستان مسلم لیگ ن کے نامزد امیدوار حلقہ این اے105حاجی اورنگ زیب بٹ نے صدر ڈسٹرکٹ بار گجرات راجہ محمد حنیف ایڈووکیٹ سے ملاقات کی اس موقع پر سابقہ صدر بار قاضی ظفر اللہ ایڈووکیٹ ، ملک عمران خان ایڈووکیٹ، چوہدری عرفان بشیر کھٹانہ بھی موجود تھے اس موقع پر سیاسی امور پر بات چیت کے علاوہ بار کی بلڈنگ کے مسائل کے حوالہ سے بھی حاجی اورنگ زیب بٹ کو بریفنگ دی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ن کے نامزد امیدوار حلقہ این اے105حاجی اورنگ زیب بٹ کا الیکشن پوری قوت سے لڑیں گے:ضیاء مصطفی
گجرات(جی پی آئی )چوہدری ضیاء مصطفی عرف نومی گجر آف گندرہ خورد نے اپنے بیان میں کہا ہے کہ ہم پاکستان مسلم لیگ ن کے نامزد امیدوار حلقہ این اے105حاجی اورنگ زیب بٹ کا الیکشن پوری قوت سے لڑیں گے اور اپنے حلقہ سے بھرپور کامیابی دلائیں گے موضع گندرہ سے خورد سے پہلے مخالفین کو ووٹ دیتے رہے ہیں لیکن اُن کے رویوں سے تنگ آ کر مسلم لیگ ن میں شامل ہوئے ہیں اور اب حاجی اورنگ زیب بٹ کیلئے دن رات ایک کر کے ووٹ دلوائیں گے انہوں نے مزید کہا کہ ن لیگ نے ہمیشہ عوامی مفادات کی بات کی اور عوام کو ریلیف دینے کیلئے فیصلے کئے ن لیگ نے موٹر وے کے بعد میگا پراجیکٹ میٹرو بس متعارف کرو ا کر یہ ثابت کر دیا ہے کہ وہ عوام کو حقیقی معنوں میں ریلیف دینا چاہتے ہیں اور اس وقت ملک جن سنگین بحرانوں ، لوڈ شیڈنگ، مہنگائی ، بیروز گاری ، کرپشن مافیا میں گرا ہوا ہے اس کو صرف اور صرف مسلم لیگ ن ہی ان بحرانوں سے نکال سکتی ہے اور میاں محمد نواز شریف ہی وہ واحد لیڈر ہیں جو اس کو ان بحرانوں سے نکالنے کی صلاحیت رکھتے ہیں انشاء اللہ تعالیٰ مسلم لیگ ن 11مئی کو پورے ملک سے کلین سوئپ کرے گی ۔۔

by Tahir Webmaster

Nasir Mehmood - Chief Editor at GeoURDU.com

Find on Google+ Follow me opinions Website