گجرات کی خبریں 24.09.2013
Posted on September 24, 2013 By Geo Urdu گجرات
میاں نواز شریف کی قیادت میں مسلم لیگ (ن)کی حکومت دہشت گردی پرقابوپانے کیلئے عملی اقدامات کررہی ہے
گجرات (جمیل احمدطاہر) مسلم لیگ (ن)کے راہنماء ممبر صوبائی اسمبلی حلقہ پی پی 112 چوہدری اشرف دیونہ نے کہاہے کہ میاں نواز شریف کی قیادت میں مسلم لیگ (ن)کی حکومت دہشت گردی پر قابو پانے کیلئے عملی اقدامات کررہی ہے جس کے مثبت اثرات جلدسامنے آنا شروع ہو جائیں گے، پشاورمیں چرچ پرحملہ سے پوری قوم سوگوار ہے اوردکھ کی گھڑیوں میں مسیحی بھائیوں کے ساتھ کھڑی ہے ان خیالات کا اظہار انہوں نے مسیحی برادری کے زیراہتمام پشاور میں گرجا گھر میں خودکش حملہ کیخلاف احتجاجی ریلی کے شرکا ء سے خطاب کرتے ہوئے کیا، انہوں نے کہاکہ مسلم لیگ (ن) اقلیتوں کو مساوی حقوق دینے پریقین رکھتی ہے اور ہماری حکومت نے یہ بات عمل سے ثابت کی ہے، دہشت گرد ملک وقوم کے دشمن ہیں ان کا کوئی ملک یا مذہب نہیں دہشت گردی کا مقابلہ کرنے کیلئے قومی اتحاد کی ضرورت ہے ،انہوں نے اس موقعہ پرموجود ڈی ایس پی ہیڈ کوارٹر لالہ موسیٰ ملک منظور احمد اعوان، ایس ایچ اوسٹی اعجاز احمد بٹ کو ہدائت کی کہ مسیحی عبادت گاہوں کی سیکورٹی مزیدسخت کی جائے تاکہ سانحہ پشاور کی یاد دہرائی نہ جاسکے۔ اس موقعہ پر سابق کونسلر حاجی شوکت محمود بٹ بھی انکے ہمراہ تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جرات ڈاکٹر خالد فیض کے بیٹے شہریار خالد اپنا موٹرسائیکل ہنڈا 125 علی چک میں واقع سنوکر کلب کے باہر کھڑا کر کے اندر گئے
گجرات (جمیل احمدطاہر) سابق ای ڈی اوہیلتھ کے بیٹے کا موٹرسائیکل اڑن چھو، تفصیل کے مطابق سابق ای ڈی او ہیلتھ گجرات ڈاکٹر خالد فیض کے بیٹے شہریار خالد اپنا موٹرسائیکل ہنڈا 125 علی چک میں واقع سنوکرکلب کے باہر کھڑا کر کے اندر گئے تھوڑی دیر بعد جب واپس آئے تو موٹرسائیکل غائب تھا شہریار خالد نے تھانہ صدر لالہ موسیٰ میں مقدمہ درج کرا دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز شخصیت حاجی فضل حسین کھوکھر کے بھائی حاجی محمد حسین آف انگلینڈ کی وفات پر انکی رہائش گاہ پر جاکر اظہار تعزیت کیا
گجرات (جمیل احمدطاہر) ممبر صوبائی اسمبلی چوہدری محمد اشرف دیونہ نے محکہ کریم پورہ کی ممتاز شخصیت حاجی فضل حسین کھوکھر کے بھائی حاجی محمدحسین آف انگلینڈ کی وفات پر انکی رہائش گاہ پر جا کر اظہار تعزیت کیا اور مرحوم کی روح کے ایصال ثواب کیلئے فاتحہ خوانی کی اس موقعہ پر سابق کونسلرحاجی شوکت محمود بٹ آف ریلوے روڈ، چوہدری عمر دیونہ بھی انکے ہمراہ تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شاور کے گرجاگھرمیں خون کی ہولی قابل مذمت فعل ہے
گجرات (جمیل احمدطاہر) پشاور کے گرجاگھر میں خون کی ہولی قابل مذمت فعل ہے، حکومت بیان بازی کے بجائے دہشت گردی کا نیٹ ورک توڑنے کیلئے عملی اقدامات کرے ان خیالات کا اظہار ایگزیکٹو ممبر گجرات چیمبرآف کامرس اینڈ انڈسٹری مہر طارق سعید نے ایک ملاقات میں گفتگو کرتے ہوئے کیا، انہوں نے کہا کہ دہشت گرد ملک وقوم کے دشمن ہیں یہ کسی رعائت کے مستحق نہیں حکومت دہشت گردوں کا قلع قمع کرکے عوام کو تحفظ فراہم کرے انہوں نے کہاکہ کس قدر افسوسناک بات ہے کہ ملک میں عبادت گاہیں بھی محفوظ نہیں لوگ عبادت گاہوں میں جاتے ہوئے بھی گھبراتے ہیں، انہوں نے کہا کہ ہم مسیحی برادری کے دکھ میں برابر کے شریک ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جمیل احمدطاہر)شہید جمہوریت چوہدری ظہور الٰہی شہید کی 32 ویں برسی آج منائی جا رہی ہے۔ راہنماء مسلم لیگ (ق)محمدحنیف حیدری کی قیادت میں کارکنوں نے چوہدری ظہور الٰہی شہید کے مزار کو عرق گلاب سے غسل دیا، برسی کے حوالہ سے ظہور پیلس گجرات میں آج صبح نوبجے قرآن خوانی کی محفل منعقد ہو گی اجتماعی دعا 10 ہوگی، برسی کی تقریب میں شرکت کیلئے چوہدری برادران گجرات پہنچ گئے ہیں، برسی کی تقریب میں ارکان اسمبلی،ارکان سینٹ،سابق وفاق، صوبائی وزر، مسلم لیگ (ق) کے مرکزی صوبائی عہدیداران کی کثیرتعداد شرکت کی توقع ہے، مسلم لیگی عہدیداران کی طرف سے چوہدری ظہورالٰہی شہید کے مزار پر پھولوں کی چادر چڑھائی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حاجی خلیل احمدبٹ المعروف حاجی کالے خاں نے بلدیاتی الیکشن میں حصہ لیا تو بھرپور حمائت کریں گے
گجرات (جمیل احمدطاہر) حاجی خلیل احمدبٹ المعروف حاجی کالے خاں نے بلدیاتی الیکشن میں حصہ لیا تو بھرپور حمائت کریں گے ان خیالات کا اظہار جنرل سیکرٹر ی مسلم لیگ لالہ موسیٰ ملک محمدانور نے ایک ملاقات میں کیا انہوں نے کہا کہ حاجی خلیل بٹ ایک متحرک اور ہر دلعزیز شخصیت کے مالک انسان ہیں اگر سید نور الحسن
شاہ نے انہیں ٹکٹ دیاتووہ بھرپور کامیابی حاصل کریں گے، انہوں نے کہا کہ آئندہ بلدیاتی انتخابات میں سادات گروپ بھرپور طریقے سے الیکشن میں حصہ لے گا اور انشاء اللہ تاریخی کامیابی سادات گروپ کا مقد ربنے گی۔
