گجرات کی خبریں 25.05.2013

Posted on May 26, 2013 By Tahir Webmaster گجرات

سانحہ وین منگوال پر ڈی سی او گجرات کی پریس کانفرنس
گجرات (جی پی آئی)ڈی سی او گجرات آصف لودھی نے اپنے دفتر میں پریس کانفرنس سے خطاب کرتے ہوئے کہا کہ ضلعی انتظامیہ سانحہ منگووال وین میں شہید ہونے والے بچوں کے غم میں برابر کے شریک ہیں ، اور ہم نے فوری طور پر ریلیف کا کام شروع کر دیا ، اور تمام شہداء کے جسد خاکی کو ہسپتال میں منتقل کیا گیا ، ڈی این اے کا انتظام کیا گیا ، مگر ورثاء نے اپنے بچوں کی نعشوں کو پہنچا لیا اور ضلعی حکومت نے نعشیں ورثاء کے حوالے کر نے کے بعد زخمی بچوں کے علاج معالجہ کے سلسلہ میں اقدامات شروع کر دئیے ، اس واقعہ میں 15معصوم جانیں لقمہ اجل بنیں ، ضلعی حکومت نے اس سلسلہ میں ایک کمیٹی تشکیل دی ہے جو 48گھنٹوں میں رپورٹ پیش کرے گی ، اور اس سانحہ میں ملوث افراد کو کیفر کردار تک پہنچایا جائیگا ، تمام تعلیمی اداروں میں مانیٹرنگ سسٹم کو بہتر بنایا گیا ہے اور دو چھٹیوں کے فیصلہ پر عمل درآمد کروایا جائے گا اور ٹرانسپورٹ کے لیے لازمی قرار دیا جائے گا کہ وہ فٹنس سرٹیفکیٹ حاصل کریں ورنہ ان کی گاڑیوں بند کر دیا جائیگا ، اور ہم نے فوری طور پر منگووال سکول کی رجسٹریشن کینسل کر دی ہے اور تحقیقات کے بعد کوئی فیصلہ کیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نگران وزیراعلیٰ پنجاب کا گجرات میں سکول وین کا سلنڈر پھٹنے کے نتیجے میں بچوں کے جاں بحق ہونے پر افسوس کا اظہار
گجرات(جی پی آئی)نگران وزیر اعلیٰ پنجاب نجم سیٹھی نے گجرات کے علاقے منگو وال میں سکول وین میں سلنڈر پھٹنے سے بچوں کے جاں بحق ہونے کے واقعے پر گہرے دکھ اور افسوس کا اظہار کیا ہے۔ وزیر اعلیٰ نے افسوسناک واقعے کا فوری نوٹس لیتے ہوئے پولیس حکام اور انتظامیہ سے واقعہ کی رپورٹ طلب کر لی۔ وزیراعلیٰ نجم سیٹھی نے انتظامیہ کو ہدایت کی کہ زخمی بچوں کو ہسپتال میں علاج معالجے کی بہترین سہولیات فراہم کی جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منگووال راجیکی کے قریب سکول وین میں آگ لگنے سے سکول ٹیچرسمیت15معصوم طالب علم جاں بحق
گجرات(جی پی آئی)منگووال سرگودھا روڈ پر راجیکی کے قریب سکول وین میں آگ لگنے سے سکول ٹیچرسمیت 15معصوم طالب علم جاں بحق۔جبکہ چھ طلباء کوشدیدتشویشناک حالت کے باعث ہسپتال منتقل کردیاگیا۔تفصیلات کے مطابق بتایاگیاہے کہ منگووال کے پرائیوٹ سکول دی جناح کی سکول وین نمبریSGG-9076 کاڈرائیورمحمدبلال ساکن گاکھڑ ہ موضع کنگ سہالی۔راجیکی اورکوٹ گھکہ کے دیہات سے نوعمر طالب علموں کولے کرمنگووال آرہاتھاکہ جونہی بدقسمت وین کوٹ گھکہ روڈپرپہنچی تووین میں رکھے کھلے پٹرول کے باعث گاڑی کوآگ لگ گئی ۔جس کے نتیجے میں ثقلین۔عبداللہ پسران ڈاکٹرریاض۔عبداللہ ریاض۔زہرہ ریاض،کنول فردوس پسران ریاض احمد(ٹریفک کانسٹیبل)۔سمیہ (لیڈی ٹیچر) دختر محمد نذیرسکناہائے راجیکی۔محمدحسنات ولدحفیظ۔ہاشم علی ولدخرم بٹ ۔ریان ولدسجاد۔طاہر۔آفتاب پسران محمداعظم سکناہائے کوٹ گھکہ۔تیموراحمدولدوقاص۔عمارہ صائمہ دختروقاص ۔ایمان سجاد۔عائشہ سجاددختران سجاد وڑائچ ( امیدوار جماعت اسلامی حلقہ پی پی110) سکناہائے کنگ سہالی۔علی حسن۔ وغیرہ موقع پرجاں بحق ہوگئے۔مزیدہلاکتوں کاخدشہ ہے۔زخمیوں میںعبیرہ حفیظ۔عمدادان۔علی۔احمدسجاد۔حمیرہ۔رقیہ۔داود۔ماہ نور۔پاکیزہ۔آمنہ۔احسان۔احمدشیرازشامل ہیں۔وقوعہ کی اطلاع ملتے ہی ریسکیو1122اورامدادی ٹیمیں موقع پرپہنچ گئی۔آگ اس قدرشدیدتھی کہ اس کے شعلے دوردورتک دیکھائی دئیے۔متوفیان کی نشیں جب راجیکی،کوٹ گھکہ،کنگ سہالی پہنچی توہرآنکھ آشکبارتھی۔اورلوگ دھڑیں مارکررورہے تھے۔اوربچوں کے والدین پرغشی کے دورے طاری تھے۔اورعلاقہ بھرمیں سوگ کاسماں تھا۔جبکہ بدقسمت گاڑی کاڈرائیورمحمدبلال موقع سے فرارہوگیا۔اورکنجاہ پولیس نے اس کے والدکوگرفتارکرلیا۔یادرہے کہ ایک ہفتے میں یہ تیسراواقعہ ہے۔شاہین چوک کے قریب پٹرول پمپ پرایک ہائی ایس کوآگ لگ گئی تھی۔جس میں تمام سواریوں محفوظ رہی جبکہ گاڑی مکمل طورپرتباہ ہوگئی تھی۔ڈنگہ روڈبگنہ کے قریب بھی مرغوں سے لدھی ہوئی ایک گاڑی کوبھی اسی طرح حادثہ پیش آیاتھا اورتمام مرغے زندہ جل کرراک ہوگئے اورگاڑی مکمل طورپرتباہ ہوگئی تھی۔جوکہ انتظامیہ کے لئے لمحہ فکریہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحریک انصاف یوتھ ونگ ضلع گجرات کے صدر فیضان خالد بٹ ، مہر شہباز فاضل کا وین حادثہ پر اظہار افسوس
گجرات(جی پی آئی)پاکستان تحریک انصاف یوتھ ونگ ضلع گجرات کے صدر فیضان خالد بٹ ، مہر شہباز فاضل اور میڈیا ایڈوائزر یوتھ ونگ نے گجرات میں وین حادثے پر گہرے دکھ اور افسوس کا اظہار کیا اور کہا کہ ضلعی انتظامیہ کی ذمہ داری ہے گاڑیوں میں لگے ناقص سلنڈر کی روک تھام کے لئے اقدامات کریں اور حفاظتی تدابیر کو یقینی بنایا جائے تا کہ آئندہ ایسے واقعات سے بچا جا سکے اس واقعہ میں ملوث افراد کو قانون کے کٹہرے میں لایا جائے، تحریک انصاف اس حادثے میں ہلاک ہونے والے معصوم بچوں کے لواحقین کے غم میں برابر کی شریک ہے ،دعا ہے کہ اللہ تعالیٰ غمزدہ خاندانوں کی صبر وجمیل عطا فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری پرویز الٰہی ایم این اے نے سانحہ منگووال کے بچوں کے تمام کفن دفن کے اخراجات ایدھی فائونڈیشن کو اد اکئے
گجرات(جی پی آئی)سابق نائب وزیر اعظم چوہدری پرویز الہی ایم این اے نے سانحہ منگووال کے بچوں کے تمام کفن دفن کے اخراجات ایدھی فائونڈیشن کو اد اکئے چوہدری پرویز الٰہی اور چوہدری مونس الٰہی کا سٹاف سارادن ان کی ڈیٹ باڈی کے ہمراہ رہا اور انہیں ان کے گھروں تک پہنچایا چوہدری پرویز الٰہی لمحہ بہ لمحہ ہدایات دیتے رہے اس موقع چوہدری شجاعت حسین اور چوہدری پرویزا لٰہی نے اظہا ر افسوس کرتے ہوئے کہا کہ اللہ تعالی یہ سانحہ والدین کو برداشت کرنے کی ہمت دے اور صبر دے ہم ان سب کے دکھ میں برابر کے شریک ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری پرویز الہی ایم این اے آج سانحہ منگووال میں ہلاک ہونے والے بچوں کے ورثاء سے ملاقات کرینگے
گجرات(جی پی آئی)مسلم لیگ ق کے سینئر مرکزی رہنما چوہدری پرویز الہی ایم این اے آج سانحہ منگووال میں ہلاک ہونے والے بچوں کے ورثاء سے ملاقات کرینگے اور ان سے اظہار تعزیت کرینگے ان کی مالی امداد بھی کی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بیگم چوہدری پرویزا لہی سانحہ منگووال میں معصوم بچے جو زخمی ہوئے تھے ان سے ملاقات کرینگی
گجرات(جی پی آئی)بیگم چوہدری پرویزا لہی سانحہ منگووال میں معصوم بچے جو زخمی ہوئے تھے ان سے ملاقات کرینگی ان کے والدین سے ملکر ان کے دکھ میں شرکت کرینگی بیگم چوہدری ظہور الہی ان کی مالی امداد بھی کرینگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید الطاف عباس کاظمی نے سانحہ منگووال کے شہداء معصوم بچوں کی وفات پر اظہار تعزیت کیا
گجرات (جی پی آئی)صدر شیعہ علماء کونسل سید الطاف عباس کاظمی نے اپنے تعزیتی بیان میں سانحہ منگووال کے شہداء معصوم بچوں کی وفات پر اظہار تعزیت کیا اور دعا کی ہے کہ اللہ تعالیٰ مرحومین کو جنت الفردوس میں اعلیٰ جگہ عطا فرمائے اور ضلعی انتظامیہ سے اپیل کی ہے کہ اس سانحہ میں ملوث افراد کے خلاف سخت کاروائی عمل میں لائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز ماہر تعلیم پرنسپل دی ایجوکیٹرز بارہ دری کیمپس شہزاد شفیق نقشبندی نے اپنے بیان میں سانحہ منگووال پر اظہار افسوس کیا
گجرات (جی پی آئی)ممتاز ماہر تعلیم پرنسپل دی ایجوکیٹرز بارہ دری کیمپس شہزاد شفیق نقشبندی نے اپنے بیان میں سانحہ منگووال پر اظہار افسوس کیا ہے اور کہا ہے کہ اس واقعہ میں معصوم بچوں کی شہادت افسوسناک ہے ، دی ایجوکیٹرز بارہ دری کیمپس میں اس سانحہ میں شہید ہونے والے بچوں کیلئے خصوصی دعائیں کی گئیں ، اور قرآن خوانی کی گئی ، اللہ تعالیٰ مرحومین کو جنت الفردوس میں اعلیٰ جگہ عطا فرمائے اور ان کے درجات میں بلندی عطا فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حضرت علی رضی اللہ تعالیٰ عنہ نے دنیا کو شجاعت کا درس دیا :رانا مشرف علی ناز
گجرات (جی پی آئی)حضرت علی رضی اللہ تعالیٰ عنہ نے دنیا کو شجاعت کا درس دیا ، وہ کعبہ میں پیدا ہوئے اور مسجد میں ان کی شہادت ہوئی ، ان خیالات کا اظہار رانا مشرف علی ناز نے ڈیرہ لال قلندر دا سخی لجپال قلندر دا میں 14ویں سالانہ جشن قلندر پاک کے موقع پر خطاب کرتے ہوئے کیا انہوں نے کہا کہ حکیم پیرزادہ جاگیردار گل نواز جٹ رندھاوا المعروف مخدوم باواسائیں اللہ ہو سرکارہوتی لاہوتی علمدار کا شمار ان افراد میں ہوتا ہے جو جشن قلندر پاک منعقد کروانا اعزاز سمجھتے ہیں اور 14سالوں سے ہر سال وہ یہ جشن منعقد کر کے اہل بیت اطہار سے اپنی محبت کا ثبوت دیتے ہیں ، جہاں پر پاکوں کا ذکر ہوتا ہے ، وہاں پاک خود تشریف لاتے ہیں ، اور ہم حکیم پیرزادہ چوہدری گل نواز جٹ رندھاوا کو مبارک باد پیش کرتے ہیں کہ وہ اسی طرح کی تقریبات کا انعقاد کر کے لوگوں میں محبت عشق رسول اور عشق اہلبیت کو جلا بخشتے ہیں ، اور ہم ان میں شامل ہو کر اپنے دل کو سکون حاصل کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حاجی ارشاد احمد بٹ نے بذریعہ ٹیلی فون ممتاز ثناء خوانِ رسول حافظ محمد صدیق کے بھائی کی وفات پر گہرے رنج و غم کا اظہار کیا
گجرات (جی پی آئی)یوکے کی ممتاز سماجی شخصیت حاجی ارشاد احمد بٹ نے بذریعہ ٹیلی فون ممتاز ثناء خوانِ رسول حافظ محمد صدیق کے بھائی کی وفات پر گہرے رنج و غم کا اظہار کیا ہے اور دعا کی ہے کہ اللہ تعالیٰ مرحوم کو جنت الفردوس میں اعلیٰ جگہ اور لواحقین کو صبر جمیل عطا فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یوکے کی ممتاز سماجی شخصیت حاجی ارشاد احمد بٹ کی اہلیہ محترمہ شدید علیل ہیں ، دعا کی اپیل
گجرات (جی پی آئی)یوکے کی ممتاز سماجی شخصیت حاجی ارشاد احمد بٹ کی اہلیہ محترمہ شدید علیل ہیں ، دوست احباب اور اہل اسلام سے اپیل کی گئی ہے کہ ان کی صحت یابی کے لئے خصوصی دعا کریں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سماجی شخصیت تنویر احمد بھٹی نے اپنی رہائشگاہ پر عظیم الشان محفل میلاد مصطفی صلی اللہ علیہ وسلم کا انعقاد کیا
گجرات (جی پی آئی)ممتاز سماجی شخصیت تنویر احمد بھٹی نے اپنی رہائشگاہ پر عظیم الشان محفل میلاد مصطفی صلی اللہ علیہ وسلم کا انعقاد کیا ، جس کے مہمان خصوصی ممتاز روحانی شخصیت پیر سید اجمل حسین شاہ آستانہ عالیہ حضرت امام علی الحق شہید سرکار سیالکوٹ شریف تھے ، جبکہ اس موقع پر خصوصی طور پر ممتاز صحافی عامر چوہدری ، پیر سید زاہد حسین شاہ ، قاری محمد آصف سلام ، جاوید بشیر ، اقبال ، سلیم ، ناصر محمود بھٹی ، تابیر حسین بھٹی ، حمزہ تابیر و دیگر اہم شخصیات موجود تھیں ، اس موقع پر ملک کی ترقی و سلامتی کیلئے خصوصی دعائیں کی گئیں ، حاضرین کو لنگر کھلایا گیا ، اس موقع پر تنویر حسین بھٹی نے تمام مہمانوں کا شکریہ ادا کیا اور قاری محمد آصف سلام نے دعا کروائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جشن مولود کعبہ ڈیرہ حکیم صاحبزادہ باوا سرکار سائیں اللہ ہو سرکار جٹ رندھاوا پر بڑے جوش و خروش کے ساتھ منایا گیا
گجرات(جی پی آئی)جشن مولود کعبہ ڈیرہ حکیم صاحبزادہ باوا سرکار سائیں اللہ ہو سرکار جٹ رندھاوا پر بڑے جوش و خروش کے ساتھ منایا گیا جس میں ذاکرین نے قصیدے اور خطبات اور ذکر علی پیش کیے گئے اس موقع پر عقیدت مند ڈھول کی ٹھاپ پر بھنگڑے ڈالتے رہے اس موقع پر باوا سرکار نے کہا کہ حضرت علی کی فضیلت جتنی بھی بیان کریں کم ہیں جشن کے احتتام پر معزین محفل میں باوا سرکار نے اپنے ہاتھوں سے لنگر تقسیم کیا اور دعا کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نواز شریف روشن پاکستان کا وعدہ ضرور پورا کریں گئے :چوہدری وقار احمد
گجرات(جی پی آئی)عوامی مینڈیٹ کی بدولت جلد قائم ہونے والی مسلم لیگ (ن) کی حکومت انشاء اللہ عوام کو پتھر کے زمانے سے نکال کر حقیقی معنوں میں زندگی بسر کرنے کا حق دلائیگی نواز شریف روشن پاکستان کا وعدہ ضرور پورا کریں گئے ان خیالات کا اظہار ممتاز مسلم لیگی و سیاسی وسماجی راہنما چوہدری وقار احمد نے صحافیوں سے کرتے ہوئے کیا انہوں نے کہا کہ عوام کی مصیبتوں اور پریشانیوں کے دن اب حتم ہوچکے ہیں مسلم لیگ (ن) کی حکومت قائم ہوتے ہی مسائل میں کمی شروع ہوجائے گئی انہوں نے کہا کہ نوجوان (ن)لیگ کا سرمایہ ہیں اور نوجوانوںکو تبدیلی کے نام پر بہکانے والے آج منہ چھپاتے پھر رہے ہیں انہوں نے کہا کہ ہم حلقہ PP109کی عوام میاں برادران سے پر زور اپیل کرتے ہیں کہ میجر(ر)معین نواز کو پنجاب اسمبلی میں وزارت دی جائے تا کہ حلقہ کی عوام کے کام ان کی امیدوں کے مطابق پورے کیے جا سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میجر نسیم اکبر فاروقی ،شاہانہ فاروقی ،خدیجہ عمر فاروقی ،رابعہ فاروقی کا حاجی اختر حسین کی وفات پر گہرے رنج و غم کا اظہار
گجرات(جی پی آئی)میجر نسیم اکبر فاروقی ،شاہانہ فاروقی صدرمسلم لیگ ق شعبہ خواتین پنجاب ،خدیجہ عمر فاروقی ،رابعہ فاروقی اور حسن فاروقی کا حاجی اختر حسین محمد ی سویٹ بیکرز کی وفات پر گہرے رنج و غم کا اظہار انہوں نے کہا کہ اللہ تعالی مرحوم کے درجات بلند کرے جنت الفردوس میں اعلی مقام عطاء کرے اور لواحقین کو صبر عطاء کرے ہم ان کے دکھ میں برابر کے شریک ہیں۔

 

by Tahir Webmaster

Nasir Mehmood - Chief Editor at GeoURDU.com

Find on Google+ Follow me opinions Website