امسال حج اخراجات میں فی حاجی کو حکومت 20 ہزار روپے ریلیف دے گی

Posted on February 14, 2014 By Majid Khan لاہور

لاہور: مرکزی جمعیت اہل حدیث کے ناظم اعلی اور چیئرمین قائمہ کمیٹی برائے مذہبی امور ڈاکٹر حافظ عبدالکریم نے کہا ہے کہ امسال حج اخراجات میں فی حاجی کو حکومت 20 ہزار روپے ریلیف دے گی اور رمضان المبارک سے پہلے حجاج کرام کو رہائش گاہیں آلاٹ کر دی جائیں گی۔

مرکزی دفتر 106 راوی روڈ میں علماء کے وفود سے گفتگو کرتے ہوئے انکا کہنا تھا کہ پچھلے سال پرائیوٹ حج ٹو ر آپریٹرز کے حج کوٹے میں کی گئی 15 فی صد کمی امسال پوری کر دی جائے گی۔تاہم ان پر سخت چیک رکھا جائے گا۔

ماضی کی طرح حج کو لوٹ مار کا ذریعہ نہیں بننے دیا جائے گا۔ حجاج کو 20 ہزار روپے کا ریلیف رہائش گاہ کی مد میں دیا جا رہا ہے۔ حکومت کی پوری کوشش ہے کہ ائیر لائنز کمپنیوں سے کرائے بھی کم کرائے جائیں اور اس سلسلے میں انہیں کرائے میں اضافے سے روک دیا گیا ہے۔

سعودی وزارت حج کے ساتھ رابطے میں ہیں اور ممکنہ سہولیات کی فراہمی کو یقینی بنانے کے لیے مشترکہ کو ششیں کی جا رہی ہیں۔

by Majid Khan

Nasir Mehmood - Chief Editor at GeoURDU.com

مغربی تہذیبی یلغار روکنے کے لیے حیاء کا کلچر عام کرنا ہو گا: مدثر احمد شاہ طالبان اپنے مسلمان اور پاکستانی بہن بھائیوں کو شہید کرنے سے باز رہیں، رانا ثنااللہ