اسلام آباد کی خبریں 13.08.2013
Posted on August 13, 2013 By Geo Urdu اسلام آباد
”امن زندہ باد’ پاکستان زندہ باد” سیکرٹری جنرل کا نعرہ
اسلام آباد (پی پی سی) ”السلام و علیکم! میں پاکستان آ کر بہت خوش ہوں”۔ یہ الفاظ اقوام متحدہ سیکرٹری جنرل بان کی مون نے منگل کو نسٹ میں عالمی امن و سلامتی مرکز کی افتتاحی تقریب سے خطاب کے آغاز پر اردو میں کہے۔ انہوں نے اپنی تقریر کا اختتام بھی اردو میں ایک نعرے پر کیا جو ”امن زندہ باد’ پاکستان زندہ باد” تھا۔ حاضرین نے تالیاں بجا کر ان کا خیرمقدم کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جنرل کیانی نے بان کی مون کو اعزاز ی شیلڈ پیش کی
اسلام آباد (پی پی سی) آرمی چیف جنرل اشفاق پرویز کیانی نے اقوام متحدہ کے سیکرٹری جنرل بان کی مون کو نسٹ یونیورسٹی کی طرف سے اعزازی شیلڈ پیش کی۔ یہ شیلڈ انہوں نے منگل کو نسٹ میں عالمی امن و سلامتی مرکز کے قیام کی تقریب کے اختتام پر انہیں کی۔ مشیر خارجہ سرتاج عزیز اور نسٹ یونیورسٹی کے ریکٹر بھی اس موقع پر موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محمد علی جناح ایک عظیم لیڈر’ بان کی مون کا قائداعظم کو خراج عقیدت
اسلام آباد (پی پی سی) محمد علی جناح ایک عظیم لیڈر’ بان کی مون کا قائداعظم کو خراج عقیدت۔ اقوام متحدہ سیکرٹری جنرل بان کی مون نے منگل کو نسٹ میں عالمی امن و سلامتی مرکز کی افتتاحی تقریب سے خطاب کے دوران ایک موقع پر بانی پاکستان قائداعظم محمد علی جناح کو شاندار الفاظ میں خراج عقیدت پیش کیا اور کہاکہ وہ جنوبی ایشیا کے ایک عظیم لیڈر تھے اور ان کے وژن اور اصولوں پر چل کر پاکستان ترقی کرسکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عالمی امن مشن میں پاکستانی فوجیوں کی قربانیوں کی تصاویر دیکھ کر بان کی مون جذباتی ہوگئے
اسلام آباد (پی پی سی) عالمی امن مشن میں پاکستانی فوجیوں کی قربانیوں کی تصاویر دیکھ کر بان کی مون جذباتی ہوگئے۔ منگل کو نسٹ یونیورسٹی میں عالمی امن و سلامتی مرکز کے قیام کی تقریب کے بعد ایک تصویر نمائش کا اہتمام کیا گیا جس میں ان فوجیوں کی قربانیوں اور کردار کو تصویری شکل میں پیش کیا گیا جنہوں نے 50 سالوں میں اقوام متحدہ کے امن مشن میں مختلف ممالک میں کردار ادا کیا۔ اب تک 136 پاکستانی فوجی ان مشنز میں شہید ہوئے کئی زخمی اور معذور ہوئے۔ اقوام متحدہ کے سیکرٹری جنرل نے بڑی دلچسپی سے نمائش دیکھی اور پاکستانی فوجیوں کے کردار کو سراہا۔ آرمی چیف جنرل اشفاق پرویز کیانی بھی ان کے ہمراہ تھے۔
