کراچی(جیوڈیسک)کراچی کے علاقے سائٹ ایریا میں سیمینز چورنگی کے قریب فیکٹری میں آگ لگ گئی، 18 فائر ٹینڈر آگ بجھانے میں مصروف ہیں۔ فائر بریگیڈ حکام کے مطابق سائٹ ایریا میں سیمینز چورنگی کے قریب 3 منزلہ گارمنٹ فیکٹری میں آگ لگ گئی، ابتدائی طور پر2 فائر ٹینڈر روانہ کئے گئے تاہم آگ کی شدت میں اضافہ ہو جانے کے باعث شہر بھر سے فائر ٹینڈر طلب کر لئے گئے۔
18فائر ٹینڈر، 2 واٹر بازر اور ایک اسنارکل کے ذریعے فائر بریگیڈ کے درجنوں اہلکار آگ بجھانے کی کوشش میں مصروف ہیں۔ فیکٹری میں لگنے والی آگ کو تیسرے درجے کی آگ قرار دیا گیا ہے۔
چیف فائر آفیسر احتشام الدین نے جیو نیوز سے گفتگو میں بتایا کہ فیکٹری میں لگنے والی آگ پر قابو پانے میں 2 سے 3 گھنٹے مزید لگ سکتے ہیں، تاہم فیکٹری میں لگنے والی آگ کی وجہ معلوم نہیں ہو سکی ہے،ادھر فیکٹری میں موجود تمام افراد کو باہر نکال لیا گیا ہے۔
رواں مالی سال 3 سو 15 ارب کے نوٹ چھاپے گئے
کراچی : سائٹ میں گارمنٹ فیکٹری میں لگنے والی آگ پر قابو پالیا گیا
