کراچی(جیوڈیسک)کراچی کے مختلف علاقوں میں رینجرز اور پولیس نے آپریشن اور چھاپہ مار کاروائیاں کرتے ہوئے 30 سے زائد مشتبہ افراد کو حراست میں لے لیا۔ بلدیہ ٹاون کے علاقے اتحاد ٹاون میں پولیس کی بھاری نفری نے آپریشن کرتے ہوئے 14 مشتبہ افراد کو حراست میں لیکر 8 ٹی ٹی پستول، 2 کلاشنکوف اور 3 موٹر سائیکلیں تحویل میں لے لیں،پولیس حکام کے مطابق زیر حراست ملزمان سے مزید تفتیش کی جارہی ہے۔
لیاری کے مختلف علاقوں میں پولیس اور ریزرو پولیس نے چھاپہ مار کارروائی کرتے ہوئے ایک درجن سے زائد افراد کو حراست میں لے لیا، جبکہ ڈرگ روڈ کالونی میں رینجرز نے محاصرہ کرکے گھر گھر تلاشی لی اور متعدد مشتبہ افراد کو حراست میں لے لیا۔
ناظم آباد نمبر 2 میں بھی رینجرز نے ٹارگٹڈ چھاپہ مارا اور4 افراد کو حراست میں لے لیا، پی آئی بی کالونی کے علاقے میں بھی رینجرز نے مشتبہ افراد کی موجودگی کی اطلاع پر چھاپہ مارا لیکن ملزمان کو گرفتار نہیں کیا جاسکا۔
کراچی جانے والی 22 انچ قطر کی گیس پائپ لائن دھماکے سے تباہ
لاہور: دولہے کی کار پر فائرنگ، دولہا جاں بحق، بہن اور بہنوئی زخمی
