لاہور کورونا وائرس کا گڑھ بنتا جارہا ہے: یاسمین راشد

Posted on May 6, 2020 By Majid Khan لاہور, مقامی خبریں

Lahore Coronavirus

لاہور (اصل میڈیا ڈیسک) وزیر صحت پنجاب ڈاکٹر یاسمین راشد کا کہنا ہے کہ لاہور کورونا وائرس کا گڑھ بنتا جا رہا ہے۔

یاسمین راشد نے کہا کہ پنجاب کے تمام اضلاع میں سیمپلنگ کررہے ہیں اور لاہور میں کیسز کی تعداد بڑھ رہی ہے۔

انہوں نے بتایا کہ لاہور میں اب تک 2953 کیسز ہیں ان میں سے 700 صحت یاب ہوگئے ہیں، شہر کورونا متاثرین کا گڑھ بنتا جارہا ہے۔

وزیر صحت کا کہنا تھا کہ جن علاقوں میں کیسز زیادہ ہوں گے وہاں سخت لاک ڈاؤن کریں گے اور کم کیسز والے علاقوں میں نرمی ہوگی تاکہ لوگ اپنا کاروبار کر سکیں۔

واضح رہے کہ پنجاب میں کورونا کے کیسز کی تعداد 8400 سے تجاوز کرگئی ہے اور اب تک 150 سے زائد اموات بھی ہو چکی ہیں۔