لالہ موسیٰ کی خبریں 19.03.2013
Posted on March 20, 2013 By Tahir Webmaster سٹی نیوز
میں اپنا اگلہ سیاسی لائحہ عمل چوہدری صابر ہنج کی مشاورت سے طے کروں گا،چوہدری گلزار ہنج
لالہ موسیٰ(محمد بلال احمد بٹ)میں اپنا اگلہ سیاسی لائحہ عمل چوہدری صابر ہنج کی مشاورت سے طے کروں گا،ان خیالات کا اظہار امیدوار برائے حلقہ پی پی112چوہدری گلزار ہنج نے کیا،انہوں نے مزید کہا کہ ہمارے گروپ کا نام ورکر گروپ اور صابر ہنج گروپ کا ممبر ہے اور میرا بھائی ہے الیکشن میں صابر ہنج اور اسکی تمام برادری میری حمایت کرے گی،انہوں نے ایک سوال کے جواب میں کہا کہ ہم چوہدری لیاقت بھدر کو ہنج بھدر ،سلیمہ کملہ بھوٹا ٹبی لوہسر اور مراڑیاں سے عبرتناک شکست سے دوچار کریں گے اور جلدہی حلقہ پی پی112سے الیکشن کمیشن کا آغاز کر رہا ہوں،انشاء اللہ سادات مساوات برادری الیکشن میں میری مکمل حمایت کرے گی،میری اس سٹم کے خلاف جنگ ہے اور یہ ہی میرا منشور ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قائد تحریک عمران خان کی کال پر 23مارچ کو لالہ موسیٰ سے قافلوں کی شکل میں لاہور روانہ ہونگے،چوہدری اعجاز احمد میانہ چک
لالہ موسیٰ(محمد بلال احمد بٹ)23مارچ کا جلسہ فرسودہ نظام کے خلاف جنگ ثابت ہو گا،ان خیالات کا اظہار سابق صوبائی وزیر رہنما تحریک انصاف حلقہ پی
پی112چوہدری اعجاز احمد آف میانہ نے کیا،قائد تحریک عمران خان کی کال پر 23مارچ کو لالہ موسیٰ سے قافلوں کی شکل میں لاہور روانہ ہونگے،انہوں نے ایک سوال کے جواب میں کہا کہ آئندہ عام انتخابات میں مہنگائی بے روزگاری کرپشن سے تنگ عوام پاکستان تحریک انصاف کو پورے ملک میں ریکارڈ فتح سے ہمکنار کرے گی،انشاء اللہ تعالیٰ پاکستان تحریک انصاف اقتدار میں آکر ملک سے مہنگائی بے روزگاری کا خاتمہ کرے گی اور پڑھے لکھے نوجوانوں کو میرٹ پر روزگار فراہم کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کائرہ برادرا ن کو شکست کے خواب دیکھنے والے احمقوں کی جنت میں رہتے ہیں،شیخ خالد محمود
لالہ موسی(محمد بلال احمد بٹ)کائرہ برادرا ن کو شکست کے خواب دیکھنے والے احمقوں کی جنت میں رہتے ہیں،ان خیالات کا اظہار ممتاز بزنس مین ایم ڈی الخلیل پیٹرولیم شیخ خالد محمود نے کیا،انہوں نے مزید کہ قمر زمان کائرہ کو حلقہ این اے106کی عوام دل و جان سے محبت کرتی ہے اور حلقہ کی عوام کی دعائوں سے آئندہ بھی چوہدری قمر زمان کائرہ ایم این اے منتخب ہونگے جس طرح قمر زمان کائرہ نے حلقہ میں ریکارڈ ترقیاتی کام کروائیں اس کی مثال نہیں ملتی پورے حلقہ کو سوئی گیس کی فراہمی ان کے کارناموں میں سے ایک اہم کام ہے،انشاء اللہ وہ وقت دور نہیں جب حلقہ کی عوام قمر زمان کائرہ کو دوبارہ ایم این اے منتخب کر کے وزارت کے قلمدان پر دوبارہ بیٹھائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قمر زمان کائرہ نے درباری محلہ میں سوئی گیس فراہم کر کے اہلیان حلقہ سے عوام دوستی کا ثبوت دیا ہے،حاجی باقر ڈار
لالہ موسیٰ(محمد بلال احمد بٹ)قمر زمان کائرہ نے درباری محلہ میں سوئی گیس فراہم کر کے اہلیان حلقہ سے عوام دوستی کا ثبوت دیا ہے،ان خیالات کا اظہار ممتاز اور بزرگ رہنما پاکستان پیپلز پارٹی حاجی باقر ڈار نے کیاانہوں نے مزید کہا کہ قمر زمان کائرہ وفا
کا نام ہے اور انہوں نے پورے حلقہ میں سوئی گیس کی فراہمی کروا کر اپنا وعدہ وفا کر دیا ہے اور آئندہ بھی حلقہ این اے106سے چوہدری قمر زمان کائرہ ایم این اے منتخب ہونگے،حلقہ کی عوام کا کائرہ خاندان سے سیاسی نہیں بلکہ ذاتی تعلق ہے،یہی وجہ ہے کہ حلقہ کی عوام کائرہ خاندان کو دل و جان سے محبت کرتی ہے،انشاء اللہ تعالیٰ قمر زمان کائرہ دوبارہ کامیاب ہو کر وزارت کا قلمدان سنبھالیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹی او آر نوید اشرف وڑائچ اور انسپکٹر ناجائز تجاوزات چوہدری علی نادر ناجائز تجاوزات کے خلاف آپریشن جاری
لالہ موسیٰ(محمد بلال احمد بٹ)ٹی او آر نوید اشرف وڑائچ اور انسپکٹر ناجائز تجاوزات چوہدری علی نادر کا ڈبہ پیٹرول پمپ اور ری فلنگ گیس بھرنے والوں کے خلاف گرینڈ آپریشن بھاری جرمانے اور سامان ضبط کر لیا عوامی سماجی حلقوں کی طرف سے ٹی او آر نوید اشرف وڑائچ اورانسپکٹر علی نادر کو خراج تحسین کیا گیا۔
