ڈنگہ کی خبریں 19.03.2013
Posted on March 20, 2013 By Tahir Webmaster سٹی نیوز
ڈنگہ : فاطمہ جناح پبلک ماڈل سکول بدھووال میں رنگا رنگ سالانہ تقریب تقسیم انعامات منعقد ہوئی
ڈنگہ (محمد بلال احمد بٹ ) فاطمہ جناح پبلک ماڈل سکول بدھووال میں رنگا رنگ سالانہ تقریب تقسیم انعامات منعقد ہوئی ، جس کے مہمانِ خصوصی پاکستان مسلم لیگ ق حلقہ پی پی 113 کے راہنما چوہدری اخلاق احمد رنیاں تھے ، جب مہمانِ خصوصی چوہدری اخلاق احمد رنیاں فاطمہ جناح پبلک ماڈل سکول پہنچے تو اُن پر طلباء و طالبات نے پھولوں کی پتیوں کی بارش کر دِی ،ننھے منے بچوں نے پھولوں کے گلدستے بھی پیش کیے اور ڈائریکٹر چوہدری ولائیت خاں طاہر نے مالا پہنائی ، مہمانِ خصوصی کا تالیوں کی گونج سے پرتپاک استقبال کیاگیا ۔ مہمانِ خصوصی چوہدری اخلاق احمد رنیاں نے فاطمہ جناح پبلک ماڈل سکول بدھووال کے طلبا و طالبات کی کارکردگی کو سراہا اور ڈائریکٹر چوہدری ولایت خاں طاہر کو شاندار انتظامات اور سکول کے بہترین نتائج پر شاندار الفاظ میں خراجِ تحسین پیش کیا ، طلبا و طالبات نے تلاو ت کلام پاک ، نعت خوانی ٹیبلو ، مزاحیہ خاکے ، ملی نغمے ، ترانے ، تقاریر کے فن کا بہترین مظاہرہ کیا ، فاطمہ جناح پبلک ماڈل سکول بدھووال کی سالانہ تقریب تقسیم انعامات و یوم والدین میں بچوں اور اُن کے والدین نے بھر پور شرکت کی، مہمانِ خصوصی چوہدری اخلاق احمد رنیاں نے سکول سٹاف صائقہ عزیز پرنسپل ، کنزیٰ کنول وائس پرنسپل ، حمیرا نورین ، مقدس رانی ، نصرت بانو ، عابد حسین ، اعجاز احمد ، قاری طارق محمود تبسم ، انجم رشید ، اختر رشید ، فرہانہ یاسمین ، سعدیہ نورین اور روبینہ کوثر سمیت کامیابی حاصل کرنے والے بچوں میں انعامات اور اسناد تقسیم کیں ، اُنہوں نے سکول کی شاندار کارکردگی پر ڈائریکٹر چوہدری ولائیت خاں طاہر آف بدھووال کو بھر پور الفاظ میں خراجِ تحسین پیش کیا ، اور سکول کے اساتذہ کی کارکردگی پر اُنہیں مبارکباد دِی۔ طلبہ و طالبات کی روحانی تربیت کے لیے علاقہ میں اِس سے بہتر کوئی ادارہ نہیں ، آج میں بات فخر سے کہتا ہوں کہ سکول ہذا کے طلبا و طالبات بالخصوص والدین اور اساتذہ کی طلبا و طالبات پر خصوصی توجہ نمایاں ظاہر ہو رہی ہے ، انشاء اللہ میں یہ خیال کرتا ہوں کہ طلبا و طالبات آنے والے دور میں ملک پاکستان کی بھاگ دوڑ سنبھالنے میں صف اول میں شمار ہونگے اور بالخصوص علمی و ادبی پروگرام میں شیراز حسن کو مضمون نویسی اور کاشف مشتاق کو تقاریری مقابلے میں مرکزڈنگہ میں نمایاں پوزیشن حاصل کرنے پر خراجِ تحسین پیش کرتا ہوں۔ اِس موقع پر ڈائریکٹر چوہدری ولائیت خاں طاہر نے کہا ہمارا یہ ادارہ عرصہ دراز سے ضلع گجرات بھر میں نمایاں پوزیشن کا حامل رہا ہے ، میرے سٹاف نے انتھک محنت کر کے سکول ہذا کا نام روشن کیا ہے۔ اِس موقع پر چوہدری محمد رفیع اطہر ہیڈ ماسٹر کھوہار ، چوہدری خضر حیات ایم ڈی فاطمہ جناح ہائی سکول ڈنگہ ، چوہدری محمد آصف پرنسپل العالم پبلک ماڈل ہائی سکول کھوڑی عالم، محمد حسن انگلش مڈل سکول اڈہ امرہ، ندیم اجمل ای ایس رندھیر ، ڈاکٹر عرفان احمد پرنسپل اسلامک کالج بھائو گھسیٹ پور ، سابق جنرل سیکرٹری پریس کلب رانا اطہر رشیدڈنگہ ، شہباز حسین ہیڈ ماسٹر ایلیمنٹری سکول پنجن شہانہ ، خضر حیات کولیاں شاہ حسین ، مرزا اختر بیگ ، چوہدری قمر عباس ، چوہدری زاہد اصغر نمبردار ، ساجد محمود قادری جنرل اے ای او آس سمیت ممتاز ماہر تعلیم ، معززین علاقہ ، صحافیوں کی کثیر تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری اعجاز احمد رنیاں سے موضع ڈھل بھنگش کی ممتاز سماجی و سیاسی شخصیات چوہدری کریم داد کونسلر چوہدری افضل سے اہم ملاقات
ڈنگہ (محمد بلال احمد بٹ ) پاکستان مسلم لیگ ق حلقہ پی پی 113 امیدوار صوبائی اسمبلی ، چوہدری اعجاز احمد رنیاں سے موضع ڈھل بھنگش کی ممتاز سماجی و سیاسی شخصیات چوہدری کریم داد کونسلر چوہدری افضل سے اہم ملاقات ، گلے شکوے دور ، دیرینہ رنجشیں ختم کر کے آئندہ مل کر چلنے کا اتفاق ، تفصیلات کے مطابق ڈھل بنگش کی اہم سیاسی و سماجی شخصیات چوہدری کریم دادا کونسلر اور چوہدری محمد افضل سے چوہدری اعجاز احمد رنیاں کی کچھ عرصہ سے باہمی ناراضگی چل رہی تھی اور یہ اہم سیاسی شخصیات چوہدری اعجاز احمد رنیاں سے باہم دور تھے گذشتہ روز چوہدری اعجاز احمد رنیاں اپنے وفد کے ہمراہ ڈھل بھنگش میں چوہدری کریم داد کونسلر ، چوہدری افضل کو تفصیلی ملاقات کی اور دونوں بھائیوں کو گلے شکوے ختم کرتے ہوئے ساتھ چلنے کی اپیل کی چوہدری اعجاز احمد رنیاں کی اپیل پر چوہدری کریم داد کونسلر ، اور چوہدری افضل نے اپنی تمام رنجشیں ختم کر کے چوہدری اعجاز احمد آف رنیاں کو گلے لگا لیا اور اُن کا بھر پور ساتھ دینے کا وعدہ کیا جس پر چوہدری اعجاز احمد رنیاں نے چوہدری کریم داد کونسلر اور چوہدری محمد افضل کا بھر پور الفاظ میں شکریہ ادا کیا اور اُن کی سیاسی و سماجی خدمات کو خراجِ تحسین پیش کیا ، اِس اہم ملاقات میں چوہدری خان محمد ڈھل ، چوہدری عدالت خاں ڈھل ، چوہدری مہندی خاں ڈھل ، چوہدری مقصود احمد ڈھل ، چوہدری محمد افضال ڈھل ، چوہدری دوست محمد ڈھل ، چوہدری عادل مہر ڈھل ، چوہدری مظہر مہر ڈھل ، چوہدری محمد خاں ڈھل ، چوہدری میاں خاں ڈھل ، چوہدری کریم داد ، چوہدری لیاقت گورسی ، چوہدری مہندی گورسی ، چوہدری ریاست گورسی ، چوہدری احمد خاں ڈھل ، صوبیدار محمد فرمان ، چوہدری ولایت خاں ٹوپہ آدم ، نذر حسین ٹوپہ آدم ، چوہدری عابد انور ٹوپہ موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : معروف زمیندارمیاں عبد المجید مرحوم کی نمازِ جنازہ موضع نور جمال میں ہزاروں افراد کی موجودگی میں پڑھی گئی
ڈنگہ (محمد بلال احمد بٹ ) نور جمال کے معروف زمیندار میاں محمد انور ، میاں عبد العزیز ، میاں لیاقت علی ، میاں محمد اصغر کے بھائی ، میاں حماد مجید ، میاں عبد الحمید ، میاں عبد الحفیظ کے والدِ گرامی میاں عبد المجید مرحوم کی نمازِ جنازہ موضع نور جمال میں ہزاروں افراد کی موجودگی میں پڑھی گئی ، جب جنازہ اُن کے گھر سے اُٹھا تو ہر آنکھ اشکبار تھی ، نمازِ جنازہ میں مذہبی ، سماجی ، سیاسی ، کاروباری شخصیات میں ایم پی اے میاں طارق محمود ، ڈاکٹر طارق سلیم جماعت اسلامی گجرات ، ڈاکٹر احسان اللہ شاہ گجرات ، ڈائریکٹر وزڈم ہائوس چنن میاں عبد الشکور ، عتیق الرحمن ، میاں عبد الرئوف ، سید فیض السن شاہ ، چوہدری عبد السلام پیر جھنڈ، سابق تحصیل ناظم چوہدری ندیم اصغر کائرہ ، چوہدری نصر اللہ کائرہ ، چوہدری نصر اقبال سکھ چیناں ، چوہدری محمد اسلم فتہ بھنڈ ، میاں امجد محمود ڈنگہ ، میاں عمر رفیق سیکریالی ، میاں مبین حیات کولیاں شاہ حسین ، میاں عبد الغفور پٹواری برنالی ، میاں اسد ممتاز کولیاں شاہ حسین ، چوہدری عظیم نور جمال ، سابق ناظم چوہدری نصیر احمد ، چوہدری عمران نذر اسماعیلہ ، چوہدری طارق پٹواری برنالی ، چوہدر ی اختر نمبردار رندھیر ، حاجی بشیر احمد جانی چک ، چوہدری عقیل نثار جانی چک ، میاں ساجد اقبال ڈھلیان شریف ، چوہدری خالد حسین جانی چک ، چوہدری شبیر دھکڑ ، میاں منور سعید یقین پور ، چوہدری عدنان افضل پنجن شہانہ ، سابق تحصیل ناظم چوہدری امتیاز احمد منڈی بہائوالدین ، چوہدری جاوید اقبال امرہ خورد ، چوہدری ارشد مہر نمبردار امرہ خورد ، احسان الٰہی گجرات ، چوہدری مناسب حسین پوڑانوالہ ، قاری رمضان ڈنگہ ، چوہدری ریاست نورجمال ، چوہدری نواب بابکا نور جمال ، چوہدری خالد حسین کینیڈا ، چوہدری منور حسین بابکا نور جمال ، چوہدری عبد الخالق بابکا نور جمال ، چوہدری محمد اقبال بابکا نور جمال ، چوہدری رحمداد جٹ ڈنگہ ، قاضی عبد الحفیظ نور جمال ، چوہدری شفیق جٹ واپڈا ڈنگہ ، چوہدری شبیر نون ، چوہدری ریاض احمد نور جمال ، میاں امین نور جمال ، ڈاکٹر عامر جاوید امرہ خورد ، سید نجف عباس واپڈا ڈنگہ ، چوہدری نوازش پنجاب پولیس ، صابر حسین چیچی ، ملک سلیم ڈنگہ ، چوہدری بائو اکرم ڈنگہ ، چوہدری امتیاز گجر نور جمال ، چوہدری جمشید مہرانہ نور جمال ، میاں منیر احمد شاہ قلی ، میاں ادریس کینیڈا ، میاں طارق محمود ڈھلیان شریف ، میاں محمد ماجد ڈھلیان شریف سمیت سینکڑوں افراد نے نمازِ جنازہ میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : سینئر ممبرڈنگہ پریس کلب رجسٹرڈ ڈاکٹر محمد عنایت عمرہ کی سعادت کے بعد وطن واپس پہنچ گئے
ڈنگہ ( محمد بلال احمد بٹ ) سینئر ممبرڈنگہ پریس کلب رجسٹرڈ ڈاکٹر محمد عنایت عمرہ کی سعادت کے بعد وطن واپس پہنچ گئے ، ایئر پورٹ پر دوست احباب عزیز و اقارب اور اہم سماجی و سیاسی شخصیات نے اُن کا فقید المثال استقبال کیا ، ڈنگہ پریس کلب
رجسٹرڈ کے عہدیداران و اراکین نے سرپرست اعلیٰ ریاض احمد ، صدر ڈاکٹر غلام مصطفی آذر ، فضل حسین بٹ چیئرمین مجلس عاملہ کی قیادت میں ڈاکٹر محمد عنایت کے گھر جا کر اُن کو عمرہ کی سعادت حاصل کرنے پر مبارکباد پیش کی پریس کلب کے وفد میں نوید شہزاد مغل جنرل سیکرٹری پریس کلب ڈنگہ ، چوہدری محمد راصف آہیر ، چوہدری شبیر احمد بلہڑ ، رانا اطہر رشید ، خان وقار خان ، عطا اللہ بٹ ، واحد حسین ، عابد فاروق گوندل ، شہباز حسین دان ، ضیغم عباس سمیت دیگر عہدیداران و ممبران پریس کلب شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ گجرات روڈ پر چک پنڈی کے قریب کار اور موٹر سائیکل میں شدید تصادم ، موٹر سائیکل سوار شدید زخمی
ڈنگہ ( محمد بلال احمد بٹ ) ڈنگہ گجرات روڈ پر چک پنڈی کے قریب کار اور موٹر سائیکل میں شدید تصادم ، موٹر سائیکل سوار شدید زخمی جبکہ موٹر سائیکل پر سوار خاتون موقع پر جاں بحق ، تفصیلات کے مطابق ڈنگہ گجرات روڈ پر چک پنڈی کے قریب کار اور موٹر سائیکل میں زبردست تصادم ہوا جس میں موقع پر موٹر سائیکل پر سوار خاتون جاں بحق ہو گئی جبکہ موٹر سائیکل سوار شدید زخمی ہوا ، کار سواروں کو معمولی چوٹیں آئیں زخمیوں کو فوری طبی امداد کے لیے RHCدُلانوالہ منتقل کیا گیا جبکہ پولیس چوکی دُلانوالہ موقع پر پہنچ گئی اور ضروری قانونی کاروائی کے بعد خاتون کی لاش ورثاء کے حوالے کر دِی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : علاقہ کا معروف تعلیمی ادارہ ایراث ہائوس آف نالج کی سالانہ رزلٹ اور یوم والدی کی تقریب 21 مارچ بروز جمعرات کو ہو گی
ڈنگہ (محمد بلال احمد بٹ ) علاقہ کا معروف تعلیمی ادارہ ایراث ہائوس آف نالج کی سالانہ رزلٹ اور یوم والدی کی تقریب 21 مارچ بروز جمعرات کو ہو گی ۔ جس کے مہمان خصوصی حلقہ این اے 106 کے امیدوار چوہدری نصر اقبال آف سکھ چیناں اور ڈنگہ پریس کلب رجسٹرڈ کے صدر ڈاکٹر غلام مصطفی آذر، سید قیصر محمود ای ایف یو اور میاں الطاف آف خوجہ ہوں گے اس رنگا رنگ تقریب میں ہونہار طلبہ و طالبات ٹیبلو ، مزاحیہ خاکے ملی نغمے پیش کریں گے اور بہتری پوزیشن ہولڈر طلبہ و طالبات میں میڈل ،سرٹیفکیٹ اور شیلڈیں دی جائیں گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : موضع باشنہ کے چوہدری حاجی صادق ، چوہدری حاجی غضنفر علی ، چوہدری امجد علی نے اپنی رہائشگا ہ پر پاکستان مسلم لیگ ق امیدوار صوبائی اسمبلی حلقہ پی پی 113 چوہدری اعجاز احمد رنیاں کی بڑے اکٹھ میں بھر پور حمائت کا اعلان کر دِیا
ڈنگہ ( محمد بلال احمد بٹ ) موضع باشنہ کے چوہدری حاجی صادق ، چوہدری حاجی غضنفر علی ، چوہدری امجد علی نے اپنی رہائشگا ہ پر پاکستان مسلم لیگ ق امیدوار صوبائی اسمبلی حلقہ پی پی 113 چوہدری اعجاز احمد رنیاں کی بڑے اکٹھ میں بھر پور حمائت کا اعلان کر دِیا ، اِس موقع پر چوہدری بشارت حسین چک پنڈی یوتھ ونگ حلقہ پی پی 113، چوہدری عابد علی ، چوہدری طاہر اشرف باشنہ ، چوہدری لیاقت علی ، چوہدری محمد ریاض ، چوہدری فلک شیر ، چوہدری اظہر مہر ، چوہدری شاہد رخسار ، چوہدری ماجد علی ، چوہدری جاوید ، محمد ایوب ، چوہدری مرزا باشنہ ، عدیل علی ، امتیاز علی ، مسفر علی ، مہندی خاں ، احسان علی ، میاں شفقت علی بن کالس ، چوہدری اظہر باشنہ ، چوہدری اعجاز احمد رنیاں نے کہا میں نے آج تک کبھی جھوٹ کا سہارا نہیں لیا ، میں پختہ ایمان کا مالک ہوں ، اگر اللہ تعالیٰ نے کامیابی دِی تو قدرت خدا کا انعام سمجھوں گا ، امید ہے کہ آپ تمام بھائی مل کر میرا الیکشن لڑیں گے اور مجھے کامیاب کرائیں گے ، میرے اندر جو ہے وہ میں اور میرا خدا جانتا ہے ، رنیاں برادران نے
ہمیشہ انصاف کا ساتھ دِیا ہے اور انشاء اللہ تعالیٰ اپنے اصولوں پر آج بھی قائم ہیں ۔ اِس موقع پر حاجی غضنفر علی ، چوہدری امجد علی ، چوہدری صادق نے حمائتی اکٹھ سے خطاب کرتے ہوئے کہا کہ آئندہ انتخابات میں موجودہ ایم پی اے بھر پور مقابلہ کرینگے اور ہر چٹان سے ٹکرائیں گے ، کیونکہ اُنہوں نے کبھی بھی مخلص بھائیوں سے کبھی بھی سچ نہیں بولا اور وہ ہمیشہ منافقت کی سیاست کرتے ہیں ہم نے اُس کو چھوڑ کر آج ہم اپنی پوری فیملی کے عہد سے بھر پور اعلان کرتے ہیں کہ ہم چوہدری اعجاز احمد رنیاں کو ہر حال میں کامیاب کرائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : موجودہ ایم پی اے کی طرف سے اہلیانِ ڈنگہ کو دی گئی الوادعی دعوت نے اُن کی عوامی مقبولیت کا پول کھول دِیا،چوہدری محمد الیاس آف پنجن شہانہ
ڈنگہ (محمد بلال احمد بٹ ) ممتاز سماجی وسیاسی شخصیت چوہدری محمد الیاس آف پنجن شہانہ نے اپنے ایک بیان میں کہا ہے کہ گذشتہ دِنوں موجودہ ایم پی اے کی طرف سے اہلیانِ ڈنگہ کو دی گئی الوادعی دعوت نے اُن کی عوامی مقبولیت کا پول کھول دِیا ۔ اہالیانِ ڈنگہ نے ایم پی اے ڈنگہ کی الوداعی دعوت کو بری طرح مسترد کر کے ثابت کیا کہ اُنہوں نے اِس سے قبل بھی مقامی ایم پی اے کی سیاست کو مسترد کیا اور اب بھی آئندہ الیکشن میں وہ اُن کو عبرت ناک شکست سے دو چار کرینگے اپنی پانچ سالہ کا کردگی کے جھوٹے دعوے کرنے کے لیے مقامی ایم پی اے نے گذشتہ روز جس الوداعی دعوت کا اہتمام کیا اُس میں آدھی سے زیادہ خالی کرسیاں اُن کی عوامی مقبولیت کا راز کھول رہی تھیں جبکہ دوسری طرف سرکاری افسران اور اپنے حواریوں سمیت اُن نوجوانوں کو جن کے اپنے ووٹ بھی رجسٹرڈ نہیں ہیں پروگرام میں خانہ پری کے لیے بٹھا دِیا گیا ڈنگہ کے عوام نے ایم پی اے دعوت میں شرکت نہ کر کے ثابت کیا کہ وہ حسب سابق ایم پی اے کی نام نہاد عوامی نمائندگی کو مسترد کرتے ہیں اور اُن کی تھانہ کچہری اور پٹواری کلچر کی سیاست کو یکسر مسترد کر کے حقیقی معنوں میں عوامی نمائندوں کو اپنے ووٹ کا حقدار سمجھتے ہیں ، نہ بکنے اور نہ جھکنے کا سٹیجوں پر دعویٰ
کرنے والے مقامی ایم پی اے اپنے ووٹر ز کو مطمئن کرنے میں بری طرح ناکام رہے ہیں ، ذاتی مفادات کے لیے اُنہوں نے کئی مرتبہ پارٹیاں بدلی اور کئی مرتبہ عوام کے دیے گئے ووٹو ں سے بے وفائی کر کے اپنے مفادات کے لیے دوسری سیاسی جماعتوں کے اتحاد کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
