لندن (جیوڈیسک) لندن کے مادام تسامیوزیم میں برطانوی سنگر ایڈل کا مومی مجسمہ نمائش کیلئے پیش کر دیا گیا۔ جس دیکھنے کیلئے ایڈل کے چاہنے والے میوزیم کا رخ کر رہے ہیں۔ سریلی آواز اور منفرد اندازکی مالک آسکر ایوارڈ یافتہ برطانوی گلوکارہ ایڈل کا مومی مجسمہ مادام تسا میوزیم میں نمائش کے لئے پیش کردیا گیا۔ مجسمہ میں گلوکارہ سیاہ رنگ کے خوبصورت لباس میں ملبوس ہیں۔
ان کا مومی مجسمہ اس خوبصورتی اور مہارت سے تیار کیا گیا ہے کہ اصل اور نقل میں فرق کرنا مشکل ہو جاتا ہے ۔ ایڈل نے مجسمے کو سراہتے ہوئے کہا کہ مومی مجسمہ اتنا حقیقی ہے کہ یوں لگتا ہے جیسے آئینہ دیکھ رہی ہوں۔ ایڈل کے پرستار بڑی تعداد میں ان کا مومی مجسمہ دیکھنے میوزیم آرہے ہیں اور اپنی پسندیدہ گلوکارہ کے مجسمے کے ساتھ خوشی خوشی تصویریں بنوا رہے ہیں۔
لندن: مشہور پاپ سنگرز کے گانوں پر لوگ جھوم اٹھے
وینا ملک نے پاکستان واپس نہ آنے کی خبروں کی تردید کردی
