رکن صوبائی اسمبلی نشاط ضیاء قادری کا یوم علی رضی اللہ عنہ کے موقع پر عزاداروں کو ہر ممکن بلدیاتی سہولیات کی فراہمی کو یقینی بنا نے کی ہدایت
Posted on July 27, 2013 By Geo Urdu کراچی
کراچی حق پرست رکن صوبائی اسمبلی نشاط محمد ضیاء قادری نے علی رضی اللہ عنہ کے موقع پر برآمد ہونے والے جلوسوں کے روٹس پر مکمل سیکورٹی کے انتظامات اور عزاداروں کو بلدیاتی سہولیات کی فراہمی کے لئے ہر ممکن اقدامات کرنے کی ہدایت کرتے ہوئے بلدیہ شرقی شاہ فیصل زون کے افسران کو ہدایت کی ہے کہ شاہ فیصل کالونی کی حدود میں یوم علی رضی اللہ عنہ کے موقع پر برآمد ہونے والے جلوسوں کے روٹس پر قائم تمام تجاوزات، روکاوٹوں اور غیر قانونی اسٹینڈز کا فوری خاتمہ یقینی بنا ئیں اور امام بارگاہوں اور جلوسوں کے روٹس پر صفائی وستھرائی۔
نکاسی آب کے نظام کی بہتری اور روشنی کی بحالی کے خصوصی انتظامات کئے جائیںنشاط ضیاء قادری نے کراچی الیکٹرک سپلائی کارپوریشن کے اعلیٰ حکام سے مطالبہ کیا ہے کہ یوم علیٰ کے موقع پر جلوس اور مجالس کے دوران بجلی کی بلا تعطل فراہمی کو یقینی بنا یا جائے ان خیالات کا اظہار انہوں نے یوم علی رضی اللہ عنہ کے سلسلے میں شاہ فیصل زون بلدیہ شرقی کے افسران کے اجلاس سے خطاب کرتے ہوئے کیا۔
۔حق پرست رکن صوبائی اسمبلی نشاط ضیاء قادری نے بلدیہ شرقی شاہ فیصل زون کے افسران کو ہدایت کی کہ عوامی سہولیات کی فراہمی کے حوالے سے کسی بھی قسم کی غفلت اور لاپراہی کا قطعی مظاہرہ نہ کیا جائے یوم علی رضی اللہ عنہ پر امام بارگاہوں کے منتظمین اور جلوس پرمٹ ہولڈرز کے باہمی مشاورت سے علاقائی مسائل حل اور بلدیاتی سہولیات کی فراہمی یقینی بنا ئی جائے۔
اس موقع پر شاہ فیصل زون بلدیہ شرقی کی جانب سے حق پرست رکن صوبائی اسمبلی نشاط ضیاء قادری کو یوم علی رضی اللہ عنہ کے موقع پر انتظامات کے حوالے سے تفصیلی بریفنگ دی گئی رکن صوبائی اسمبلی نشاط ضیاء قادری نے شاہ فیصل زون کو ہدایت کی کہ یوم علی رضی اللہ عنہ کے موقع پر مجالس و جلوس سے قبل امام بارگاہوں ،مجلس گاہوں اور جلوسوں کے روٹس پر مکھی ،مچھروں کے خاتمہ کے لئے جراثیم کش ادویات کا اسپرے انجام دیا جائے۔
کراچی، پولیس کا عزیر بلوچ کے گھر پر چھاپہ، علاقہ مکینوں کا احتجاج
ٹیکسی ڈرائیور قتل کیس، عینی شاہد نے رینجرز اہلکاروں کو شناخت کرلیا
