اس تصویر کو کون بھول سکتا ھے؟ اس تصویر سے صاف پتہ چل رہا ھے کہ ایک گدھ ایک بھوکی اور قریب المرگ بچی کے مرنے کا انتظار کر رہا ھے تاکہ اسے نوچ کر کھا سکے.
یہ تصویر ایک ساؤتھ افریقی فوٹو جرنلسٹ Kevin Carter نے 1993 میں سوڈان میں قحط کے دوران لی تھی. یہ تصویر دنیا میں اتنی مشہور ھو گئی کہ انہیں اس تصویر کی وجہ سے Pulitzer Prize سے نوازا گیا. لیکن کارٹر زیادہ دن زندہ نہیں رہ سکا اور اپنے اس اعزاز کا لطف زیادہ دنوں تک نہیں اٹھا سکا۔ کیونکہ ڈپریشن کا شکار ھو کر اس نے خود کشی کرلی تھی۔
ایسا کیوں ھوا؟ دراصل جب وہ اس ایوارڈ کو پانے کا جشن منا رہا تھا تو ساری دنیا کے میڈیا چینلز پر اس کا ذکر ھو رہا تھا اور اس کی شہرت بام عروج پر پہنچ گئی تھی. تبھی وہ واقعہ ھوا جس کی وجہ سے ڈپریشن کا شکار ھو کر کارٹر نے خودکشی کرلی.
ھوا یوں کہ ایک انٹرویو کے دوران کسی نے کارٹر سے پوچھ لیا کہ آپ نے تصویر تو بہت زبردست لی لیکن یہ بتائیں کہ اس بچی کا کیا ھوا؟ کارٹر یہ سوال سن کر مبہوت رہ گیا۔ پھر اس نے سنبھل کر جواب دیا کہ یہ دیکھنے کے لئے وہ رک نہیں سکا کیونکہ اسے فلائٹ پکڑنی تھی. یہ جواب سن کر سوال پوچھنے والے نے کہا کہ اس دن وہاں دو گدھ تھے، جن میں سے ایک کے ہاتھ میں کیمرا تھا. اس واقعہ نے کارٹر پر اتنا اثر ڈالا کہ وہ ڈپریشن میں چلا گیا اور آخر کار خوکشی کرلی.
کسی بھی کام میں سب سے پہلے انسانیت کو مقدم رکھنا چاہیے. کارٹر آج زندہ ھوتا اگر وہ بھوک کی شکار اس بچی کو یونائٹڈ نیشن کے فیڈنگ سنٹر تک پہنچا دیتا جہاں وہ بچی پہنچنے کی کوشش کر رھی تھی.
کیا ہم بھی گدھ بن چکے ہیں؟ آجکل ہم بھی ہاتھوں میں کیمرے والے موبائل لے کر ہر وقت کسی ایسے ھی واقعے کی تلاش میں رہتے ہیں اور جوں ھی ہمیں ایسا کچھ نظر آتا ھے تو فوراً اپنے کیمرے میں محفوظ کر کے ریٹنگ اور لائک کمنٹس کے چکر میں سوشل میڈیا پر وائرل کر دیتے ہیں
ڈاکٹر ظفر مرزا کو تبدیل کرنا چاہیے!
کرپشن کی سزا ترقی؟۔۔۔۔ واہ رے نیا پاکستان
