قومی بچت اسکیموں میں رواں مالی سال کے دوران اب تک دو سو پینسٹھ ارب روپے کی سرمایہ کاری ریکارڈ کی جا چکی ہے جبکہ مالی سال کے دوران مجموعی سرمایہ کاری کا ہدف ایک سو پچیس ارب روپے رکھا گیا تھا۔
مالی سال ختم ہونے میں ابھی پانچ ماہ کے قریب باقی ہیں جبکہ مالی سال کے گذرے صرف سات ماہ میں ہی قومی بچت اسکیموں میں سرمایہ کاری مقررہ ہدف سے سو فیصد سے زائد بڑھ چکی ہے۔جنوری کے اختتام پر رواں مالی سال کے ابتدائی سات ماہ میں قومی بچت اسکیموں میں دو سو پینسٹھ ارب روپے کی ریکارڈ سرمایہ کاری کی گئی۔
ترجمان کے مطابق حال ہی میں جاری کردہ سو روپے مالیت کے اسٹوڈنٹ ویلفئیربانڈز کے جواب میں غیرمعمولی رسپانس ملا ہے جس کو دیکھتے ہوئے پرنٹنگ کارپوریشن آف پاکستان کو آٹھ ارب روپے مالیت کے مزید اسٹوڈنٹ ویلفئیربانڈز کی چھپائی کا آرڈر دے دیا گیا ہے۔
اسلام آباد سمیت پنجاب کے کئی شہروں میں سی این جی اسٹیشن کھل گئے
پاک بھارت تجارت میں فروغ خوش آئند ہے، آئی ایم ایف
