اقوام متحدہ میں جنگ سے متاثرہ خواتین کے حقوق کے لئے پیش کی گئی اینجلینا جولی کی قراداد کو متفقہ طور پر منظور کر لیا گیا۔ آسکر ایوارڈ یافتہ ہالی وڈ اداکارہ انجلینا جولی نے اقوام متحدہ کی سیکیورٹی کونسل پر زور دیا ہے کہ جنگ سے متاثرہ علاقوں میں خواتین کے تحفظ کے لئے خاص اقدامات کئے جائیں۔
جولی نے سلامتی کونسل کے اجلاس میں جنگ سے متا ثرہ علاقوں میں خواتین کے ساتھ پیش آنے والے لرزہ خیز واقعات بھی بتائے جس کے بعد جولی کی پیش کردہ قرارداد کو تمام شرکا نے متفقہ طور پر منظور کر لیا۔ قرار داد میں سلامتی کونسل کے رکن ممالک پر زور دیا گیا ہے کہ وہ خواتین کے ساتھ ہونے والے ظلم کے خلاف ٹھوس قانون سازی کریں۔