پاکستان عوامی تحریک کے زیر اہتمام لیاقت باغ راولپنڈی میںآج تاریخی جلسہ عام ہو گا۔ شیخ الاسلام ڈاکٹر محمد طاہر القادری لاکھوں افراد سے خصوصی خطاب کریں گے۔ پاکستانی عوام،میڈیا اور ملک کی سیاسی جماعتیں جو اس دھرتی پر تبدیلی چاہتی ہیں وہ گھر نہ بیٹھیں بلکہ لیاقت باغ راولپنڈی آ کر ظلم کی دیواروں کو گرانے کا عزم کریں۔
آج کا عوامی اجتماع بدعنوانی،ظلم و بیروزگاری اور کرپشن کے تابوت میں آخری کیل ثابت ہو گا۔ان خیالات کا اظہار پاکستان عوامی تحریک کے مرکزی صدر ڈاکٹر رحیق احمد عباسی نے پاکستان عوامی تحریک راولپنڈی کے عہدیداران اور قائدین سے ملاقات کے دوران گفتگو کرتے ہوئے کیا۔
انہوں نے کہا کہ اہل پنڈی لاکھوں کی تعداد میں لیاقت باغ راولپنڈی پہنچ کر پورے ملک سے آنے والے عوامی سیلاب کی میزبانی کا حق ادا کریں گے۔لیاقت باغ میںآج ہونے والے تاریخی جلسہ میں تاجر تنظیموں کے نمائیندے،اساتذہ تنظیمیں،وکلائ،کسان،مزدور تنظیمیں،مختلف این ۔جی۔ اوز، مختلف سیاسی و مذہبی جماعتوں کے قائدین اور مختلف شعبہ ہائے زندگی سے تعلق رکھنے والے افراد لاکھوں کی تعداد میں شریک ہوں گے۔
