عوام کے حقوق پر ڈاکہ ڈالنے والے چوروں اور لٹیروں کے خلاف ہر محاذ ڈٹ کر مقابلہ کریں گے،ڈاکٹر غنچہ
Posted on May 2, 2013 By Tahir Webmaster سٹی نیوز
تحریک تحفظ پاکستان کے ایڈیشنل سیکریٹری جنرل اور امیدوار برائے قومی اسمبلی حلقہ این اے 49 ڈاکٹر رفیق احمد غنچہ نے کہاہے کہ پورے ملک کو حکمرانوں نے مسائلستان بنا کر رکھ دیا ہے عوام کے حقوق پر ڈاکہ ڈالنے والے چوروں اور لٹیروں کے خلاف ہر محاذ ڈٹ کر مقابلہ کریں گے اپنے ایک بیان کہا کہ ملک کی تاریخ گواہ ہے۔
جب بھی پیپلز پارٹی اور مسلم لیگ ن کو اقتدار ملا تو ان کے رہنمائوں نے لوٹ مار کا بازار گرم رکھا اور غریبوں کو جینے کے حق سے بھی محروم رکھا اب عوام 11مئی کو چوروں لٹیروں لینڈ مافیا قبضہ گروپ سے نجات حاصل کرنے کیلئے میزائل کے نشان پر مہر لگاکر اپنا حق ادا کریں اور ہم کامیاب ہو کر عوام کے مسائل حل کرنے میں کوئی کسر نہیں چھوڑیں گے۔
