پنجاب حکومت بلدیاتی آرڈنینس پر تمام سیاسی جماعتوں کو اعتماد میں لے، تحریک تحفظ پاکستان
Posted on July 16, 2013 By Tahir Webmaster سٹی نیوز
تحریک تحفظ پاکستان کے مرکزی رہنماء روحیل اکبر نے پنجاب حکومت سے مطالبہ کیاہے کہ پنجاب حکومت بلدیاتی آرڈنینس پر تمام سیاسی جماعتوں کی قیادت کو اعتماد میں لے اور متفقہ طورپر ایک ایسا آرڈنینس لائے جو تمام سیاسی جماعتوں کے لیے ناقابل قبول ہو اپنے ایک بیان میں انہوں نے کہا ہے کہ اگر پنجاب حکومت نے 1979 کی طرز پر کرپٹ بلدیاتی نظام لانے کی مذموم کوشش کی تو تمام ہم خیال قوتوں کو ساتھ ملا کر بھرپور عوامی احتجاج کیا جائیگا۔
انہوںنے کہا کہ 1979 کا بلدیاتی آرڈنینس کرپشن کو ہوا دیتا ہے اور تمام اختیارات مرد واحدکے پاس ہوتے ہیں اور اکثر منصوبے صرف کاغذات یاہوائی صورت میں ہوتے ہیں اور تمام فنڈز ہڑپ کرلیے جاتے ہیں اور زمینی حقائق پر کچھ نہیں ہوتا انہوں نے کہا کہ ترقیاتی فنڈز کسی ایم پی اے یا ایم این اے کو نہ دیئے جائیں بلکہ تمام ترقیاتی کام بلدیاتی اداروں کے ذریعے کروائے جائیں۔
