اسلام آباد (جیوڈیسک) ساہیوال اور بھکر میں دو مختلف حادثات میں 7 افراد جاں بحق ہو گئے۔ ریسکیو ذرائع کے مطابق مسافر وین میں گیمبر اڈا کے قریب آگ لگی جس میں گاڑی میں سوار بعض مسافروں کو باہر نکلنے کا موقع نہیں ملا جس کے باعث ڈرائیور سمیت 9 افراد جھلس کر شدید زخمی ہوگئے۔
واقعے کی اطلاع ملنے پر ریسکیو اہلکار موقع پر پہنچ گئے اور زخمیوں کو ڈی ایچ کیو اوکاڑہ منتقل کیا جہاں 2 افراد زخموں کی تاب نہ لاتے ہوئے دم توڑ گئے۔
ریسکیو ذرائع نے بتایا کہ وین میں آگ سی این جی سلنڈر کی لیکج کےباعث لگی۔
دوسری جانب بھکر میں مسافر بس او ٹریلر میں تصادم ہوگیا جس کے نتیجے میں 5 افراد جاں بحق اور 10 زخمی ہوگئے۔
ریسکیو ذرائع کے مطابق مسافر بس کراچی سے مانسہرہ جارہی تھی اور ایم ایم روڈ پر فاضل کے قریب اسے حادثہ پیش آیا۔
ریسکیو ذرائع کا کہناہےکہ حادثے میں جاں بحق و زخمی ہونے والوں میں خواتین بھی شامل ہیں۔
بلاول بھٹو زرداری کا 10 جون سے حکومت کے خلاف عوامی رابطہ مہم کا اعلان
زیارت میں دو دھماکے: خاتون سمیت 5 افراد جاں بحق
