نیویارک (جیوڈیسک) ہالی ووڈ کا اسپائیڈر مین پھر باکس آفس پر تہلکہ مچانے کو تیار ہے اور 2012ء کی بلاک بسٹر فلم دی امیزنگ اسپائیڈ ر مین کے سیکوئل”دی امیزنگ اسپائیڈر مین ٹو” کا نیا ٹریلر جاری کر دیا گیا ہے۔
مارک ویب کی ہدایتکاری میں بننے والے اس سیکوئل میں اینڈریو گارفیلڈ بحیثیت پیٹر پارکر/اسپائیڈر مین اور ایما اسٹون بحیثیت گیون اسٹیسی اپنے سابقہ کرداروں میں جلوہ گر ہو رہے ہیں جبکہ جیمی فاکس ولن الیکٹرو ڈین ڈیہان، پال گیماٹی، سیلی فیلڈ، مارٹن شین، کرس کوپر اور ڈینس لےئری اہم کردار ادا کر رہے ہیں۔
ایوی اراڈ اور میٹ ٹالمچ کی پروڈیوس کردہ اس فلم کا اسکرین پلے الیکس کرٹز مین اور رابرٹو آرکی نے تحریر کیا ہے جو کولمبیا پکچرز کے تحت رواں سال 2 مئی کوٹو ڈی اور تھری ڈی فارمیٹ میں بڑے پردے کی زینت بنے گی۔
فلم میری پہچان، مزاج کے مطابق کام کرتی ہوں: نرما
86 ویں آسکر ایوارڈز کی تقریب 2 مارچ کو ہو گی
