بیگم نصرت بھٹو کی میت دبئی سے خصوصی طیارے کے ذریعے دوپہر ایک بجے سکھرائرپورٹ لائی جائیگی جس کے بعد میت ائرپورٹ سے بذریعہ ہیلی کاپٹر نو ڈیرو ہاس منتقل کی جائیگی ۔ صدر زرداری، بلاول بھٹو، صنم بھٹو میت کے ہمراہ آئیں گے۔ نصرت بھٹو کی نماز جنازہ بعد نماز ظہر ادا کی جائے گی جس میں صدر، وزیراعظم ، بلاول بھٹو، وزیراعلی سندھ ، وفاقی وزرا، اراکین قومی اورصوبائی اسمبلی بھی شریک ہوں گے۔ مسلم لیگ ن، ایم کیوایم، ایاین پی، مسلم لیگ ق، فنکشنل اورجے یو آئی کے وفود بھی نمازجنازہ میں شرکت کرینگے۔ سکھر ائرپورٹ کو سیل کرکے پولیس اور رینجرز کی بھاری نفری تعینات کردی گئی ہے ۔ دوسری جانب غنوی بھٹو اور فاطمہ بھٹو نے بیگم نصرت کی تدفین میں شرکت سے انکار کردیا ہے ذرائع کے مطابق انہیں ڈی آئی جی لاڑکانہ نے صدر زرداری کی ہدایت پر شرکت کی دعوت دی تھی تاہم غنوی بھٹو نے نوڈیرو ہاوس آنے سے انکار کردیا ۔ پیپلز پارٹی شہید بھٹو گروپ کے کارکنان آبائی گھرمیں سوگ منائیں گے۔
آزاد کشمیر ایل اے19 ضمنی الیکشن، پی پی کی فرزانہ یعقوب کامیاب
سکھر: بلائنڈ ڈولفنز کی ہلاکتیں جاری، تعداد 24ہو گئی
