بھمبر کی خبریں 7-3-2013
Posted on February 7, 2013 By Zain Webmaster سٹی نیوز
جموں و کشمیر نیشنل انڈیپنڈنٹس الائنس کی کال پر 10 فروری کو کشمیر فریڈم موومنٹ کے زیر اہتمام قائد کشمیر مقبول بٹ شہید کی 29 یوم شہادت کے موقع پر برمنگھم میں جلسہ عام منعقد ہو گا
بھمبر ( ڈسٹرکٹ رپورٹر)جموں وکشمیر نیشنل انڈیپنڈنٹس الائنس کی کال پر 10 فروری کو کشمیر فریڈم موومنٹ کے زیر اہتمام قائد کشمیر مقبول بٹ شہید کی 29 یوم شہادت کے موقع پر برمنگھم میں جلسہ عام منعقد ہوگا جلسہ عام سے محب وطن ،ترقی پسند راہنما اور حریت کانفرنس کے قائدین خطاب فرمائیں گے تفصیلات کیمطابق برطانیہ میں جموں وکشمیر انڈیپنڈنٹس لائنس کی کال پر 10 فروری بروز اتوار دن 2 بجے کشمیر فریڈم موومنٹ کے زیر اہتمام قائد کشمیر مقبول بٹ شہید کی29 یوم شہادت کے موقع پر برمنگھم میں یوتھ اینڈ کمیونٹی ہال میں جلسہ عام منعقد ہوگا جس سے کشمیر فریڈم موومنٹ ،قوم پرست جماعتوں اور حریت کانفرنس کے قائدین خطاب فرمائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رنڈیا م لڑائی کیس میں ملزما ن تاحال گرفتار نہ ہو سکے
بھمبر( ڈسٹرکٹ رپورٹر) رنڈیا م لڑائی کیس میں ملزما ن تاحال گرفتار نہ ہو سکے ،گزشتہ ماہ کی 9 تاریخ کو ملزمان مقبول حسین ، نبیل خادم،عقیل خادم،عدیل خادم اکرام مجید ، فضل الرحمن نے محمد حنیف کے گھر گھس کر قتل کی نیت سے محمد حنیف اور اس کی بیوی اور بیٹی کو شدید زخمی کیا ، زخمی تاحال ہسپتال میں زیر علاج ہے ، اور ملزمان تاحال گرفتار نہیں ہوئے ملزم نبیل خادم ڈسٹرکٹ ایجوکیشن آفس مردانہ میں ملازم ہے جو کہ کچھ دن دفتر بھی حاضر رہا، اور آزادنہ گھو م رہا ہے پولیس بھی تعاون نہیں کر رہی اور ٹال مٹول سے کام لے رہی ہے۔ مدعیان نے مزید کہا کے ملزم آزاد ہیں اور ہمیں اُن سے جان کا خطرہ ہے۔ مدعیان نے وزیر اعظم آزاد کشمیر ، چیف سیکر ٹری،آئی جی،چیف جسٹس آزاد کشمیر سے انصاف کی اپیل کی ہے۔ مدعیان نے کہا ہے کہ اب بھی پولیس نے تعاون نہ کیا تو وزیر اعظم ہا ؤس کے باہر دھرنا دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلز سٹوڈنٹس فیڈریشن طلباء کی ریاست گیر اور نمائندہ تنظیم ہے تعلیمی سرگرمیوں کیساتھ ساتھ طلباء کے اندر سیاسی اور جمہوری سوچ کو پروان چڑھا رہے ہیں ، علی عمیر
بھمبر ( ڈسٹرکٹ رپورٹر)پیپلز سٹوڈنٹس فیڈریشن طلباء کی ریاست گیر اور نمائندہ تنظیم ہے تعلیمی سرگرمیوں کیساتھ ساتھ طلباء کے اندر سیاسی اور جمہوری سوچ کو پروان چڑھا رہے ہیں ان خیالات کا اظہار پیپلز سٹوڈنٹس فیڈریشن ضلع بھمبر کے جنرل سیکرٹری علی عمیر نے بھمبر میں سکولوں ،کالجوں اور یونیورسٹی کے طلباء سے ملاقات میں کیا انہوں نے کہاکہ پاکستان اور آزاد کشمیر کے اندر طلباء کے اندر سیاسی و جمہوری شعور پیدا کرنے میں PSF کا بڑا رول ہے ملک کے اندر سے آمریت کے خاتمے کیلئے بھی PSF کا بنیادی کردار رہا ہے آج ہم قائد عوام ذالفقار علی بھٹو شہید اور شہید جمہوریت محترمہ بے نظیر بھٹوشہیدکے ویژن اور فلسفے کو آگے بڑھا رہے ہیں ضلع بھمبر کے اندر PSF کی تنظیم سازی کی جاری رہی ہے اور اس کیلئے ضلع بھر کے اندر سٹوڈنٹس سے رابطے کیے جارہے ہیں اور بہت جلد ضلع بھمبر کے اندر تحصیل اور یونین کونسل کی سطح پر تنظیم سازی مکمل کر لی جائیگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
طاہر القادری اور عمران خان الیکشن ملتوی کروا کر زرداری کے ایجنڈے کی تکمیل کرواناچاہتے ہیں ، چوہدری ابرار الحق
بھمبر ( ڈسٹرکٹ رپورٹر) مسلم لیگ ن کو اقتدار میں آنے سے روکنے کیلئے سازشیں تیار کی جارہی ہیں طاہر القادری اور عمران خان الیکشن ملتوی کروا کر زرداری کے ایجنڈے کی تکمیل کرواناچاہتے ہیں ان خیالات کا اظہار مسلم لیگ ن ضلع بھمبر کے سیکرٹری اطلاعات چوہدری ابرارالحق ایڈووکیٹ نے کیا انہوں نے کہاکہ مسلم لیگ ن کا راستہ روکنے کیلئے گٹھ جوڑ کیا جا رہا ہے مسلم لیگ مخالف قوتیں صدر زرداری کیساتھ ملکر سازشیں تیار کر رہی ہیں طاہر القادری اور عمران خان کا اتحاد بھی اسی سازش کا حصہ ہے اور دونوں راہنماء الیکشن کمشنر کی ازسر نو تشکیل کا مطالبہ بھی اسی سلسلے کی کڑی ہے انہوں نے کہاکہ مخالفین مسلم لیگ کی بڑھتی ہوئی مقبولیت اور عوام کی مرضی ومنشاء دیکھ کر خوف زدہ ہیں کہ اگر الیکشن ہوئے تو مسلم لیگ بھاری اکثریت سے کامیابی حاصل کرے گی انہوں نے کہا کہ مسلم لیگ کیخلاف جتنے مرضی اتحاد بن جائیں اور جتنی مرضی سازشیں کر لی جائیں پاکستان کے 18کروڑ عوام ان تمام سازشوں کو ناکام بنا کر مسلم لیگ کے قائد میاں نواز شریف کو اقتدار میں لائیں گے اب مسلم لیگ کا راستہ روکنا کسی کے بس میں نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجلس انتظامیہ وقف ایسوسی ایشن فار ڈس ایبل آرفن (واپڈو) نے ڈسٹرکٹ بار بھمبر کے نومنتخب عہدیداران صدر چوہدری سجاد الحق اور دیگر کو مبارکباد دی
بھمبر ( ڈسٹرکٹ رپورٹر)مجلس انتظامیہ وقف ایسوسی ایشن فار ڈس ایبل آرفن (واپڈو) نے ڈسٹرکٹ بار بھمبر کے نومنتخب عہدیداران صدر چوہدری سجاد الحق ایڈووکیٹ ،سینئر نائب صدر چوہدری ضیاء الرحمن ایڈووکیٹ ،نائب صدر راجہ ندیم انور خان،جنرل سیکرٹری جمیل کامران اور ایڈیشنل جنرل سیکرٹری راجہ افرا سیاب خان کو مبارکباد دی ہے اور ان خیالات کا اظہار کیا کہ نئی منتخب شدہ بار ایسوسی ایشن اپنے فرائض منصبی احسن طریقے سے انجام دینے کے علاوہ ملک میں رول آف لاء اور قانون کی بالا دستی کیلئے اپنی بہترین صلاحیتوں سے کام لیتے ہوئے بار اور بینچ کیلئے نیک نامی کا باعث بنیں گے انہوں نے اس توقع کااظہار کیا کہ بار ایسوسی ایشن اپنے عرصہ کے دوران تاریخی اقدامات اٹھائے گی جو آئندہ آنے والے لوگوں کیلئے مشعل راہ ہونگے واپڈو انتظامیہ کے اجلاس میں راجہ خورشید احمد ، محمد رفیق جسیال ،چوہدری محمد رفیق پنڈی ، حاجی محمد فاروق ، ڈاکٹر اسحاق ، محمد ریاض منہاس ، محمد یوسف ، راجہ انور اور دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحصیلدار بھمبر کا ایڈیشنل SHO کے ہمراہ بیکریوں اور گوشت کی دوکانوں کی چیکنگ غیر معیاری گوشت فروخت کرنے پر قصاب گرفتار
بھمبر ( ڈسٹرکٹ رپورٹر) تحصیلدار بھمبر کا ایڈیشنل SHO کے ہمراہ بیکریوں اور گوشت کی دوکانوں کی چیکنگ غیر معیاری گوشت فروخت کرنے پر قصاب گرفتار جبکہ بیکری مالکان اور قصابوں کو ہزاروں روپے جرمانہ تفصیلات کیمطابق گزشتہ روز تحصیلدار بھمبر منیر احمد نے ڈپٹی کمشنر بھمبر چوہدری محمد طیب کی ہدایت پر ایڈیشنل SHO اور نفری کے ہمراہ بھمبر کے مختلف بازاروں میں گوشت کی دوکانوں اور بیکریوں کی چیکنگ کی ناقص اور غیر معیاری گوشت فروخت کرنے اور ایک قصاب کو گرفتار جبکہ دیگر کو ہزاروں روپے جرمانہ کیا جبکہ بیکریوں کو ریٹ لسٹ آویزاں نہ ہونے اور بعض بیکریوں کے کارخانوں میں صفائی کے انتظامات ناقص ہونے پر بیکری مالکان کو ہزاورں روپے جرمانہ کیا اس موقع پر تحصیلدار بھمبر منیر احمد نے صحافیوں سے گفتگو کرتے ہوئے کہا کہ ایک روز قبل ان دوکانداروں کو وارننگ دی تھی آج دوبارہ چیکنگ کی اور ہماری ہدایات پر عمل نہ کرنے والوں کو جرمانے کیے ہیں اور آئندہ بھی بھمبر کے اندر صفائی ستھرائی کے معیار اور ریٹ لسٹوں کو آویزاں کروانے پر سختی سے عملدرآمد کروایا جائیگا خلاف ورزی کرنے والوں کیخلاف کارروائی عمل میں لائی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میرپور میں وکلاء پر لاٹھی چارج ریاستی دہشت گردی کی بدترین مثال ہے ، چوہدری سجاد الحق
بھمبر ( ڈسٹرکٹ رپورٹر) میرپور میں وکلاء پر لاٹھی چارج ریاستی دہشت گردی کی بدترین مثال ہے ایم ڈی اے کرپشن کا گڑھ بن چکا ہے ڈی جی MDA کرپشن مافیا کا سرغنہ ہے اس کو فی الفور تبدیل کیا جائے بھمبر کے وکلاء میرپور کے وکلاء کا بھرپور ساتھ دینگے ان خیالات کا اظہار ڈسٹرکٹ بار ایسوسی ایشن بھمبر کے صدر چوہدری سجاد الحق ایڈووکیٹ ، سینئر نائب صدر چوہدری ضیاء الرحمن ایڈووکیٹ اور جنرل سیکرٹری چوہدر ی جمیل کامران ایڈووکیٹ نے کشمیر پریس کلب بھمبر کے صحافیوں سے خصوصی گفتگو کرتے ہوئے کیا انہوں نے کہا کہ میرپور بار کے وکلاء MDAکی طرف سے شہریوں کیساتھ ہونیوالی زیادتی کیخلاف پر امن احتجاج کیا اور ڈی جی کی کرپشن کیخلاف آوازبلند کی جس پر حکومت نے ریاستی دہشت گردی کی انتہا کرتے ہوئے وکلاء پر پولیس سے لاٹھی چارج کروایا جسکی ہم بھرپور مذمت کرتے ہیں اور مطالبہ کرتے ہیں کہ MDA میں تعینات کرپٹ ڈی جی کو فی الفور تبدیل کر کے کسی ایماندار شخص کو لگایا جائے وکلاء پر لاٹھی چارج کروانے والوں کیخلاف قانونی کارروائی عمل میں لائی جائے انہوں نے کہاکہ ڈسٹرکٹ بار بھمبر کے وکلاء میرپور کے وکلاء کی ہر کال پر لبیک کہیں گے میرپور بار کے وکلاء جو بھی فیصلہ کرینگے ہم اس کا بھرپور ساتھ دینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نبی کریم صلی اللہ علیہ وآلہ وسلم کی زندگی ہمارے لیے بہترین نمونہ ہے اس پر عمل پیرا ہو کر ہم اپنی آخرت سنوار سکتے ہیں ، راجہ محمد اسحاق
بھمبر( ڈسٹرکٹ رپورٹر)ڈپٹی ڈسٹرکٹ ایجوکیشن آفسیر راجہ محمد اسحاق نے کہا ہے کہ نبی کریم صلی اللہ علیہ وآلہ وسلم کی زندگی ہمارے لیے بہترین نمونہ ہے اس پر عمل پیرا ہو کر ہم اپنی آخرت سنوار سکتے ہیں نبی کریم صلی اللہ علیہ وآلہ وسلم کی اطاعت اصل میں اللہ کی اطاعت ہے ان خیالات کا اظہار انہوں نے بحیثیت مہمان خصوصی خطاب کرتے ہوئے سرور کونین کانفرنس تحصیل سطح کے حسن قرآت،نعت خوانی اور تقریری مقابلہ جات کی تقریب سے خطاب کرتے ہوئے کہا تقریب کی صدارت نائب صدر معلم چوہدری محمد ارشاد نے کی مقررین نے خطاب کرتے ہوئے نبی کریم صلی اللہ علیہ وآلہ وسلم کی سیرت پر تفصیلاً روشنی ڈالتے ہوئے کہا کہ اسلام کے سنہری اصولوں پر ہم عمل پیرا ہو کرقوم و ملک اور نئی نسل کی آبیاری کو یقینی بناسکتے ہیں تقریب کا اہتمام ڈسٹرکٹ ایجوکیشن آفسیر مردانہ چوہدری محمد اشرف اور اسکاؤٹس ایسوسی ایشن کیا گیا۔ تحصیل بھر کے سکولوں کے بچوں نے مقابلہ جات میں حصہ لیا ایسی تقاریب کا انعقاد نیک شگون ہے۔
تلہ گنگ : عافیہ کی رہائی کے لئے آپ حکومتی کردار سے کس حد تک مطمئن ہیں ؟ اگر حکومت سنجیدہ کوشش کرتی تو کیا ڈاکٹر عافیہ کی رہائی ممکن تھی؟
