تلہ گنگ کی خبریں 31-1-2013
Posted on January 31, 2013 By Zain Webmaster سٹی نیوز
آئندہ عام انتخابات میں ملک بھر سے مسلم لیگ ن بھاری اکثریت حاصل کرے گی ، نبیلہ طارق
تلہ گنگ (تحصیل رپور ٹر) مسلم لیگ ن کی ایڈ یشنل انفارمیشن سیکرٹری نبیلہ طارق بٹ نے ملک ارشد کو ٹگلہ سے ٹیلی فون پر خصو صی بات چیت کر تے ہو ئے کہا کہ آئندہ عام انتخابات میں ملک بھر سے مسلم لیگ ن بھاری اکثریت حاصل کرے گی۔آئندہ ملک کے وزیر اعظم میا ں نواز شر یف ہی ہوں گے۔ پاکستان میں آئند ہ عام انتخابات میں رجسٹرڈ ووٹوں کی تعداد 9کروڑ ہے جس میں4کروڑ نوجوان ہے۔ نوجوان ملک میں تبدیلی لانے کیلئے اپنا بھر پور کردار ادا کریں گے۔ نبیلہ طارق کا مزید کہنا تھا کہ مسلم لیگ ن اقتدار میں آ کر ہر ایک کیلئے یکساں انصاف فراہم کرے گی۔ جسمیں غریب ، امیر ، طاقتور یا کمزور کیلئے ایک جیسا نظام ہو گا۔ کرپٹ حکمرانوں نے اپنے پانچ سالہ دور اقتدار میں اداروں کو تباہ اور لوٹ مار کرنے کے سوا کچھ نہیں کیا۔ عام انتخابات میں عوام کرپٹ حکمرانوں کا بوریا بستر گول کر دیں گے۔ انہو ں نے مز ید کہا کہ گز شتہ روز ہو نے والی سر وے رپو رٹ میں عوام نے مسلم لیگ ن کو فیو ر ٹ قرار دیا ہے اور انشاء اللہ آنے والا وقت مسلم لیگ ن ہی کا ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سنگوالہ کو سوئی گیس کی فراہمی پر ڈپٹی وزیر اعظم چوہدری پرویز الہی اور نوجوا ن رہنماء حافظ عمار یاسر کے مشکور ہیں ، حاجی ملک اشرف اعوان
تلہ گنگ (تحصیل رپور ٹر)سنگوالہ کے مقامی سیاسی و سماجی رہنماء حاجی ملک اشرف اعوان نے کہا ہے کہ سنگوالہ کو سوئی گیس کی فراہمی پر ڈپٹی وزیر اعظم چوہدری پرویز الہی اور نوجوا ن رہنماء حافظ عمار یاسر کے مشکور ہیں سنگوالہ کی تمام برادریاں آئندہ انتخابات میں مسلم لیگ(ق) کو ووٹ دیں گی اور این اے اکسٹھ سے مسلم لیگ(ق) بھاری اکثریت سے جیتے گی ، اپنے ایک بیان میں انہوں نے کہا کہ چوہدری پرویز الہی تلہ گنگ کے لئے اچھے خواب رکھتے ہیں انہوں نے ترقیاتی کام کروائے اور یہاں کی عوام کے دلوں میں اپنی جگہ بنائی اب وہ وقت دور نہیں کہ ہمیشہ یہاں سے جیتنے والوں کو منہ کی کھانا پڑے گی کیونکہ جیتنے کے بعد اراکین اسمبلی عوام کو بھول جاتے ہیں انہوں نے کہا کہ چوہدری پرویز الہی اور ھافظ عمار یاسر کے مشکور ہیں جنہوں نے سنگوالہ میں سوئی گیس کا افتتاح کیا ، انہوں نے کہا کہ آنے والے انتخابات میں مسلم لیگ(ق) ہی بھاری اکثریت سے جیتے گی کیونکہ مسلم لیگ(ق) صرف دعوے نہیں بلکہ عملی کام کر رہی ہے اور ترقیاتی کاموں کی وجہ سے ہی چوہدری پرویز الہی کامیاب ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ میانوالی روڈ پر موضع اکوال کے قریب رکشہ اور مسافر کوچ میں تصادم
تلہ گنگ (تحصیل رپورٹر)تلہ گنگ میانوالی روڈ پر موضع اکوال کے قریب رکشہ اور مسافر کوچ میں تصادم ، خاتون سمیت دو افراد ہلاک دو شدید زخمی۔ تفصیلات کے مطابق راولپنڈی سے ڈیرہ جانے والی ڈائمنڈ مسافر کوچ نمبری 7799ا کوال کے قریب ایک گاڑی کو اوور ٹیک کر ے ہوئے رکشہ سے جا ٹکرائی جس کے نتیجے میں رکشہ ڈرائیور ظہیر عباس ولد محمد اسلم اور مسماة شمیم اختر بیوہ محمد حیات سکنائے موگلہ موقع ہی جاں بحق جبکہ غوثیہ بی بی زوجہ غلام حیدر ساکن اکوال اور دو سالہ بچہ شدید زخمی ہو گئے جنہیں راولپنڈی ریفر کر دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ شہر میں غلہ منڈی کے نزدیک بکری چور کو رنگے ہاتھوں شہریوں نے پکڑ کر دھنائی کر ڈالی
تلہ گنگ (تحصیل رپورٹر) تلہ گنگ شہر میں غلہ منڈی کے نزدیک بکری چور کو رنگے ہاتھوں شہریوں نے پکڑ کر دھنائی کر ڈالی ، پولیس کے حوالے۔ غلہ منڈی کے قریب چور نے بکری کو اپٹھانے کی کوشش کی تو وہاں موجود بکری کے مالک نے اْس کو پکڑ لیا۔ شہریوں کی دھنائی کرنے پر مذکورہ چور نے بتایا کہ وہ قبل ازیں بھی آٹھ بکریاں چوری کر کے فروخت کر چکا ہے۔ چور کو تھانہ سٹی پولیس کے حوالے کر دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ (تحصیل رپورٹر)مسلم لیگ ن کے سر گر م رہنماء صو بیدار (ر) ملک عالم خان کھریال نے ایک تحریری بیان میں کہا ہے کہ حلقہ این اکسٹھ مسلم لیگ ن کے کارکن سابق ضلع ناظم چکوال سردار غلام عباس کو مسلم لیگ ن میں شمولیت پر خوش آمد ید کہیں گے اور جو سردار غلام عباس کی ن لیگ میں شمولیت کی مخالفت کر رہے ہیں وہ لوگ پارٹی سے مخلص نہیں ہیں۔ اگر سردار غلام عباس کی مسلم لیگ ن میں شامل ہونے کی خواہش ہے تو کسی کو کیا تکلیف ہے۔ حلقہ این اے کسٹھ میں مسلم لیگ ن کے پاس ایک مضبوط امیدوار کے طور آجائے گا جو باآسا نی چوہدری پرویز الہی کو شکست دے گا۔ ایم این اے سردار ممتاز خان ٹمن چوہدری پرویز الہی کے مقابلہ میں ایک کمزور امیدوار ہے۔ اگر ن لیگ کو حلقہ این اے اکسٹھ میں شکست ہو جاتی ہے تو اس کے ذمہ دار وہ اشخاص ہوں گے جو آج سردار غلام عباس کی ن لیگ میں شمولیت کی مخالفت کر رہے ہیں اور یہ لوگ وقت آنے پر اپنی اپنی بلوں میں گھس جائیں گے۔ اگر ایک مضبوط امیدوار ن لیگ میں شامل ہو کر ضلع چکوال میں مسلم لیگ ن کو طاقتور بنانا چاہتا ہے تو اس میں کسی کو اعتراض نہیں بلکہ خوش آمدید کہنا چاہیے۔ سا بق صدر مسلم لیگ ن سید ضیاء الحسن زیدی ایک چلا ہوا کارتوس ہے مسلم لیگ ن کے مخلص کارکن کسی بھی کنونشن کو نہیں جانتے سردار غلام عباس کا مسلم لیگ ن جوائین کرنے سے اگر کوئی پارٹی سے جانا چاہتا ہے تو وہ کل نہیں آج ہی چلا جائے۔ پارٹی کو دھکمیاں نہ دے مسلم لیگ ن کے کارکن موجودہ صدر مسلم لیگ ن ضلع چکوال چوہدری لیاقت علی کے ہر فیصلے کو دل سے قبول کرتے ہیں۔ان کا مزید کہنا تھا کہ حلقہ پی پی تیئس میں ملک سلیم اقبال کے مقابلہ میں مضبوط امیدوار کوئی نہیں ہے۔ اگر ان کو ٹکٹ دیا گیا تو حلقہ پی پی تیئس میں ملک سیلم اقبال ایم پی اے بن جائے گے اگر کسی اور کو دیا گیا تو حلقہ پی پی تیئس سے مسلم لیگ ن کو اس سیٹ سے ہاتھ دھو نے پڑ ے گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم جشن عید میلاد النبی صلی اللہ علیہ وآلہ وسلم کے موقع پر بینرا اور جھنڈیوں کو جلانے پر شدید الفاظ میں مذمت کرتے ہیں ، طارق محمود
تلہ گنگ (تحصیل رپورٹر) امیر جماعت اسلامی لیٹی طارق محمود اور حافظ عبد الرؤف نے اپنے ایک مشترکہ بیان میں کہا ہے کہ ہم جشن عید میلاد النبی صلی اللہ علیہ وآلہ وسلم کے موقع پر بینرا اور جھنڈیوں کو جلانے پرشدید الفاظ میں مذمت کرتے ہیں اور مطالبہ کرتے ہیں کہ شر پسند عناصر کو کیفر کردار تک پہنچایا جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جشن عید میلاد النبی صلی اللہ علی وآلہ وسلم کا مرکزی جلوس جامعہ مسجد انوار مدینہ سے برآمد ہوا
تلہ گنگ (تحصیل رپورٹر)جشن عید میلاد النبی صلی اللہ علی وآلہ وسلم کا مرکزی جلوس جامعہ مسجد انوار مدینہ سے برآمد ہو ا اور اپنے روایتی راستوں سے ہوتا ہوا جامعہ مسجد غوثیہ پر اختتام پذیر ہواجہاں پر علماء اکرام نے جلوس میں شامل افراد سے خطاب کیا اور جلوس کے لیے سکیوٹی کے سخت انتظامات کیے گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیٹی سٹیڈیم کا کام کسی صورت میں بند نہیں ہونا چاہیے ، ملک یعقوب جمال
تلہ گنگ (تحصیل رپورٹر)ملک یعقوب جمال نے اپنے ایک بیان میں کہا کہ لیٹی سٹیڈیم کا کام کسی صورت میں بند نہیں ہونا چاہیے۔ کام بند ہونے سے سب سے زیادہ نقصان گورنمنٹ گرلز ہائی سکول لیٹی کو ہو گا۔ جس کی پوری دیوار گری ہوئی ہیں اور کام کے ناقص ہونے کی درخو است اسی سکول کے ایک کلاس فور نے دے رکھی ہے اس پر محکمہ ایجوکیشن کو سختی سے نوٹس لینا چاہیے۔
