تلہ گنگ کی خبریں 4-2-2013
Posted on February 4, 2013 By Zain Webmaster سٹی نیوز
تھانہ ٹمن کے ایس ایچ او کی خبر شائع کرنے پر میڈیا رپورٹرز کو دھمکی
تلہ گنگ (تحصیل رپورٹر)تھانہ ٹمن کے اہلکاروں نے سفید کپڑوں میں نا کہ لگا کر لوگوں کو خوف و ہراس پید ا کرنے پر میڈیا نے تھانہ ٹمن پو لیس کے خلاف خبر شائع کی تھی ۔اس پر تھانہ ٹمن کے ایس ایچ او یہ خبر دیکھ کر بپھر گئے اور خبر شائع کر نے والے رپورٹرز کو دھمکی آمیز کال موصول ہوئی ہیں۔ صحافتی حلقوں نے ایس ایچ او کی طرف سے دھمکی آمیزکالز پر شدید مذمت کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ بھرپور روڈ پر ٹریلر کو آگ لگ گئی
تلہ گنگ (تحصیل رپورٹر) تلہ گنگ بھرپور روڈ پر ٹریلر کو آگ لگ گئی ، ہزاروں کا سامان جل کر خاکستر ، تفصیلات کے مطابق لاہور سے تلہ گنگ ملک گودام ڈالیوری آنے والا ٹریلر نمبری آر ایل ایف4491کو بھرپور روڈ پر اچانک آگ بھڑک اْٹھی ڈرائیورمحمد عنایت کے مطابق ہم جا رہے تھے کہ ایک کار والے نے بتایا کے آپکی گاڑی کو آگ لگی ہوئی ہے جس پر فوری ٹریلر روک کر آگ کو بجھایا گیا۔ ٹریلر میں لوڈ سامان کو آگ کے باعث نقصان پہنچا۔ تاہم ٹریلر محفوظ رہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحصیل تلہ گنگ میں بارش کی جھڑی دوسرے روز بھی جاری،لوگ گھروں میں دبک کر بیٹھ گئے
تلہ گنگ (تحصیل رپورٹر) تحصیل تلہ گنگ میں بارش کی جھڑی دوسرے روز بھی جاری،لوگ گھروں میں دبک کر بیٹھ گئے، سڑکیں ویران۔ تفصیلات کے مطابق تحصیل تلہ گنگ میں دوسرے روز بھی بارش کا سلسلہ وقفہ وقفہ سے جاری ہے جس کے باعث سردی کی شدت میں اضافہ ہوگیا ہے۔ محلوں گلیوں میں بارشی پانی کھڑے ہو نے کے باعث لوگوں کی بڑی تعداد نے اپنا وقت گھر میں ہی بیتانے کو ترجیح دی ہے۔ جس سے سڑکیں ویرانی کا منظر پیش کر رہی ہیں۔محکمہ موسمیات کے مطابق ا ج منگل رات کو موسم صاف ہونے کی توقع ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ ٹریفک پولیس کا عملہ شہر سے باہر جیب خر چی بنانے میں مصروف ، شہر کے اندر ٹریفک کئی کئی گھنٹے بلاک رہنے لگی
تلہ گنگ (تحصیل رپورٹر) تلہ گنگ ٹریفک پولیس کا عملہ شہر سے باہر جیب خر چی بنانے میں مصروف ، شہر کے اندر ٹریفک کئی کئی گھنٹے بلاک رہنے لگی، کوئی پرسان حال نہیں ،حکام اعلی عوام پر رحم کر کے اس معا ملہ پر تو جہ دیں۔ تفصیلات کے مطابق تلہ گنگ شہر میں غیر قانونی ٹرانسپورٹ اڈوں ، پارکنگ ، تجاوزات نے ٹریفک کا نظام درہم برہم کر رکھا ہے ، ٹریفک کو سنبھالنے کیلئے پولیس اہلکار شہر میں ڈیوٹیاں دینے کے بجائے شہر سے باہر بڑی گاڑیوں سے ”جیب خرچی ” لینے میں مصروف رہتے ہیں گزشتہ دنوں بھی ٹہی کے قریب بائی پاس رڈ پر بڑے بڑے پتھر رکھ کر روڈ کو بلا ک کرکے بڑی گاڑیوں سے اپنا حصہ وصول کیا گیا ، عوامی و سماجی حلقوں اس صورتحال پر ٹریفک انچارج راولپنڈی ڈویڑن ، ڈی ایس پی ٹریفک پولیس ، ڈی پی او چکوال سے فوری ایکشن لینے کا مطالبہ کیا ہے۔
سمیع خان نے کورنگی کے نشیبی علاقوں میں صفائی ستھرائی سمیت دیگر سہولتوں کی فراہمی کے کاموں کا معائنہ کیا
