حلقہ تعلقاتی گروپ NA105کا خصوصی اجلاس
Posted on July 14, 2012 By Geo Urdu گجرات
گجرات (جی پی آئی) حلقہ تعلقاتی گروپ NA105کا خصوصی اجلاس سنگت فائونڈیشن آفس میں زیر صدارت اشتیاق احمد ایڈووکیٹ کنونیئر منعقد ہوا ، اجلاس میں حکومت پنجاب کی طرف سے ”عوامی خدمات ”کی فراہمی میں بہتری کے لیے کی جانے والی توقع کوششوں کو سراہا گیا ، اور ڈی سی او گجرات نوازش علی کی سربراہی میں کی جانے والی میٹنگ کو خوش آئند کہا ، جس میں یونین کونسل کی سطح پر کھیل کے میدان کی فراہمی کے لیے کام کرنے کا فیصلہ کیا گیا ، حلقہ تعلقاتی گروپ کے ممبران نے فیصلہ کیا کہ محکمہ صحت میں ریفارمز کے لیے حکومت پنجاب کو سفارشات پیش کی جائیں گی ، تا کہ حکومت پنجاب اچھی گورننس کی ترویج کر سکے ، جس میں جوابدہی ، شفافیت ، رسائی ، شراکت اور مستعدی ہو ، مزید برآںحلقہ تعلقاتی گروپ نے فیصلہ کیا کہ ضلعی گورنمنٹ کی کھیل کے میدانوں کی یونین کونسل کی سطح پر بنانے کے لیے اقدامات کی حوصلہ افزائی کریں گے ، اور منتخب نمائندوں کے بھرپور تعاون کو یقینی بنانے کیلئے ملاقات کریں گے ، اجلاس میں اشتیاق احمد ایڈووکیٹ ، افتخار بھٹہ ، ڈاکٹر رزاق احمد غفاری ، فرح دیبہ ، خاور شہزاد ، عمانوایل نعیم ، تصور عباس اور دوسرے ممبران شامل تھے ۔
