بناسپتی ایسوسی ایشن کی جانب سے خوردنی تیل ٹینکرز کو خوردنی تیل کی سپلائی بند کرنے کے بعد خوردنی آئل ٹینکرز ایسوسی ایشن نے غیرمعینہ مدت کیلئے ہڑتال کردی ہے جبکہ پاکستان آئل ٹینکرز ایسوسی ایشن نے ہڑتال کا اعلان چوبیس گھنٹے کیلئے مخر کردیا ہے۔
بناسپتی ایسوسی ایشن کے چئیرمین عبد الوحید نے بتایا کہ کراچی میں پورٹ قاسم پر خوردنی تیل کے تین ٹینکر نذر آتش کیے جانے بعد ملک بھر میں گھی اور تیل بنانے والے کارخانے دس دن سے احتجاجا بند ہیں۔ جس سے حکومت کو یومیہ چالیس کروڑ روپے ریونیو کا نقصان ہو رہا ہے۔
انہوں نے بتایا کہ گھی اور تیل کی یومیہ پیداوار دس ہزار ٹن اور ملکی طلب نو ہزار ٹن ہے۔ مارکیٹ میں برانڈڈ گھی اور تیل کا اسٹاک ختم ہو چکا ہے ۔ ایک لاکھ ٹن گھی اور تیل کی پیداوار بھی نہیں ہو سکی ہے۔
قصور اور لاہور شہر کو گیس کی سپلائی بحال
پاکستان ملائشیا بزنس فورم آج سے شروع ہو گا
