سیدہ خانم طیبہ بخاری کی ڈاکٹر طاہر القادری سے ملاقات، لانگ مارچ کی مبارکباد اور آئندہ حمایت کا اعلان

Posted on January 23, 2013 By Geo Urdu اسلام آباد

ممتاز مذہبی سکالر اور بخاری ریلیف فاؤنڈیشن کی چیئرپرسن سیدہ خانم طیبہ بخاری نے شیخ الاسلام ڈاکٹر محمدطاہر القادری سے ان کی رہائش گاہ پر ملاقات کی۔ سیدہ خانم بخاری نے کامیاب ترین اور پر امن لانگ مارچ کے انعقاد پر ڈاکٹر طاہر القادری کو مبارکباد پیش کرتے ہوئے مارچ کے شرکاء کے جوش و جذبے کو سراہا، بالخصوص خواتین اور بچوں کی پر جوش شرکت پر انتہائی مسرت کا اظہار کیا۔

علاوہ ازیں سیدہ خانم طیبہ بخاری نے ذاتی حیثیت سے ڈاکٹر طاہر القادری کو تحریک منہاج القرآن کے لیے 50 لاکھ روپے کا عطیہ دیا اور اپنے ہر قسم کے تعاون کا یقین بھی دلایا۔ ڈاکٹر طاہر القادری نے ان جذبات کے اظہار پر سیدہ خانم طیبہ بخاری کا شکریہ ادا کیا اور بخاری ریلیف فاؤنڈیشن کو منہاج القرآن کی سسٹر آرگنائزیشن قرار دیتے ہوئے کہا کہ سیدہ خانم طیبہ بخاری ان کی بہن ہیں۔