گیس لوڈ منیجمنٹ پلان کے تحت لاہور ریجن کے سی این جی اسٹیشنز کو گیس کی فراہمی تین روز کے لیے بند کردی گئی ہے۔ گیس کی بندش سے صارفین کو شدید مشکلات کا سامنا کرنا پڑتا ہے۔ گیس لوڈ منیجمنٹ شیڈول کے تحت لاہور، ساہیوال اور شیخوپورہ ریجن کے تمام سی این جی اسٹیشنز کو گیس کی فراہمی جمعرات کی صبح چھ بجے تک بند کردی گئی ہے۔ گیس کی بندش پر صارفین کو پریشانی کا سامنا کرنا پڑتا ہے۔ صارفین کہتے ہیں کہ انہیں گیس کی بندش کے دوران پٹرول پر گاڑیاں چلانی پڑتی ہیں جس کے باعث ان کا بجٹ شدید متاثر ہوتا ہے۔ دوسری جانب سی این جی اسٹیشن مالکان کا کہنا ہے کہ حکومت نے گیس کے بحران پر قابو نہ پایا تو اربوں روپے کی لاگت سے بنائی جانے والی یہ صنعت تباہ ہوجائے گی۔
موسم سرما میں گیس کی پیداوار کم رہے گی۔ عاصم حسین
کراچی پورٹ ٹرسٹ: نیٹو ایساف سامان کی سیکورٹی ڈیوٹی میں اضافہ
