لاہور کے علاقہ ڈیفنس میں نامعلوم موٹرسائیکل سواروں نے پنتالیس سالہ محنت کش اکرم کے چہرے پر تیزاب پھینک دیا۔ پولیس زخمی کو اسپتال چھوڑ کر چلی گئی۔ ڈی آئی جی آپریشنز نے واقعے کا نوٹس لے لیا۔ ڈیفنس کے رہائشی عرفان بٹ نے میڈیا کو بتایا کہ وہاڑی سے آئے ہوئے ایک محنت کش کو اس نے سرونٹ کوارٹر دے رکھا ہے۔ رات کے وقت نامعلوم موٹرسائیکل سواروں نے گھر پر دستک دی اور دروازہ کھولنے پر اس کے چہرے پر تیزاب پھینک کر فرار ہوگئے ۔ اکرم کو زخمی حالت میں اسپتال منتقل کر دیا گیا۔ ڈیفنس بی پولیس نے اس واقعہ پر کوئی کارروائی نہیں کی اور نہ ہی محنت کش کا بیان قلمبند کیا۔ ڈی آئی جی آپریشنز لاہور نے نوٹس لیا اور تھانہ ڈیفنس بی میں اکرم کی درخواست پر نامعلوم افراد کے خلاف مقدمہ درج کر لیا گیا۔
بینظیر حکومت گرانے میں منصور اعجاز کا کردار تھا۔ ملک
نواز شریف پندرہ روز میں لوٹی ہوئی رقم وآپس کر دیں۔ شرجیل میمن
