پریشاں ہو کے میری خاک آخر دل نہ بن جائے
Posted on June 14, 2012 By Adeel Webmaster علامہ محمد اقبال
prayer
پریشاں ہو کے میری خاک آخر دل نہ بن جائے
جو مشکل اب ہے یا رب پھر وہی مشکل نہ بن جائے
نہ کر دیں مجھ کو مجبورِ نو فردوس میں حوریں
مرا سوزِ دروں پھر گرمئی محفل نہ بن جائے
کبھی چھوڑی ہوئی منزل بھی یاد آتی ہے راہی کو
کھٹک سے ہے جو سینے میں غمِ منزل نہ بن جائے
بنایا عشق نے دریائے ناپید کراں مجھ کو
یہ میری خود نگہداری مرا ساحل نہ بن جائے
کہیں اس عالمِ بے رنگ و بو میں بھی طلب میری
وہی افسانئہ و نبالئہ محمل نہ بن جائے
عروجِ آدم خاکی سے انجم سہمے جاتے ہیں
کہ یہ ٹوٹا ہوا تارا مہِ کامل نہ بن جائے
علامہ محمد اقبال
جنہیں میں ڈھونڈتا تھا آسمانوں میں زمینوں میں
نہ تخت و تاج میں نہ لشکر و سپاہ میں ہے
