کراچی : (جیو ڈیسک) کراچی کے علاقے ڈیفنس بدر کمرشل میں ایک خاتون مبینہ طورپر اغوا کاروں سے بچ کر تیسری منزل کے چھجے پر پہنچ گئی جسے پولیس نے بچالیا۔
پولیس کے مطابق ابتدائی طور پر اطلاع ملی تھی کہ ایک خاتون خودکشی کی نیت سے تیسری منزل کے چھجے پر چڑھ گئی ہے جسے بچانے کے لئے درخشاں پولیس اور ڈیفنس اتھارٹی کاعملہ موقع پر پہنچا جس کے بعد پولیس نے فلیٹ کی گرل کاٹ کر اس خاتون کو بچالیا۔
خاتون نے میڈیا سے گفتگو کرتے ہوئے بتایا کہ اسے ایک آدمی نے مبینہ طور پر اغوا کیا تھا اور رات بھر اسے تشدد کا نشانہ بناتا رہا اس سے بچ کر یہ چھجے پر چڑھ گئی تھی۔ خاتون نے مزید بتایا کہ اسے اغوا کرنے والا اس کے بچے کو بھی اغوا کرکے لے گیا ہے ، بعدمیں درخشاں پولیس خاتون کو مزید تفتیش کے لئے تھانے لے گئی پولیس نے اس کے بچے کو بازیاب کر الیا ہے۔
کوئٹہ ، کچلاک دھماکے کا ایک اور زخمی چل بسا،ہلاکتیں7 ہوگئیں
ڈیزل کے سوا تمام پٹرولیم مصنوعات کی قیمتوں میں اضافہ
