نومنتخب حکومت کوبجٹ میں مزیدٹیکسز لگاکر مہنگائی بڑھانے سے اجتناب کرنا ہوگا محمد رئیس
Posted on June 3, 2013 By Abeer Webmaster کراچی
کراچی پٹرولیم مصنوعات اور بجلی کی قیمتوں میں بلاجواز اضافہ دودھ اور دیگر اشیائے ضروریہ کی قیمتوں میں بھی اضافے کا سبب بن گیا ہے جس سے مہنگائی کا ایک طوفان اُمڈآیا ہے جو اس بات کی نشاندہی کررہا ہے کہ نو منتخب حکومت کیلئے دانستہ مشکلات پیدا کرنے کی سازشیں کی جارہی ہیں کیونکہ اس صورتحال میں نئی حلف یافتہ حکومت کیلئے عوامی بجٹ تشکیل دینا مشکل ہوجائے گا
جو یقینا اس کی عوامی ساکھ کو متاثر کرنے کے ساتھ ساتھ اس کیلئے سیاسی مالی اور انتظامی مشکلات میں اضافے کے اسباب بھی پیدا کرے گا ۔نیکسٹ جنریشن پروٹیکشن فاؤنڈیشن کے چیئرمین عمران چنگیزی کی صدارت میں ہونے والے این جی پی ایف کے اجلاس میں چیئرمین پولیٹیکل ونگ جمیل اقبال سید چیئرمین سوشل ونگ محمد رئیس چیئرمین اسٹوڈنٹ ونگ محمد فیصل خان چیئرمین مائنوریٹی ونگ شری ہنس راجکمار و دیگر ونگز کے چیئرمین شریک ہوئے۔
اوربجٹ سے قبل پٹرول و بجلی کے نرخوں میں اضافے پر تشویش کا اظہار کرتے ہوئے اسے آنے والے بجٹ کو حکومت وعوام دونوں ہی کیلئے مشکلات و مصائب پیدا کرنے کی منظم منصوبہ بندی قرار دیتے ہوئے نو منتخب حکمرانوں سے مطالبہ کیا کہ وہ بجٹ میں مزید ٹیکسز لگانے اور مہنگائی بڑھانے سے اجتناب کریں وگرنہ عوام کیلئے زندہ رہنا ممکن نہیں رہے گا۔
ایم کیو ایم آج سپریم کورٹ کے سامنے مظاہرہ کرے گی
